شــخبار الزعـماء والزعيمات إن شالله منيحيل:p <<تكفين لاتتكلمين لبناني
والله إني من القهر قلت أبكتب موضوع أفضفض فيه هنا تعرفوني دايم أفضفض بالمنتدى وأقول إللي
بقلبي ..
يقول المثل:p << الحين قولي وش يقول المثل >> اصبرو لاتستعجلون على رزقكـم يقول المثل لاصرت قاضي من الدراسه ..خلك على دفرتك ولا صرت فاضي وانت وش وراك يعني لازم تصير مليان او بالاحرى عندك شغل ..وإن أردت أن تفضفض فلا تفضفض إلا هنا انتهى كلام الكاتبه اللي هي أنا:p يعني لاصرت طفشان ..فضفض حتى تفض الطفش اللي براسك غير مأسوفا عليها ...وهذا ليس بمحور حديثنا .. :p :p
وطبعـــاً أنا مطبقه هالمثل بالحرف الواحد:p
يعني لاتلــــــــومووووني
<<عليك مقدمه
والله العظيم تعبت من الدراسه تقل دافوره ماناقص الا آكل الكتاب من كثر الدفره ((أذكروا الله علي))
أول شي وش رايكم بالقرار الجديد؟؟؟
والله هالقرار الجديد متعب بضم الميم :p كل يوم اختبار وياليت ماده وحده احس بيجيهم شي
إذا خلوا ماده وحده باليوم إلا نادر ماقلنا لاتعطونا إختبارات بس إختبار واحد باليوم يكفي والمفروض مايعطونا
اختبار يوم الاربعاء لأنه ممنوع ومايعطونا اكثر من 3 اختباارات باليوم بس المدرسات الله يهديهم
مايسمعون كلام الوزاره بس الوزاره ياحليلهم مسوين يخافون علينا وبهايه السنه نشوف الاسئله اللي تفقع
المراره مثل ماصار بالعام واول العام يوم جت اسئله صعبه للعلمي ياعمري عليهم ضيعوا مجهود الطلاب سنه كامله ..
بس أنـا ماأفوت يوم يكون ماعلينا فيه إختبار..
وإذا جا يوم ماعندنا إختبار أرجع البيت وقبل الغدا أقول لأمي:p
أنـا:يمه ترى بكره بغيب أمي:وليش إن شالله أنـا :أبي آخذ فترة راحه أبي أشم هوى نقي خالي من الإختبارات<<لاتلوموني أمي:ايه من كثر المذاكره ماشالله عليه كل وقتك على الكمبيوتر أو النت أنـا:يمه ألحين أنا ماأدرس ومين اللي كل يوم أول مايقوم من النوم لما العشا وهو يدرس
ومين اللي حارم نفسه من الطلعات بس علشان هالمذاكره اللي ترفع الضغط <<لسانها طويل أمي:إيه أنتي بثالث المفروض تشدين حيك إن ماجبتي نسبه هالسنه متى تجيبين واصبري كلها سنه
وتعدي أنـا:ان شالله بس ادعيلي <<اللي يقول بتجيبين الدكتوراه :p أمي:والله يابنتي بدون لاتقولين بدعيلك أنـا:الله يخليك لي ياماما ولا يحرمني منك بس وش قلتي اغيب ولا مااغيب أمي:عطيني مهله أفكر بالموضوع لما بكره :p <<تبي تصرفني امي أنـا:تكفيين يمه ابي اغيب ابي ارتاااح يوم أمـي:طيب غيبي بس اذا دقوا المدرسه بكره ماني براده عليهم واقولهم ان اانتي تعبانه مابي اكذب أنـا:ياااااهووو وناااسه عادي بخلي الخدامه ترد عليهم :p
ومايبقى احد الا بشرته اني بغيب من الفرحه
انتهت المحاوره
واللي قاهرني اكثر لما أدخل النت واشوف هنيف بالمسنجر وتقولي ترى بكره بغيب
اقولها ول عليك توك غايبه تقولي قولي ماشالله اقولها ماشالله مع ان عيووني مو حاره :p ودايم تقول ان ماعليها محاضرات وترى مو علي ياهنيف
وكل يوم والثاني تقوول انا بغيب ليش هو حلا الغيااب <<والله من القهر:p واللي قاهرني اكثر النظام الجديد هو عجبني وماعجبني<<مو لازم:p
وبصرااحه النظام الجديد زين وشين زين ان حنا نذاكر أول بأول وشين أن كل يوم مذاكره واختبار كنه تعذيب بس والله يتعب بس الحمد لله المدرسات أسألتهم سهله يعني حتى لو ماذاكرنا ان شالله بنحلها
ومثل ماتعرفون محاكيتكم داافووره :p ماينخاف عليها بس اللي قاهرني وش معنى الانجليزي بعد مااختبرنا الاختبار اللي للتقييم يرجعون اللي من 15
واللي يقهر اكثر ان اختبارات اللي حقت الانجليزي كلها جايبه فيها درجات كامله
أحس أنهم لاعبين فينا لعبه كل يوم جايين بقرار جديد مره يشيلون مره يحطون مره يرجعون مره يظيفون
يستقروون على قرار واحد ويخلونا أفكارنا تستقر معاهم
بس انا حالفه اني لأحلل هالسنه بطريقتي الخاصه والحمد لله بديت الخطه والنجاح تام لحد الآن :p <<تخوف وان شالله بحفل تخرجي كلكم معزووومين عاد بتكون بستقبالكم صباح <<مديرتنا والله يعينكم عليها تراهي غاثتنا بقووه صدق من قال نشبه بس الحق يقال انسانه طيبه بس لما تعصب
لحد يجي لمها لأنها تطير اللي قدامها :p بس والله انا اخاااف منها ومن تكون بمكان انا مااكون فيه
الا بالطابور عاد غصبن علي بجلس مو برضاي:p
حتى النوم محسودين عليه اخوي بالبيت مايناديني الا البطه النائمه عاد انا اصلحها له اقوله قول
الأميره النائمه يقول معصي الله يهديك ياخووي
بس والله النوم لايقااوم احلى شي بالدنيا يعني ماشالله علي وقت اللي يكون برد قوي حييل انا مااطلع من البطانيه بس متغطيه وبيدي الجوال العب فيه حتى اذا اتاني النوم واستسلمتُ له انام على طول
والأوقات اللي ابي انفه فيها عن نفسي لما تجي مباراه للهلال ياااحبي للفريق هذا الله يوفقه ياارب
والله مخلينا مبسوطين انتصارات متتاليه ماشالله عليه قهر عذااله ;)
واحلى شي لما يكون ابوي الله يخليه موجود بالبيت وقت المباراه ابوي عاد مايحب الهلال
مدري ليش مع ان الهلال ينحب من أول نظره:p ولما يفوزون الهلال يقولي انتم اصلا ماتفوزون الا بالتحكيم
اقوله بالتحكيم بدون تحكيم أهم شي فزنا بعدين وش دخل الهلال إذا جابوا حكام مو لمباراه قويه
الهلال موذنبهم يحطون الشي فووق راسهم ابوي يقول بس خلكم تتقابلون مع الاتفاق يكسر راسكم
ابوي يشجع إتي الشرقيه عاد من زينه مدري وش حب ابوي بهالفريق بيتنا كله هلالي ماعدا ابوي اتفاقي
وعبد الرحمن أخووي نصراوي:p بس انا وراه وراه لما يصير هلالي
واللي يبي السعاده يشجع الهلال واللي يبي التعاااسه يشجع فريق غير الهلال:p
المهم نرجع لمحور حديثنا الا وهي المدرسه :p تخيلوا مره كان علي اختبار ((نحو -توحيد))وكانو اهلي بيطلعون
يتمشون وكان بوسط الاسبوع بالتحديد السبت وأنا مقهووره ابي اطلع والله قمت اصيح <<دموعها ع الباب وكسرت خاطر أختي وقالت خلاص انا بجلس معها :p وانا فرحت مو لأن أحد جلس معي لأني ماخليت أختي
تروح معهم <<نذاااله ويوم جت الساعه 9ونص تركت الدراسه واللي خلفوها :p وكان باقيلي شوي بالتوحيد وعلى طول على التلفزيون اشوف سيرة الحب ((الدكتوره فوزيه الدريع))
وشوي الا كانوا جايبين حليمه بولند دلوعة الشاشه والحرمه ناويه هالسنه بتروح تحج
الله يهديها ان شالله فأنصح السعوديين الشباب لايروحون الحج اخاف يشوفون حليمه :p ويخرب حجهم
بس الشي اللي ضحكني انها قالت انا ضد العري طيب واللي كنتي لابسته الله يستر علينا بس
واحد دق على البرنامج وقال لحليمه ((مااتصورك وانتي بالحج وترمين الجمرات :p وتقولين هذي وحده وهذي الثانيه
:p وكان يتدلع بكلامه يعني يقلد عليها مثل ماتتدلع هي ))
بس والله جد عليها دلع غير طبيعي وبعدين دقت وحده سعوديه شكلها منقهره من حليمه قالت لفوزيه الدريع وين الجمال اللي تقولين عليه بحليمه
كله مصتنع كله عمليات تجميل ومكياج:p قامت ردت عليها فوزيه وقالت لها الجمال جمال الروح
نرجع لمحور حديثنا المدرسه صدق ان المدرسه متعبه بالدراسه بس والله فيها مغامرات رهيبه
ووناسه ذاك اليوم قمنا نلعب بالمدرسه وكنا بزران ياحليلنا:p نتذكر أيام الطفوله الجميله
واحلا شي الشاهي الكبتشينوا كنا جالسين بستار بكس بس ستار بكس من نوع آخر على الارض
من تواضع لله رفعه بالحر نجيب ببسي <<معشوق الجماهير :p وبالبرد ندفي نفسنا بالشاهي والكبتشينوا
والجاكيت ;) بس والله فله نبي نروح المدرسه بس مانبي ندرس نبي نسولف ونستانس بس:p
فأنصح إللي أمثالي انهم يتبعون القوانين الآتيه :
1-إذا طفشتوا من حصه انحاشوا 2-اذا المدرس أو المدرسه دق الجرس ولا اطلعوا برى عطوها اياهم كاش ((ترى دق الجرس وانتوا ماطلعتوا ماصارت حصه:p )) 3-اذا طفشت أو طفشتي من الحصه وتبي تتحرك قط القلم بعيد وقوم جيبه بس لاتستأذن 4-إذا جت الحصه وماتبون تدخلون تأخروا عن الحصه علشان إذا جيتوا تبون تدخلون يقول رحوا الإداره جيبوا ورقه وانتوا إذا رحتوا مستحيل يعطونكم وبكذا أنتو تفكرون عمركم من الحصه:p 5-إذا نقصتوا درجه روحوا تمصلحوا للمدرسه او المدرس لما يجبرونها 6-إذا تبون المدرس او المدرسه يتنرفزون سوولفو واضحكوا بالحصه <<مجربه:p
وســـلامتكم ;)
بس استحملو اللي يجيكم أنا مالي شغل لاكتبتوا تعهد لاتقولون رعبوبة قالت
ويالله خلاص احس اني مسجل مو راضي يسكت ماشالله علي
سوااالـــيف بحصة الأدب والمدرسه يالله أنك تخلف عليها طبعا سواليفنا بحصة الأدب وحده اسمها مريم من صديقاتي سألت نوره ..
مريم.:.ماتلاحظين لما صرنا بثالث ثانوي تغيرت سوالفنا؟؟!!
ردت عليها نوره: تغيرنا وكبرنا..
وصارت أحلامنا غير..
تربطنا بكليات وأقسام..
تناسينا..
لعبنا ورجتنا..
أو صرنا نتكلم بمكياج..
أو برموز وسوالف تعور القلب..
كل وحده تفكر..
بواحد حلو وأخلاق..
وولد وسيم يشبه أبوه..
وبليلة عرسها..
تعزم مين؟؟! وتخلي مين؟؟!
وكيكة العرس اشلون طعمها؟؟!
بس ان شاءالله ..
نحضر زواج كل وحده نعزها..
ونشوف كل وحده معاها
ولدها وألبوم صورها ..
آآآآآآآآمييييييييييييين ياحي ياقيووووم ..
وردت عائشه على هالخاطره..
عايشه: اسألتهاعن سوالف..
جاوبتها بالمشاعر..
عبرتها بالخواطر..
بالرمووز نتفاهم..
عبر الرسايل تتناقل ..
تحير عيون من يناظر..
إكتبت أحلام شله ..
ودها لو تساافر..
بالمغامرلو تخاطر..
لجل يبنون الأماني..
حلم رايق فوق ثاني..
وفي التخرج نتباكى...
والدموع تتناثر..
أسأل الله ان يحقق..
حلم شلة صف ثااااالث
أنـا: واعوذ بالله من كلمة أنا :p سؤال؟؟
جوابه أمل ..
حلم كبير يارب يكتمل...
سؤوال؟؟ وجاوبته الحروف..
تذكر فيه رحلة 12سنه..
سؤال؟؟ وجاوبته الأحاسيس.. وحكت به الروح ..
لعب وهبال ورجه...
كان الحلم كله وناااااسه... كان الحلم بس ((حفله))
انا بجيب ببسي.. وانتي عليك الحلااا...
وصار الحلم مستقبل وواحد حلو وأخلاق ورزه...
وزواج وولد وكيكة العرس...
وش تصميمهاااا؟؟؟؟
وفزاع وتوم كرووز.
ومن شفتي؟؟ ومن صادقتي؟؟
درستي زين ولا مادرستي ...
صار الحلم جد في جد...
يارب تكمل حلمناااا وتنجحنا...
وتصير الكيات والجامعات هي اللي تطلبنا ...
ويارب تبلغناا يوم تخرجناااا..
بس من غير الدموع..
وان شاء الله نفرح أهلنا فينا ..
ونشرفهم ..
ونرفع راسهم ..
هذا طموح بنات ثااااااالث يارب انك تحققه...
مع انا ماكنا متفقين نكتب بس اللي شجع الطفش اللي كان بالحصه
بالنهايه احس اني كثرت بالكلاام كني وحده من سيلان جالسه تسولف ماصدقت على الله تتكلم
والله يوفقكم إن شــالله كلكم بدراستكم وتجيبون اللي تتمنونه
وسووري على الموضوع ادري طويل بس هذي شي قليل ماطلعت كل شي<<وش باقي بعد:p
والله يوفــق الزعيم اليوم
ويالله اشوفكم على خير
يوووووووووه طووووووويل بقوة الموضوع ... قلت لو 15 سطر راح أقراه .. لكن هذي إرادة الله ... لا إعتراض انا أشاء وانت تشاء والله يفعل ما يشاء ... لذلك إن وجدت وقت فاضي رجعت أقراه ..
هلا والله برعبووووووووبة .. ويامرحبا ... عقبال ما تعلمينا بخبر خلعك .. وحكم المحكمة على المدرسة ..
يااااااااااااااااااارب يحقق طموحك بالخير...
مدري شو اقوووووووووول .. لكن والله اني اشفقت عليك .. من موضوعك حاس ان لسانك مربوووووووووط .. واليوم انفك ... وتقديرا لك .. قريت الموضووووووع كااااااااااااااامل .. ولوني مافهمت مثلك . احسه مكتوووووووب بلغة (جاوه)!
الله يعينكم ياطلاب ثالث ياهم حايسينكم وحايسين اهلكم معكم ..
اخوي بثالث مبتليني كل ماجاه اختبار انجليزي .. جاني على باله اني (شطس بير) .. ومن زود مافي مدرسهم .. كل فترة اختبار يعني الى الان ثلاث اختبارات نهايتها اليوم ..
والله اخوي الضعيف امس مستحي مني ... كنت تعبااااااااااان و ماصدقت اخلص اختباراتي .. وقيلوله مااخذت ... يجيني وانا اشرح واتنهد تقول متملل منه ..
كل فترة واقوله هاه فهمت .. هو ايه .. بس ليه كذا مو كذا !! << شوي ويطمخه بمخمس من بتاع زمااااااااااااااااااااان ( الله لايقوله) بس الحمدلله عدت ع خيييييييييير...
لئلا ازيد واطيل قبل الختام.... بسألك سؤال /: لو دريتي ان فيه بني ادمي اجازته بدت يوم الثلاثاء الساعة 9.30 صباحا ...اكيد بتقولين له مبروووووووك صح؟؟! <<<< بسرعه قولي لي..
هلا وغلا في بنات ثالث ثانوي والله وكبرتي يارعبوبة وصرتي عرووسه >>سكتوها هالعجووز تكفو
إقتباس
والله العظيم تعبت من الدراسه تقل دافوره ماناقص الا آكل الكتاب من كثر الدفره ((أذكروا الله علي))
أول شي وش رايكم بالقرار الجديد؟؟؟
وانا اشهد ان الدراسه ذابحتس :p
إقتباس
أنـا :أبي آخذ فترة راحه أبي أشم هوى نقي خالي من الإختبارات<<لاتلوموني أمي:ايه من كثر المذاكره ماشالله عليه كل وقتك على الكمبيوتر أو النت
عادي الاهل لو يشوفونك اربع وعشرين ساعه مع كتاب يقولو ماتذاكر اجل ابوي وامي ذابحيني الناس بتعطل وهم يقولون ذاكري
إقتباس
واللي قاهرني اكثر لما أدخل النت واشوف هنيف بالمسنجر وتقولي ترى بكره بغيب
اقولها ول عليك توك غايبه تقولي قولي ماشالله اقولها ماشالله مع ان عيووني مو حاره :p ودايم تقول ان ماعليها محاضرات وترى مو علي ياهنيف
وكل يوم والثاني تقوول انا بغيب ليش هو حلا الغيااب <<والله من القهر:p
تراني ماغبت غياب هبا منثورا مره غبت لاني تعبانه ومرة غبت لان ماعندي الا محاضره وحده وباقي الغيابات والله ماعندي شي وكل البنات غايبين
إقتباس
واللي يبي السعاده يشجع الهلال واللي يبي التعاااسه يشجع فريق غير الهلال:p
12 سنه درستها راحت كرف ودراسه وماعمري سويت الي يقولون عنه وناسه وخرابيط من جد قهر حتى دراستي الحين كنت متوقعه اني بهبل وبسحب على الدراسه بس الدافور دافور والموؤدب مؤدب والهادي هادي
إقتباس
ويالله خلاص احس اني مسجل مو راضي يسكت ماشالله علي
وانا اشهد بالعتن مسجل ياقلبي عليتس :p كاتمة كل ذا بقليبتس
إقتباس
سوااالـــيف بحصة الأدب والمدرسه يالله أنك تخلف عليها طبعا سواليفنا بحصة الأدب وحده اسمها مريم من صديقاتي سألت نوره ..
ماشاء الله شي
إقتباس
وسووري على الموضوع ادري طويل بس هذي شي قليل ماطلعت كل شي<<وش باقي بعد:p
والله يوفــق الزعيم اليوم
ويالله اشوفكم على خير
واللـه يـا خيتي كلنـا قرفانين من ذا القرار الجديد يبغونا نذاكر كل يوم واللـه أكثر سنه اذاكر فيها بحياتي ,, هذي السنه
أقسم بالله ودي أصيح من كثر هـ[ـالمذاكر] ,, يازين اختبارات الشهريه بس .. اذكر اني وقتها ما كنت افتح الكتب بالبيت الا مرتين بـ الفصل الدراسي الواحد :p مره بـ الأختبارات الشهريه ومره النهائيه . ولا باقي السنه مـ ـا ادل الكتب حتى الواجبات أسحب عليـها , ومـا أحل الا قليل .
والي زاد الطين بله أن يوم السبت عندي اختبارين وبيني وبينكم ما ادري وشهم , ومالي خلق اذاكر خصواصاً أن أغلب الطلاب اعطوا نفسهم إجازة الا انـا مجبور اداوم للـ أسف بس الحمدلله اليوم غبت ولا داومت بسبب مرض , والله ان اهي كانوا بيودوني المستشفى لكن انـا رفضت , لأني مـا ابغى اتشافى :p ابي اغيب ابي اريح شوي , جابت لنـا المراة هـ[ـالمدرسه] ... ( رب ضارة نافعه ) .
_ _ _ _ _ _ _ _
اصبري وصابري أختي .. فـ الإثنين قريب واللـه يعجله يارب .. ويارب انك تخلي الإجازة تمشي على مهلها يارب .. << يدعي من قلب
ياهلا والله فيكـ بصراحه اول شيء .. اهنيكـ بـ قرب الاجازه .. وان شاءالله تستمتعين فيها .. صح ان الدراسه شكلها ماخذه اغلب وقتكـ بس مايمنع انه يكون فيه مساحه لـ الفرح .. ويلاا مابقي الا القليل .. والامتحانات على الابواب يعني هانت عليكم ان شاءالله ,, ومن ناحية النظام بجد اشوف الطلاب متأذين منه .. لكن اشوفه انه اوكي .. ونتيجة الامتحانات هذي راح تشوفونها في اخر السنه .. ويكون امتحان النهائي اسهل من اول .. بحكم انكم اخذتوا على الجو العام لـ الامتحانات ,, واكيد دعوتي لكـ بالتوفيق وان شاءالله تكون النتيجه مثل ماتتمنين واكثر
****
إقتباس
سوااالـــيف بحصة الأدب والمدرسه يالله أنك تخلف عليها طبعا سواليفنا بحصة الأدب وحده اسمها مريم من صديقاتي سألت نوره ..
ذكرتيني بكلمات موجوده عندي وبصراحه ماادري من اللي كاتبها ...!! اذا تسمحين لي انثرها هنا ..
آآه يامحلى الطفوله .. كنت بها جدا ملوله .. كنت اباري الوقت فيها .. كنت ابيها وماابيها ..؟!! كنت اقيس الطول فيها .. كنت ماابي اكون اصغر ..!! يوووووه .. متى اكبر ..؟!! كل يوم اركض لـ امي او ابوي واقول اشبر ..!! شفني طلت شوي بالله ...؟!! يضحكـ الوالد علي ويقول ياالله ...!! العبي دامكـ صغيره ..!! امتعينا يـ الاميـره .. كنت البس لي عبايه .. وتحتها كعوب كبيره ...!! ونظرتي لـ مستقبلي .. يوووه كانت مثيره ...!! كان تفكيري بطراوه .. اذرف دموع بـ شقاوه وكنت ترضيني الحلاوه .. يوووه يـ الحــلاوه ...!! كان ودي كل يوم اكبر كنت انام ومااتفكر غير بكرى .. وش يصير لـ بنكـ بانثر ...؟!! زين صرت الحين اكبر ..!! حاولت روحي بـ قوه .. لـ الورى ترجع تقهقر ...!! صرت حساسه بـ زياده .. قوتي صارت تدهور .. لا بعد غالي وغالي .. صرت طول الليل اسهر ..!! لا جرحني شخص عادي صارت جروحي تطور لو مزح من لا يبالي يجرح خاطر قلت يقهر ...!! صرت احاسب خاطري في كل ليله صرت احس القلب مضيع له دليله اااه ... يااني غبيه ... فتره كانت ذهبــيه ..!! عفتها .. سابقتها ..!! واثرني جدا غبيــه...!!
/ \ /
اعتذر عن الاطاله لكن كلمات محتفظ فيها عندي وبصراحه ماادري من كتبها لكن اعتقد انها مناسبه لـ الحوار اللي صار بينكـ انتي ونوره وعايشه اعذب تحيه لكـ وامنيتي لكـ بدوام التوفيق ,,
عادي بخلي الخدامه ترد عليهم :p 
وكان بوسط الاسبوع بالتحديد السبت وأنا مقهووره ابي اطلع والله قمت اصيح
.
خصواصاً أن أغلب الطلاب اعطوا نفسهم إجازة 
الا انـا مجبور اداوم 
للـ أسف 
الوضع العادي
