السلام عليكم والرحمة

اخباركم؟؟ ان شاءالله تمام

كنت ناويه انزل الموضوع باجر بس عندنا حالتين طارئتين فقررنا فتح العيادة اليوم

عزيزي الناجح..عزيزتي الناجحه..الف مبروك ومنها للأعلى ان شاءالله

عزيزي الراسب .. عزيزتي الراسبة..لا داعي للقلق .. للزعل .. للهم بعد اليوم
فالحل موجود : ( شخص مشكلتك واعرف سبب الاخفاق وعالجه وستودع الرسوب نهائيا)
الحل مضمون وعليه كفاله مدى الحياة .. فقط جربوه

عزيزي المظلوم..عزيزتي المظلومة..لا تدعو اليأس يتمكن من قلوبكم ..لا تكتمو الضيقه في قلوبكم .. ولا تفقدوا ثقتكم بنفسكم واذا كنتو فعلا مظلومين فالخلل "فيهم" وليس فيكم جدوا واجتهدوا عشان تعوضون واثبتوا للجميع انكم فعلا مظلومين

عزيزي الطالب..عزيزتي الطالبة..لا تصدرون على نفسكم حكم "الفشل" بسبب النتائج

عزيزي الطالب..عزيزتي الطالبة..ما قريتوا هالمسج
"هل اقترب الامتحان ولم تنته من الدراسة؟؟
اليك الحل؟
أسند اصبع السبابة اليمنى بالسبابة اليسرى ثم اترك الاولى تندفع بقوة لتضرب بالبنصر الايمن.
هذا ما يسمى بطقة الاصبع"

عزيزي الطالب..عزيزتي الطالبة.. اعلم ان سؤال "هاه بشر شسويت في الامتحان؟" يثير غضبكم
ودكم تقولون :" ابعد وخليني ..مافيني يكفيني..حل عن سماي وروح..مالك شغل فيني"

عزيزي الطالب .. عزيزتي الطالبة .. الفشل في الدراسة لا يعني الفشل في الحياة

اعزائي زوار العيادة ..قلوبنا مفتوحه لكم دائما
اللي فات مات .. وان كان فيكم ضيقة تعالو بطوها هنا عشان تعيدون وانتو مرتاحين

وانا اول وحده ودي اشكي الحال بس ترى مو محتاجة لعلاج احد لاني اعالج نفسي بنفسي

ماخذه خمس مواد هالكورس .. طلعت نتايج اربعه منهم .. وباجي لي العلة الكبيرة
اول مادة A
ثاني مادة -A
ثالث مادة +B
رابع مادة B

الحمدالله راضيه فيهم كلهم الا الاخيرة.. مجموع اعمالي 47 من 50 كنت ضامنة -A
بس ذاك اليوم كنت مريضة حييل.. والله حاولت ادرس بس مخي مو مستوعب .. طلبت منه يأجل لي الامتحان مع الشعبة الثانية واللي كانت ورانا بجم يوم بس ما رضى مو حرام انا الحين اتعب طول الكورس وماعندي غياب نهائيا ومسويه لك واجبات وبرزنتيشنات اضافيه واخرتها تسوي فيني هالحركة وترفض تأجيل الامتحان يومين بس


العلة الكبيرة .. اللي امتحنتها اليوم ناقصني فيها 18درجه
تسعه ونص على المدتيرم وخمسة على التقرير والباجي ما ادري وين طارت
المهم هالمادة .. تعتمد على الخيال وبصراحه من المآخذ على ادارة الجامعة عدم مراعاتها"للمتخلفين عقليا" مثلي في مواد الادب سواء كان عربي او اجنبي
باختصار..دكتورتنا معقده وهي عادة طبيعية عند "نساء الخليج" اذا صاروا دكتورات والله ياجماعة محاضرتها كلها سوالف عن حقوق المرأة وعن زوجها وعن عيالها وعن سفراتها وعن حياتها لما كانت تدرس بامريكا وعن حفلات هلافبراير اللي حضرتها :p .. انزين وبعدين ..انا ما احب جذي .. ياسوالف ولعب يادراسة

المهم هالمادة يا -C او D او F :p وامي حلمانة اني باخذ D
وانا عندي D و F نفس الشي كلهم ينزلون المعدل :sad:


عموما..انتظروا خلال يومين ان شاءالله عشان ارص لكم النتايج كلها ..بس خلوها تكتمل >> بتسوي لها برنت سكرين من موقع الجامعة


قبل لا انسى.. كل عام وانتو بخير وعيدكم مبارك

تحياتي لكم كلكم وبانتظار فضفضتكم

هلا و الله كيفي

انا العياده بشتغل فيها اذا تبغين بساعدج .. بس ما احتاج اتعالج .. عن النجاح و الرسوب .. درجاتي تفتح النفس .. بسم الله علي

بس قولو ما شاء الله قبل ما تشوفون درجاتي





صح تعالي تذكرت عندي مشكلة و احتاج لحل :p

اعاني كيفي من مشكله << على بالي دكتورة صدق .. قولي شو :sad: .. اذا خلصت الامتحان و بديت اراجع .. اغير اجاباتي .. و امسح الصح و احل غلط .. عاد يوم يعطوني الورقة .. شوي و اصيح .. انا مذاكره و ادري اللي قبل حليته صح .. مدري ليش ما اكون واثقة من نفسي .. في رايج اين تكمن المشكلة

أقول للناجحين والناجحات مبرووووووك
وللراسبين والراسبات تعوضونها في الأعوام القادمة
والله يعينكم يالطلاب

صدق او لا تصدق





خذيت في العلة الكبيرة -B


والله ماني مصدقه يا اني سويت معجزة في امتحان الفاينل او ان الدكتورة رافعتني

الحمدالله .. ياربي هم وانزاح المهم لا تباركون لي الا ان اشوف النتيجة في الكمبيوتر واتأكد بعيوني الثنتين

لي عودة للردود

إقتباس خذيت في العلة الكبيرة -B

إقتباس الحمدالله .. ياربي هم وانزاح المهم لا تباركون لي الا ان اشوف النتيجة في الكمبيوتر واتأكد بعيوني الثنتين

مبروك كيفي و الحمد لله تأخرتي ما رديتي قلت أبارك ,,

ألف ألف مبروك و عقبال التخرج

8
8
8
8
كل النتايج نزلت الا العلة الكبيرة وشكلهم ماراح ينزلونها الا بعد العيد



بسم الله نبدا الردود


بنت الزعيم العيناوي

هلا وغلا

إقتباس هلا اختي كويتيه انا لو افضي ما بخلص كل هالصفحه

خيتو اخذي راحتج الموضوع موضوعج فضفضي عشان تعيدين باجر وانتي مرتاحه

إقتباس اول اكره المدرسه الي انا فيها كره العمى اول لانه البنات الي فيها ....الله يعيني

هو ليش؟؟ مالج شغل فيهم حقريهم وانا اختج واللي تخزج بطي عينها >خوش نصايح

إقتباس وعندكم المعلمات اعوذ بالله منهم

خصوصا اللي توهم متوظفات كل وحده تبي تثبت وجودها باي طريقة واسطوانتهم اللي يقولونها في بداية كل كورس ثابتة ما تتغير(شوفوا بنات لا يغركم انا اضحك واسولف بس لا تخلوني اوريكم ويهي الثاني ولا تخلوني اعصب ترى ما اعرف احد حزتها .. تبين تسولفين تبين تضحكين طلعي برا الصف ترى ما راح اقولج ولا شي بس اهم شي تحترمين الحصة .. المتأخرة لا تفكر تدخل الصف الا ومعاها ورقة من الاخصائية او الوكيلة )
ما ادري يقولون لكم هالكلام ولا بس احنا؟؟

إقتباس ولايوم ندرس كل شي ممنوع الانترنت

والله اذكر على ايام المتوسط كان حتى التلفزيون ممنوع وقت الامتحانات >>تربيه عسكرية>> بس كنا نشغله الصبح لما امي وابوي يكونون في الدوام


الف شكر لج يالغلا وشرفتينا


blueblood_999

اهلا وسهلا

إقتباس وسّع صدرك .. والدنيا فانية .. << شعار الفاشلين دائماً

بالعكس انا اشوف ان هالشعار شعار الناجحين الحقيقين يعني وسع صدرك وانت منت بفاشل

إقتباس والمشكلة إن المادة رقم خمسة لازم أنجح فيها ؛ عشان أتخصص .. لكن الحين ما فيه تخصص ولا شيء .. الحين بس آخذها لحالها وأنزّل معها بعض مواد متطلبات الجامعة ..

سهالات ان شاءالله..ترى انا بعد واجهتني مشكلة في بداياتي وقطوني على تخصص انا ما اواطنه ودم ضروسي وضاع علي كورس كامل كان مفروض اخذ فيه مواد تخصص بس الحمدالله عديت المشكلة بعد ما حولت تخصصي للتخصص اللي انا ابيه وخذيت المواد الضرورية في الصيفي

إقتباس وباذن الله نشد الحيل ونمشي زي الناس ..

ليش انت وشلون تمشي؟ على ايدك مثلا

الف شكر لك وياهلابك


هلآلآلآلآلآلآلآلآلي

اهلا وسهلا
وشكرا عالمرور


بـ يـ كـ هـ ـام 23

اهلا وسهلا

إقتباس انا كل بعد كل اختبار اشتري مساحه ومكنسة وكل ادوت النظافة وامسح ابو ذاكرتي

اوووووله كل هذا انا بصراحه تكفيني ساعتين نوم بعد الامتحان لغسل ذاكرتي

إقتباس بصراحه ودي اعوض الترم الجاي بس خاف يطلع ازفت من اللي قبل..واجيب ابو العيد

صدقني ..ماكو شي يجي بالراحه لازم تتعب وتتعب ولا ترى كل شي بيكون على ماهو عليه >خذوا الحكم من افواه "كيفي"

إقتباس الوعد عندك الورقة حقت الأختبار وورنا جدك واجتهادك

باذن الله والله يوفقك ;)

الف شكر لك وياهلابك


قرقاص
اهلا وسهلا

إقتباس ومبروك النجاح في الأربع مقرارات وعقبال الخامس ان شاء الله

ان شاءالله

إقتباس واحب اقولك حتى لو سقطتي في العلة الكبيرة مافي مشكلة وفي رواية نوبروبلم

تدري لو آخذ F .. انها والله بتكون المرة الاولى في حياتي اللي اسقط في مادة بس على قولتك نوبروبلم

إقتباس لأن السقوط عمره ماكان علامة على الفشل والدليل سقوط المطر في الشتاء

اخ بس وين افلاطون عنك

الف شكر لك وياهلابك


القاضي

اهلا وسهلا

إقتباس كل عام و أنتم بألف خير ...

وانت بصحه وسلامه .. وعيدك مبارك

إقتباس من زمان قلنا لكم ... البنات أحسن من العيال في الدراسة .. بس ما صدقتوا ...

بوعبدالله ترى نفس الحال ينطبق على الجيش الولادي والوفاء >بتقوم الحرب في العيد

الف شكر لك وياهلابك


اماراتيه

هلا وغلا بغناتي

إقتباس بس ما احتاج اتعالج

ليش ان شاءالله!! مو واثقه في علاجي

إقتباس درجاتي تفتح النفس .. بسم الله علي

اقول اها بس اللي يسمعج يقول معدلها اربع نقاط

إقتباس بس قولو ما شاء الله قبل ما تشوفون درجاتي

ماراح اقول وترى عيني حاااااااااااارة

إقتباس صح تعالي تذكرت عندي مشكلة و احتاج لحل

ما ادري والله انا حلمانة ولا صج كان فيه كلمه غير "صح" وكنت ابي اعلق عليها بس الظاهر انج بدلتيها

إقتباس مدري ليش ما اكون واثقة من نفسي .. في رايج اين تكمن المشكلة

الثقة موجودة ان شاءالله بس المشكلة ياعزيزتي ماتتعدى النقطتين اللي بقولهم يا اما ماكو تركيز اثناء الدراسة او انج مو ماخذه كفايتج من النوم وسلامتج

الف شكر لج وياهلابج


مجد

هلا وغلا

إقتباس الحمد الله أنا مخلصة امتحاناتي لي أسبوعين و مفتكة من الهم و الغم و البهذلة و الكآبة

الحمدالله وان شاءالله تستمر حياتنا بلاهم وبلاغم وبلا بهذلة وبلاكآبة

إقتباس و هذي هي درجاتي بس قولوا ماشاء الله قبل لا تشوفونها تراني شاطرة

ماشاءالله تبارك الله >>عناد في اماراتيه
الف مبروك النجاح يالغلا ومنها للاعلى ان شاءالله

إقتباس الامتحان كان خمسين فقرة اختاري الإجابة الصحيحة

تصدقين انا بعد ما يخفس درجاتي الا الاسئلة الموضوعيه
احب المقالي بس الموضوعي لا


والله نفس حالتي مع المادة اللي خذيت فيها B الدكتور قال اللي تكتب معاي وتسجل كل الملاحظات اللي اقولها واكتبها عالسبورة .. لاتدرس الكتاب .. وانا كنت اكتب كل كلمة وكل حرف يقوله .. حتى لو يعطس كتبت ان الدكتور عطس المهم انا مادرست الكتاب والاخ ياب لنا اسئلة من الكتاب

إقتباس و الله قهر المعدل حلو الحمدلله بس ماهو هو اللي كنت أتمناه لكن الحمد لله

الحمدالله على كل حال

إقتباس مشكورة كيفي على الموضوع و الله يوسع صدرك زي ما وسعت صدورنا أدري إني طولت بس ما حسبت أفضفض و أطلع حرتي

شدعوه خيتو هذا واجبنا في العيادة النفسية

إقتباس ألف ألف مبروك و عقبال التخرج

الله يبارك فيج يالغلا

الف شكر لج عالمشاركة وشرفتينا


هلال العرب

اهلا وسهلا
الله يبارك فيك بالنيابة عن الناجحين والناجحات
الله يسمع منك بالنيابة عن الراسبين والراسبات
الف شكر لك وشرفتنا بتواجدك


واحد زاحف

اهلا وسهلا

إقتباس طيب انا موب بالجامعه وبتكي معكم

حياك الله.. اماراتيه صبي قهوه

إقتباس وانا بصراحه في سنه دراسيه لازم الواحد يدج فيـها

الله يهنيك

إقتباس والسنه الجايه بنكرف كرف احس اني بدفر

الله يوفقك

إقتباس المهم اللي حصل شهاده مكتوب عليها واحد زاحف يجيبها لي

شفتها عند امك الفيروسه وعندك 3 (طماطات - دويحات - كيكات)
يعني 3 مواد راسب فيها

الف شكر وياهلابك