في مساء يوماً جميل ( البارح ) الناس خميس وسهرانه والبيوت ما شاء الله
تعج بالحركه .. اطفال ونساء وشيوخ 
والشوارع لا تخلو من الماره 
وكنت قبلها في مهمة عمل وكان معي ( كامري ) 2004 
بيضاء البشره وأستبنتها جديده << الكفر الاحتياطي وكلها استكرات دخول وخروج وشكلها مغري بصراحه 
فتوقفت أمام المنزل للتزود بالوقود ( طبعاً حارتنا مشهوره بالكامريات ) انا ما أدري وعلى نياتي ولا اعرف الا اقفل الابواب والانوار ..
ما امداني ادخل للبيت الا ونانات سياره تشتغل ... قلت الله يستر كلها نصف ساعه ويأتي الخبر 
( سهل السياره اللي معك اتسرءت ) طلعت لقيت الحاره مستنفره 
ثلاث كامريات حته وحده !! أثار القزاز يملئ الشارع .. الجميع ترك بيته ووقف مندهشاً لما حصل !!
أول ما تم استهدافه السياره التي كانت معي ( كسر الزجاج الامامي ) ثم ( فتح الباب )
ثم ( فتح الشنطه ) ثم ( سرقة الاستبنه ) << خطوات عمليه بسيطه ثم ُشـّن الهجوم على سيارات الجيران وظفر السارقون بغنيمة وفيره :sad:
اذا ما علمنا ان الكفر الاحتياطي يساوي ( 1100 ريال )
أثناء ذلك دار الحديث بيننا عن ( الكامري )
شيخ كبير يقول لي ( سهل دخل سيارتك مع سيارة ولدي بالبايكه ) ترى المسجل غالي ( بثلاث تلاف ) احد ابناءه يقول لي ليش ما قفلت الشنطه بالمفتاح :sad: مع ان سيارتهم هي اللي اشتغل ونانها
ومع ذلك اتسرء الكفر واحد ثالث جاي يضحك ( شكله معزوم ) يقول ( جاكم الدور ) حنا شطبوا علينا الاسبوع الماضي توفرت معلومات أن حارس ( حاطينه ناس يحمي سياراتهم ) شاهد شباب في كامري يحاولون تشغيل سيارتي 
ما كفاهم كسر الزجاج وسرقه الكفر :sad:
المحصله النهائيه
( كسر زجاج ثلاث سيارات وسرقة كفراتها ) واربع اسطوانات غاز وماطور ماء اتصل أحد الجيران على 999 قال له بلغ اقرب مركز .. أقرب مركز قال له تعال سجل البلاغ ..
سجل البلاغ قال له .. ضف وجهك سجل البلاغ .. وأثناء ذلك كلمت واحد من الشباب وما قصر ارسل لنا الادله الجنائيه ..
أخذوا البصمات وصوروا السيارات ومشو الجناه صغار بالسن ولابسين قفازات :sad: ( لقمة عيش ) :sad:
حرمونا من الاستقرار الليلي 
وحرمونا من الخروج اليوم الجمعه للبر :sad: وعطلوا مصالح ناس غافلين خفت على السياره بعد ما سمعت ان الكامري ( مرغوبه ) ذهبت اليوم لاصلاح الزجاج
تخيلوا ماذا وجدت !!
خمس سيارات كامري ( نفس الطريقه ) :sad: من كبير وصغير وجميعهم يتذمرون
حتى كان فيه واحد يقول انا بعت الكامري من هالسبب !!
طيب صلحنا سياراتنا وشرينا كفرات احتياطيه جدد وبعدين !!!
بالنسبه لي رجعت السياره بس غيري وش يسوي !!
مرت دوريه المرور اليوم .. قلت له السالفه .. قال وش تبينا نسوي ( نعالج حوادث والا تفحيط )
قلت له بالله كم دوريه تغطي الحي .. قال ثلاث !!
المشكله البارح تفحيط بكامري بالحي حتى الساعه اربع :sad:
( ما يمديك تلحق ) يفحطون بكفراتنا الله لا يبارك فيهم وان كانوا من عيالنا ( الله يهديهم ) ابو جيرانا يقول روحوا نامو يا عيالي مع حريمكم وانا بجلس هنا لثلاث ونص
منهوا اللي بيستلم بعدي طبعاً جحدنا كلنا ورحنا نمنا مع حريمنا طيب وبعدين .
أذا كانت هذه الظاهره متفشيه بالمجتمع راح يخسر الحمراني والسليماني المتحده وراح تتضرر أسر . وستنشغل مجبره .
فا ليش ما يتم السيطره على هالظاهره !!
يقول لي أحد الاخوان ( هذي عصابه محترفه ) الاسبوع الماضي كانت في الحي المجاور
والاسبوع هذا أتت لحينا :sad:
نحن نلقي اللوم على الشباب وان غرضهم من السرقه التفحيط وغيره ولكن
قد يكون هناك امراً أخر نغفله !
لماذا لا توضع خطه محكمه من الجهات المعنيه للقبض على متبعي هذا الاسلوب .
وقف لك كم كامري في حي وكثف الرقابه عليها وستحصل على النتيجه فوراً زي مره في برنامج امريكي مصممين سياره للقبض على سارقي السيارات أول ما يسرقها تغلق الابواب وينطفئ المحرك ومزوده بكاميرا تصويريه ما اطول عليكم البارح استحيت من العم جارنا يوم قال دخل الكامري مع سيارة ولدي بالبايكه
فا قحصت من نومي بدري ( علشان صلاة الجمعه ) وأول ما طلعت الا هذا جاري داخل وثوبه كله دم ومتقطع وما به الا العافيه قلت كفو والله اكيد مسكت الحراميه .. قال اسكت بس انقلبت على الدائري :sad:
وسيارته كانت كامري بس ما انسرقت البارح ك
ا
م
ر
ي
والله مشكله ... مع السلامه 
ليله كامريه ,,,,, !! 
الوضع العادي
