05/01/2005, 01:52 AM
|
| مشرف سابق في منتدى المجلس العام | | تاريخ التسجيل: 14/08/2000 المكان: london
مشاركات: 5,679
| |
|
فضول ، لقافه ، حب استطلاع .. والنتيجه وحده !!
يالربع مدري وش قصة هالسعوديين مع الحوادث ---> تكفى يالفرنسي  ..
يعني من جد من يجي حـادث في شارع ما الا وتلقى انواع الـتـفرج عليهم سواء اللي يتفرج شباب ولا عائله  ولا سواقين !!
يعني المرحله وصلت الى أن طريق مثل طريق الملك فهد يتوقف من الجنوب للشمال او العكس بسبب سياره متعطله والناس يتفرجون يفتحون الشباك ويقلطون مع اللي متعطله سيارته !
ماادري وش هالفضول اللي في الناس .. يعني واحد من العيال كان في لندن يقول جمب الهايد بارك حصل حـادث بـين سيارتين يقول كنت مار من جمبهم يقول قلت دام فيه حادث الا رح وشف وش فيهم ومن الغلطان وكيف صار الحادث !! يقول يوم وصلت الا وفيه سـبعه متـجمعين حول الحادث يطالعون .. شوي الا يتكلم واحد منهم ويطلعون كلهم سعوديين وانا الثامن السعودي !!
الصراحه الواحد بيكون صريح انا احد الملقـف و يشدني الفضول للمشاهدة لكن ليه صرنا كذا وش الحل مع هالعاده السيئه .. يعني حتى لو كان الواحد مستعجل وشاف حـادث الا يهدي موتره ويطالع ثم يدعس مره ثانيه !!  ..
ماادري وش رأيكم في ان هالعاده متلازمه مع السعوديين وصعب جدا ان حنا نتخلص منها  ..
تحياتي للجميع  |
الوضع الشجري
