|
صــديــقي طلـع ارهـــــابــي :( !! القصه حقيقه وحصلت قبل يومين : واحد من العيال طلع من بيتهم بعد العشاء على اساس مشوار صغير .. اول ماطلع من بـيتهم الا ويلقى لوحة السياره مسروقه وبكره عنده اخـتبار ، المهم اتصل على الشرطه وقالوا له لازم تجي تبلغ بنفسك .. الرجال خذا السواق معه احتياط وطلع لقسم المعذر يبلغ عن اللوحه .. وقبل مايوصل للقسم وقـفته دوريه وقالت له .. وين لوح السياره ؟ .. قالهم هذاني رايح للقسم ابلغ ومشى معهم الين وصل للقسم .. المهم دخل للقسم وعلمهم عن رقم اللوحه وطلع من القسم بدون مايأخذ ورقة بلاغ .. طلع ومعه السواق .. اول ماطلعوا من القسم وتوه لاف من الشارع الا وتجي دوريه من وراه وتقول لبق ياراعي ... وهو يقول يالله وش هاللي مستقعدين لي .. نزل من السياره ويقول سم امر .. والشرطي يقوله وين اللوح :D .. قاله السالفه كذا وكذا وهي مسروقه توني مبلغ وهذي رقم اللوحه .. يقول قلتها للشرطي .. الا والشرطي يقول عدها مره ثانيه ويأخذ جهاز لا سلكي ويقول رقم اللوحه ! الا ويجيه رد يقول امسكوووووووووووووه :eek: :eek: !!! خويي يقول انا مدري وش السالفه وش امسكوه وراي اختبار .. الا والشرطي يقول اركب معنا ويطلعون به لحي السفارات يقول اول ماوصلت الا ويجي يحقق معي واحد بلبس مدني من المباحث شكله عقيد او رائد .. ويقولي طلع المسدس :D !! خويي يقول مامعي شيء والله " على نياته " :) .. ويفتشونه حته حته .. ثم يسأله يقوله علمني وين اخوياك وين راحو :D .. وخويي يقول منهم اي عيال تقصد :D " من جد باااارد " الا ويقوله السياره اللي فيها رقم لوحتك عليها بلاااغ ارهاب وفيها متفجراااااااااااات :eek: .. خويي يقول هو قالها ولا ماقالها .. يقول قلتله طيب وش دخلني :D .. يقول مسكني على جمب وقالي وش القصه .. قاله القصه كذا وكذا وعندي بكره اختبار وهي مسروقه و اول مانسرقت جيت وعلمتكم . قاله طيب .. يقول ويجون ويمسكوني ويركبوني في الدوريه بيودني لقسم الناصريه يقول قدامي سيارتين ووراي سيارتين " يقول قلت للشرطي والله اني قوي سيارتين قدامي وسيارتين وراي :D " يقول اول مادخلت للناصريه وداخل مكتب ويدخل علي واحد كبر هالباب مرتين " مدري وش كبر ببيانكم بس سلكو الموضوع " جسم بعير وبلباس مدني .. يقولي ياخي اعترف وخلصنا :D .. وهو يقوله وش اعترف والله في سيارتي مافيها شيء :D .. يقول الا وشوي يتصلون مدري على مين الا ويجيني واحد منهم ويقولي حنا آسفين يالشيخ بس غلطنا في رقم اللوحه بدل القاف طلع ف !!! :eek: :confused: يقول ابد ماابي شيء بس ابي اذاكر وراي اختبار :) .. المهم يقول جاء عمي للقسم لانه كلم مدري مين .. يقول ركبت مع معي والسواق ورانا بسيارتنا .. يقول اول ماطلعنا منهم الا ودوريه ورانا تقول لسواقنا وقف ياراعي .... :D !! يقول نزلت انا وعمي وحنا نضحك والشرطي يقول يناظرنا وهو مستغرب وش هاللي يضحكون :D !! يقول قلناله السالفه كذا وكذا .. قاله ايه آســــــــــــــــــــفييين :) . ومن بعدها معد صرنا معد نناديه الا بالارهابي :D وسلامتكم :) * تعديل : حرف الفاء لم ينزل .. انا ماحفظت السالفه حفظ والموضوع كان يقوله على شكل سالفه ولم احفظ جميع كلماته خصوصا حروف سيارته .. حتى في اشياء ذكرها غير قابله للنشر .. واللي يبغى معلومات مفصله للتصديق يرسلي رساله خاصه واقوله اسم العقيد ورقم البلاغ واي قسم |
ههههههههههههههههههههههه اجل بدل القاف فاء ....... وناشبين في الرجال ..... بس ارحم من اللوحات القديمة .. سبعة أرقام .. كأنه رقم تليفون ....... المشكلة ممكن تتكرر مع ال ج ح خ او ت ث او ص ض او ع غ ..... سلّم لي على الأرهابي صاحبك .... |
http://wtv-zone.com/BannerzRus/6/anilines/30.gif لوووووووو :D وووووو :D ووول --->> تخيلت أشكالهم :D أحسن يستأهل صديقك ورى مادخل سيارته بالقراج :razz: --->> وش يدريه أنه بيصير له كذا :rolleyes: !!! مسكين جد جد رحمته عليه أختبار وصارت له هالسالفه .. شكله طول وقته يفكر باللي صار له ويضحك :D وترك المذاكره ،، وماشاء الله رجال الأمن عندنا رهييييييييييييبين عليهم دقه تجننننن :D مع الحوسه مايدرون وش يسوون أو بمعنى أصح مع كثرة التبليغات والأوامر اللي تجي من عدة أطراف :) الله يعينهم ويوفقهم :) ،،، http://www.wtv-zone.com/BannerzRus/a...nes/line49.gif بقولكم موقف لي بس قولوا ماشاء الله .. أخاف تنضلوني على حاستي السادسه :D "وأنا راجعه من الجامعه يوم الأربعاء كان طريق الملك فهد مره زحمه فرحنا من عند الإشارات .. عاد عند زحمة الإشارة جلست أسال أختي وأقولها لو كانت السيارة اللي قدامنا [ وكانت جمس بس موب قديم :D ] تحت فيها متفجرات ومتأكده من أن اللي فيها من الفرقة الضآله وش راح تسوين !! --> سؤال غبي :wallbash: طالعه من اختبار لا تلومونها قالت هم في طريق وأنا في طريق :) قلت لها شنو .. ورى ماتبلغين الأمن قالت لي هيه صاحيه أدخل بسين وجيم أبعد عن الشر وغني له ،، عاد اختي قالت أكيد أنتي مهبوله وبتروحين تبلغين .. قلت لها أفا عليك ابلغ ونلحقهم :eek: عصبت علي وقالت الله يشفيك من مرض الهستره يوم سمعت الخبر التفجير جتني بالغرفه وقالت لي ماشاء الله عليك كان عندك احساس انهم بيفجرون قلت لها شفتي شلون بس انتي تحطميني :D -->> أبد ماسبت اختها الكبيره " http://www.wtv-zone.com/BannerzRus/a...nes/line49.gif ماتدري أني إن شاء الله إذا تخرجت بتوظف بوزارة الداخليه أو المباحث :D -->> طمووح :dead: تخرجي بالأول بعدين فكري بالوظيفه :wallbash: بس شفتوا عندي حااسه قوويه أنهم بيطلعون اليوم :o خساره يوم فجروا مبنى الأمن كنت ببيتنا وماحضرت المحاضرة الأخيره لو أني حاضرتها ياسلااام s37s ويوم وزارة الداخليه جالسه على النت :mad: http://www.wtv-zone.com/BannerzRus/a...nes/line49.gif يسلمو كايدهم على هالموضوع الظريف وسوري لاني طلعت عن الموضوع :) الفيروسه الزرقاء http://wtv-zone.com/BannerzRus/6/anilines/30.gif |
الـحـاتـمــي ... مـر مـــن هـــنــــا ... ويـقـول : والله مشكلة هالاشتباهات و عدم التأكد في البلاغات :( بس على فكرة يا كايدهم .. ترا ما فيه حرف ( الفاء ) في لوحات المرور ;) و شكرا .. |
8 8 8 8 يــاخي لاتـدقق .. الاختبارات تسوي أعـظم :D:D >>>> والا انا غلطان يا كايدهم :D :D اشوااا ان خويك بااارد ولا كان جت علوم سفرهـ :D:D تحياتي يالغالي .. |
حلوة ملا حظة :) مر من هنا :) الحاتمي 8 8 8 بس وش رايكم الي يشوف صورة شخص كان خويه مقتول مع المطلوبين ؟؟!! الله يستر ,,,,,,,,, |
لي عوده للجميع بس للاخ الحاتمي .. الاختلاف حصل في حرف واحد .. الحرفين ماادري وشي بالضبط بس حسب ماقالي انها مثل قاف وفاء او حرفين مثل بعضها .. |
^ ^ ^ كايدهم واثقين من كلامك ومحد يقدر يشك فيه s37s بإنتظار عودتك :) ،، الفيروسه الزرقاء |
هههههههههههههههههههههههههه اثرك يالفيروسه طلعتي قرقه يعني اختك توها طالعه من الجامعه تقومين تقرقين على مخها بالارهابيين |
إقتباس:
أفهم السالفه عدل :razz: --->> لازم ترد أكثر من رد على المواضيع الداجه :D |
يا أخوي ترى ما حنا ناقصين يضربون مجلسنا .. :sad: كان بك أو مابك خلك مشرف مع سراب الدمع في الاتصالات .. لأنهم حاطين صبات قدامهم :D .. وفكنا من شرك .. :nono: بس حتى لو إن الفكرة وصلت .. ترى مافيه حرف ف في اللوحات.. :clapping: :clap: تحياتي ،،، |
[ALIGN=CENTER] . . . لو اني مكانك .. بحاول اثبت التهمه على خويي .. واخذ المليون >> نذل خخخخخخخخخخخخخخ مشكور كايدهم . . . [/ALIGN] |
لووووووووووووووووووووووووووول الصراحة خويك بطل من جد بطل يالله الموقف من جد صعب صعب وسالفة التشبيه ماهي صاحية أحس إنهم تفشلو مع خويك وماعليك كايدهم الثقة موجودة بااااااااااااايو |
ومـــا خفـــي كـــان اعظــــم ... :rolleyes: تخبــط .. ويمشــون بالبركـــه .. ولا احــد يلــومــهــم .. الله يقــويهــم وينصــرهــم ويســاعــدهم .. :yes: مشكــور كايدهم .. والحمد لله علـى ســلامــة خويــكم .. :) تحيااتي ؛؛ :) |
مشكور أخوي كايدهم على القصة ، بس الصراحة خويك كوووووووول ، يعني مثل هالمواقف المفروض الواحد يصير بااااااااارد عشان ماتفلت اعصابه ويتهور . أما مسألة الحرفين المتشابهين فأتوقع انها حرفي ( ح ) و ( ج ) والله أعلم |
| الوقت المعتمد في المنتدى بتوقيت جرينتش +3.
الوقت الان » 02:22 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd