#1  
قديم 02/01/2005, 10:33 PM
مشرف سابق في منتدى المجلس العام
تاريخ التسجيل: 14/08/2000
المكان: london
مشاركات: 5,679
صــديــقي طلـع ارهـــــابــي ‍:( !!


القصه حقيقه وحصلت قبل يومين :

واحد من العيال طلع من بيتهم بعد العشاء على اساس مشوار صغير .. اول ماطلع من بـيتهم الا ويلقى لوحة السياره مسروقه وبكره عنده اخـتبار ، المهم اتصل على الشرطه وقالوا له لازم تجي تبلغ بنفسك .. الرجال خذا السواق معه احتياط وطلع لقسم المعذر يبلغ عن اللوحه .. وقبل مايوصل للقسم وقـفته دوريه وقالت له .. وين لوح السياره ؟ .. قالهم هذاني رايح للقسم ابلغ ومشى معهم الين وصل للقسم ..

المهم دخل للقسم وعلمهم عن رقم اللوحه وطلع من القسم بدون مايأخذ ورقة بلاغ .. طلع ومعه السواق .. اول ماطلعوا من القسم وتوه لاف من الشارع الا وتجي دوريه من وراه وتقول لبق ياراعي ... وهو يقول يالله وش هاللي مستقعدين لي .. نزل من السياره ويقول سم امر .. والشرطي يقوله وين اللوح .. قاله السالفه كذا وكذا وهي مسروقه توني مبلغ وهذي رقم اللوحه .. يقول قلتها للشرطي .. الا والشرطي يقول عدها مره ثانيه ويأخذ جهاز لا سلكي ويقول رقم اللوحه ! الا ويجيه رد يقول امسكوووووووووووووه !!!

خويي يقول انا مدري وش السالفه وش امسكوه وراي اختبار .. الا والشرطي يقول اركب معنا ويطلعون به لحي السفارات يقول اول ماوصلت الا ويجي يحقق معي واحد بلبس مدني من المباحث شكله عقيد او رائد .. ويقولي طلع المسدس !! خويي يقول مامعي شيء والله " على نياته " .. ويفتشونه حته حته .. ثم يسأله يقوله علمني وين اخوياك وين راحو .. وخويي يقول منهم اي عيال تقصد " من جد باااارد " الا ويقوله السياره اللي فيها رقم لوحتك عليها بلاااغ ارهاب وفيها متفجراااااااااااات ..

خويي يقول هو قالها ولا ماقالها .. يقول قلتله طيب وش دخلني .. يقول مسكني على جمب وقالي وش القصه .. قاله القصه كذا وكذا وعندي بكره اختبار وهي مسروقه و اول مانسرقت جيت وعلمتكم .

قاله طيب .. يقول ويجون ويمسكوني ويركبوني في الدوريه بيودني لقسم الناصريه يقول قدامي سيارتين ووراي سيارتين " يقول قلت للشرطي والله اني قوي سيارتين قدامي وسيارتين وراي "

يقول اول مادخلت للناصريه وداخل مكتب ويدخل علي واحد كبر هالباب مرتين " مدري وش كبر ببيانكم بس سلكو الموضوع " جسم بعير وبلباس مدني .. يقولي ياخي اعترف وخلصنا .. وهو يقوله وش اعترف والله في سيارتي مافيها شيء ..

يقول الا وشوي يتصلون مدري على مين الا ويجيني واحد منهم ويقولي حنا آسفين يالشيخ بس غلطنا في رقم اللوحه بدل القاف طلع ف !!!

يقول ابد ماابي شيء بس ابي اذاكر وراي اختبار .. المهم يقول جاء عمي للقسم لانه كلم مدري مين .. يقول ركبت مع معي والسواق ورانا بسيارتنا ..

يقول اول ماطلعنا منهم الا ودوريه ورانا تقول لسواقنا وقف ياراعي .... !!

يقول نزلت انا وعمي وحنا نضحك والشرطي يقول يناظرنا وهو مستغرب وش هاللي يضحكون !!

يقول قلناله السالفه كذا وكذا .. قاله ايه آســــــــــــــــــــفييين .



ومن بعدها معد صرنا معد نناديه الا بالارهابي



وسلامتكم


* تعديل :

حرف الفاء لم ينزل .. انا ماحفظت السالفه حفظ والموضوع كان يقوله على شكل سالفه ولم احفظ جميع كلماته خصوصا حروف سيارته .. حتى في اشياء ذكرها غير قابله للنشر .. واللي يبغى معلومات مفصله للتصديق يرسلي رساله خاصه واقوله اسم العقيد ورقم البلاغ واي قسم

اخر تعديل كان بواسطة » كايدهم في يوم » 03/01/2005 عند الساعة » 06:22 AM
اضافة رد مع اقتباس
  #2  
قديم 02/01/2005, 10:48 PM
قلم مثقف بالمجلس العام
تاريخ التسجيل: 21/01/2004
المكان: الظهران
مشاركات: 1,453
ههههههههههههههههههههههه

اجل بدل القاف فاء .......

وناشبين في الرجال .....

بس ارحم من اللوحات القديمة .. سبعة أرقام .. كأنه رقم تليفون .......

المشكلة ممكن تتكرر مع ال ج ح خ او ت ث او ص ض او ع غ .....

سلّم لي على الأرهابي صاحبك ....
اضافة رد مع اقتباس
  #3  
قديم 02/01/2005, 11:11 PM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376



لوووووووو وووووو ووول

--->> تخيلت أشكالهم

أحسن يستأهل صديقك ورى مادخل سيارته بالقراج --->> وش يدريه أنه بيصير له كذا !!!
مسكين جد جد رحمته عليه أختبار وصارت له هالسالفه .. شكله طول وقته يفكر باللي صار له ويضحك وترك المذاكره ،،

وماشاء الله رجال الأمن عندنا رهييييييييييييبين عليهم دقه تجننننن
مع الحوسه مايدرون وش يسوون أو بمعنى أصح مع كثرة التبليغات والأوامر اللي تجي من عدة أطراف

الله يعينهم ويوفقهم ،،،



بقولكم موقف لي بس قولوا ماشاء الله .. أخاف تنضلوني على حاستي السادسه

"وأنا راجعه من الجامعه يوم الأربعاء كان طريق الملك فهد مره زحمه فرحنا من عند الإشارات .. عاد عند زحمة الإشارة جلست أسال أختي وأقولها
لو كانت السيارة اللي قدامنا [ وكانت جمس بس موب قديم ] تحت فيها متفجرات ومتأكده من أن اللي فيها من الفرقة الضآله وش راح تسوين !! --> سؤال غبي طالعه من اختبار لا تلومونها
قالت هم في طريق وأنا في طريق قلت لها شنو .. ورى ماتبلغين الأمن قالت لي هيه صاحيه أدخل بسين وجيم أبعد عن الشر وغني له ،،
عاد اختي قالت أكيد أنتي مهبوله وبتروحين تبلغين .. قلت لها أفا عليك ابلغ ونلحقهم
عصبت علي وقالت الله يشفيك من مرض الهستره
يوم سمعت الخبر التفجير جتني بالغرفه وقالت لي ماشاء الله عليك كان عندك احساس انهم بيفجرون قلت لها شفتي شلون بس انتي تحطميني -->> أبد ماسبت اختها الكبيره "



ماتدري أني إن شاء الله إذا تخرجت بتوظف بوزارة الداخليه أو المباحث -->> طمووح
تخرجي بالأول بعدين فكري بالوظيفه

بس شفتوا عندي حااسه قوويه أنهم بيطلعون اليوم
خساره يوم فجروا مبنى الأمن كنت ببيتنا وماحضرت المحاضرة الأخيره لو أني حاضرتها ياسلااام
ويوم وزارة الداخليه جالسه على النت




يسلمو كايدهم على هالموضوع الظريف وسوري لاني طلعت عن الموضوع


الفيروسه الزرقاء


اضافة رد مع اقتباس
  #4  
قديم 02/01/2005, 11:33 PM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
الـحـاتـمــي ...



مـر مـــن هـــنــــا ...



ويـقـول : والله مشكلة هالاشتباهات و عدم التأكد في البلاغات

بس على فكرة يا كايدهم ..

ترا ما فيه حرف ( الفاء ) في لوحات المرور ;)

و شكرا ..
اضافة رد مع اقتباس
  #5  
قديم 02/01/2005, 11:56 PM
مشرف سابق في منتدى السيارات
وعضو سابق في اللجنة الإعلامية
تاريخ التسجيل: 23/12/2001
المكان: معـ سـامي ! ..
مشاركات: 6,077
8
8
8
8




يــاخي لاتـدقق .. الاختبارات تسوي أعـظم >>>> والا انا غلطان يا كايدهم







اشوااا ان خويك بااارد ولا كان جت علوم سفرهـ





تحياتي يالغالي ..
اضافة رد مع اقتباس
  #6  
قديم 03/01/2005, 12:42 AM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
حلوة ملا حظة مر من هنا الحاتمي
8
8
8
بس وش رايكم الي يشوف صورة شخص كان خويه مقتول مع المطلوبين ؟؟!!

الله يستر ,,,,,,,,,
اضافة رد مع اقتباس
  #7  
قديم 03/01/2005, 12:47 AM
مشرف سابق في منتدى المجلس العام
تاريخ التسجيل: 14/08/2000
المكان: london
مشاركات: 5,679
لي عوده للجميع بس للاخ الحاتمي ..

الاختلاف حصل في حرف واحد .. الحرفين ماادري وشي بالضبط بس حسب ماقالي انها مثل قاف وفاء او حرفين مثل بعضها ..
اضافة رد مع اقتباس
  #8  
قديم 03/01/2005, 12:58 AM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376

^
^
^
كايدهم واثقين من كلامك ومحد يقدر يشك فيه
بإنتظار عودتك ،،


الفيروسه الزرقاء
اضافة رد مع اقتباس
  #9  
قديم 03/01/2005, 01:10 AM
زعيــم مميــز
تاريخ التسجيل: 27/11/2003
المكان: KSA
مشاركات: 2,477
هههههههههههههههههههههههههه

اثرك يالفيروسه طلعتي قرقه يعني اختك توها طالعه من الجامعه

تقومين تقرقين على مخها بالارهابيين
اضافة رد مع اقتباس
  #10  
قديم 03/01/2005, 01:15 AM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376
إقتباس
الرسالة الأصلية كتبت بواسطة هلالي موعالبال
هههههههههههههههههههههههههه

اثرك يالفيروسه طلعتي قرقه يعني اختك توها طالعه من الجامعه

تقومين تقرقين على مخها بالارهابيين

هع هع هع
أفهم السالفه عدل

--->> لازم ترد أكثر من رد على المواضيع الداجه
اضافة رد مع اقتباس
  #11  
قديم 03/01/2005, 02:09 AM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
يا أخوي ترى ما حنا ناقصين يضربون مجلسنا .. :sad:

كان بك أو مابك خلك مشرف مع سراب الدمع في الاتصالات .. لأنهم حاطين صبات قدامهم ..

وفكنا من شرك ..

بس حتى لو إن الفكرة وصلت .. ترى مافيه حرف ف في اللوحات..


تحياتي ،،،
اضافة رد مع اقتباس
  #12  
قديم 03/01/2005, 03:07 AM
زعيــم نشيــط
تاريخ التسجيل: 27/06/2003
مشاركات: 790
[ALIGN=CENTER]
.
.
.

لو اني مكانك .. بحاول اثبت التهمه على خويي .. واخذ المليون
>> نذل
خخخخخخخخخخخخخخ

مشكور كايدهم


.
.
.
[/ALIGN]
اضافة رد مع اقتباس
  #13  
قديم 03/01/2005, 10:09 AM
زعيــم متألــق
تاريخ التسجيل: 26/04/2004
المكان: الشـــــــــــرقية
مشاركات: 1,165
لووووووووووووووووووووووووووول
الصراحة خويك بطل من جد بطل
يالله الموقف من جد صعب صعب
وسالفة التشبيه ماهي صاحية
أحس إنهم تفشلو مع خويك

وماعليك كايدهم الثقة موجودة

بااااااااااااايو
اضافة رد مع اقتباس
  #14  
قديم 03/01/2005, 03:51 PM
زعيــم مميــز
تاريخ التسجيل: 05/05/2001
المكان: الريــــاض
مشاركات: 1,536
ومـــا خفـــي كـــان اعظــــم ...
تخبــط .. ويمشــون بالبركـــه .. ولا احــد يلــومــهــم .. الله يقــويهــم وينصــرهــم ويســاعــدهم ..
مشكــور كايدهم .. والحمد لله علـى ســلامــة خويــكم ..
تحيااتي ؛؛

اضافة رد مع اقتباس
  #15  
قديم 03/01/2005, 04:15 PM
زعيــم نشيــط
تاريخ التسجيل: 17/03/2001
مشاركات: 951
مشكور أخوي كايدهم على القصة ، بس الصراحة خويك كوووووووول ، يعني مثل هالمواقف المفروض الواحد يصير بااااااااارد عشان ماتفلت اعصابه ويتهور .
أما مسألة الحرفين المتشابهين فأتوقع انها حرفي ( ح ) و ( ج ) والله أعلم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:03 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube