السلام عليكم ورحمة الله ..

بدايةً .. احسن الله عزاكم في سعد ..

وغفر الله له واسكنه فسيح جناته ..

عندما أتاني الخبر .. وبعد ان تمالكت نفسي .. قلت هذه القصيده ..

أتيت لأسمعكم اياها .. لاشارككم حزني وتشاركوني حزنكم ..

واتمنى من المشرفين الأعزاء.. التثبيت في حال اعجبتكم المرثيه ..

____________________

دنياك يا ابن آدم . . تراها تجاريــب ** ومن جرب الدنيا .. لقاها عذاريــب

الى صفت لك يوم . . لا تنخدع بهـا ** افطن لها .. تسقيـك مر المشاريــب

وان اظحكتك اليوم . . تبكيك باكر ** هذا كلام الصدق .. ما هو تكاذيــب

اقولها و القلب . . يبكي من الحزن ** علم لفاني .. شيــب الراس تشييـب

قالوا توفى الدوسري يا بو سارة ** واوجست وسط القلب..مثل اللواهيب

قلت اصبروا.. تكفون قولوا اشاعه ** قالوا : توفى اليوم .. ماعاد به ريـــب

الله يبيحك يا سعد كل ساعــه ** ومرحوم .. ياللي مامشى يوم باالعيـب

وان كان غبت اليوم يا سعد.. عنا ** ذكراك .. ما والله يا الدوسري اتغيــب

ياالطيب المحبوب ياابيض القلب ** انت الخلوق .. المبدع .. الفــذ .. لعيــب

ليتك تشوف اليوم وش كبر قدرك ** الكل بك مفجوع .. ويذكرك با الطيــب

ياالله عساها جنة الخلد .. دارك ** قولوا معي آميــــــن .. بالجهر و الغيـب

...................

آمين آمين آمين..

اخوكم الهلالي ابو سارة