إنـتـقـــال الحـــقبــاني!! - نادي الهلال السعودي - شبكة الزعيم

البرنس777 · #1 30/12/2004, 02:34 AM

السلام عليكم

يتردد الان في الاواسط الرياضية مسألة إنتقال الحقباني من النصر للهلال !!
وأن الهلال طلب الحقباني من إدارة النصر بخطاب رسمي..
وإدارة النصر طلبت 8 ملايين ريال مقابل الانقال
انا شخصيا لا أحبذ إنتقال هذا اللاعب لانه ما يستاهل هذا المبلغ كلة

بالمبلغ هذا أخلي سمو الامير بندر بن محمد يجيبلنا لعيبة صغار بالسن
مثل ما جاب هؤلاء النجوم من قبل أمثال:
أحمد الصوليح من الفتح ،وأحمد الجري ،محمد العنبر ،عبد الله مضواح .........إلخ

هؤلاء النجوم ما كلفو الخزينة الزقاء وأفادو الفريق وهذا يرجع إلى
خبرة ودقة الادارة الهلالية والنظر إلى الامام

قال إيش قال ثمانية مليون !!

دمتم بخير

هلالي(موت) · #2 30/12/2004, 02:41 AM

والله ما يستاهل 8 مليون

ازيدهااا واجيب القحطاني

هلالي من الشرق · #3 30/12/2004, 02:44 AM

خلنا نكمل القسط حق الغنام تراه أهم وأحسن من ملايين عشان الحقباني

متورط · #4 30/12/2004, 02:44 AM

إدارة النصر تحلم بالأربعة ملايين !

ومن جد ما أبغاه بمليون !

الفارس الحائر · #5 30/12/2004, 02:59 AM

اتمنى يجددوا مع الغنام

لانه لاعب صغير راح يخدم الزعيم لسنوات عديدة

الوســام · #6 30/12/2004, 03:05 AM

والله مابغى غير الغنام يوقع رسميا للهلال ويشتري عقدة وبس

ولامانع من القحطاني

واذا والله الفلوس زايدة هات الحقباني

سراب الدمع · #7 30/12/2004, 03:21 AM

مساء الوررررررررررد

الحقباني لاعب جيد

ولكن قيمته لاتفوق ال 700 ألف ريال

مع إحترامي الشديد لشخصه

عموماً :: أتمنى أن يدرك أن وجوده مع الزعيم هو تكريم له

فشتان مابين أن تنهي مسيرتك بشعار الزعيم أو نادي آخر .

والتاريخ خير شاهد

تحياتي

الألماسي · #8 30/12/2004, 03:36 AM

مع احترامي الموجودين افضل بكثير

ومانبي لا حقباني ولا غيره

والفلوس تنفع بشي ثاني

ابوساري · #9 30/12/2004, 03:37 AM

الحقباني ؟؟
من متى والهلال ياخذ لاعبين من النصر ... ؟؟

انا قريت الخبر بالجريدة ... ثمانية مليون ؟؟ والله كثيرة مرة مرة مرة ...

يعني لو القحطاني ممكن ... وياليت بعد ..

لكن الحقباني ... يعني الهلال محتاج وسط ...؟؟؟
ماكثر الله في الهلال الا لاعبين الوسط ... بالعكس نجوم المملكة بوسط الهلال ...
وش يبون بالحقباني ...

الهلال بحاجة ظهير ايسر ... يصير دوخي يسار ... لامانع يكون اجنبي ...

ياليت يصرفون النظر عن الحقباني ... ويتعوذون من ابليس ... يفكرون بلاعبين يفيدون الهلال ..
وتحياتي لكم ..

(( هذي وجهة نظر خاصة ... ممكن تكون خطأ ممكن تكون صح ))

أبو ميار · #10 30/12/2004, 03:48 AM

لا أعتقد أن الحقباني سيفيد الهلال

أبو محيا · #11 30/12/2004, 03:51 AM

والله مايسواه هالمبلغ

تغيب الشمس بحلم يومي · #12 30/12/2004, 03:59 AM

لا القحطاني ولا غيره.................

اذا لهم نية يدفعون 8 ملاييين يزيدون عليها مليونين ويجيبون لنا مهاجم عالمي إلى نهاية الموسم من طراز رونالدو.........

وصدقوني راح يكسب الهلال اضعف هالمبلغ من الهالة الاعلامية وووجود مثل رونالدو سيجذب الجماهير الى المدرجات..............

وبهذا يحقق الهلال عدة مكاسب...

اما الحقباني فاسمحوا لي ان خالد عزيز على علاته اصرف منه مليون مرة............

البرنس777 · #13 30/12/2004, 04:32 AM

شكرا على الردود

أبوسياف · #14 30/12/2004, 05:34 AM

السلام عليكم
والله لونكمل قسط الغنام ابرك للنادي من الحقباني
هو مافاد فريقة علشان يفيدنا
تقبلوا تحياتي

البرنس777 · #15 30/12/2004, 09:40 AM

كفووووووو!!
هذا الكلام