السلام عليكم ترا هاذي مو اول مشاركه بس صار لبس في موضوع النك الحقيقي لي وهو يوسف15

ولكن الله يسامح اللي كان السبب


اولا مبروك الثلاثة اهداف والثلاث النقاط المهمه ومبروك ايضا الصداره وعساها دووووم يارب
من شاف منكم المباراه في الشاشه يستغرب فعلا مما يفعل ناصر الاحمد وهو يقلل من الهلال ومكانته

والكل سمعه بعد هدف تفاريش الثالث وهو يقول اعطني حظا وارمني في البحر وكأنه فعلا بالحظ حتى انا بعد كلامه قلت الهدف خلاص ماله طعم وكله من ناصر الاحمد

على العموم الفوز باين انه قهرهم مضبوط واعطاهم حقهم وزود وعساه دوم


والموضوع الثاني من رأى منكم القلاده اللي كانت معلقه في رقبة حارس الانصار يستغرب فعلا مايحدث في ملاعبنا هاليومين من مثل هالامور اللي صعب اني انا اتكلم عنها لانه شي كبير


تحياتي لكم والف مبروك الفوز مجددا

والله اني اتابع المباراة وتذكرت مباريات قديمه لهلال علق عليها الأحمد وكان رائع بمعنى الكلمه وقلت في نفسي وش غيرك يا لأحمد ؟؟!!!

يعطيك العافية اخوي واحسن الله عزاك في النك اولا (!!!!)
أما عن ناصر الاحمد فهذا الشخص (يحش) في الهلال بشكل (علني) حتى لايفقد ثقة الجماهير السعودية
وذلك بسبب تورطه في أكثر من مرة (بحبه) للهلال عندما تهتز شباك الخصوم!!

يا رجال خله صحيح انه شوه صورة الهدف الجميل

وانه من البداية وهو حاط دوبه والاجانب

حتى النص او العمق كان فاضي ويعاني من غياب كماتشو

وسألة الي جنبه مادري منهو ان غياب كاتشو مؤثر

رد عليه وقال لا

الفلوووووووووووووووووووووس تعمي النفوووووووس

وش يهمنا المهرج نااااااااصر الاحمد

خلونا منه

هو من يوم جا باوربت تغير وصار يقلل من الهلال

غريبه والله تغير الاحمد !!!!!!!!!!!!!!!

غريبه من الاحمد((سبحان اللي يغير ولا يتغير))

سبحااااااااااااان مغيرر النفووووووووووس

تخيلو لو ان تيشكو هو الي جاب القول او احد اجانب الشباب ........

هذا هو ناصر الاحمد ماتغير .

ما غير يحش باجانب الهلال واذا مالقى شيء عليهم راح يدور شيء ثاني .

على العموم الله يفكنا شره

والله شي يرفع الضغط مدري وش فيه لايكون استخف

لسان حاله يقول الهلال حظ في حظ (( الله يخلف ))

الله يبارك على الفوز والصداره ولايهمونك ان شاء الله كل بطولات حظ وش عندهم عموما القافله تسير والكلاب تنبح

اخي العزيز :
القاعدة المعروفة لدى معظم من يسمون انفسهم بالنقاد والرياضيين واضحة وهي :
امدح نجوم الهلال واعطهم حقهم تكون مجاملاً ، وانتقص من نجوم الهلال وشرشح فيهم تكون حيادياً وواقعياً ، وبالتالي فان ناصر الاحمد كما يفعل غيره يسير على هذه القاعدة حتى يسلم من الانتقاد وغضب الجمهور ....

ولكن ياعزيزي لا تهتم فمهما حاولت هذه الفئات من جهد لعرقلة مسيرة الزعيم فان القافلة تسير باذن الله .

undefined

إقتباس الرسالة الأصلية كتبت بواسطة ياسيدهم وينك الله يبارك على الفوز والصداره ولايهمونك ان شاء الله كل بطولات حظ وش عندهم عموما القافله تسير والكلاب تنبح