#1  
قديم 27/12/2004, 06:56 AM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
صدفه لقيت الشعر في قسم الأعصاب"="يبي يشق الثوب ومحجزينه

هذه القصيده لشاعرنا الكبير المبدع / جوهر الحربي الذي
أمتعنا كثيرا بقصائده الجميله والمعبره
اترككم مع القصيده

صدفه لقيت الشعر في قسم الأعصاب"="يبي يشق الثوب ومحجزينه
وأسمع وراه بغرفته صوت وطلاب"="أحد(ن) يبي يحماه وأحد(ن) يدينه
وسئلت عنه أهل العنايه والأطباب"="وش صاب حال العود يا معالجينه
قالوا مريض ودخّل أشهار منصاب"="والظاهر انه مقفيات(ن)سنينه
قلت أبا زوره عجلوا فكوا الباب"="قالوا مريض ويزعجك في ونينه
قلت أن هجرته عمد يلحقني أعتاب"="تكفون لا تقفون بيني وبينه
قالوا تفضل دون تقييد وحساب"="لو كان حال العود ماهي بزينه
وجيته وهو من ضجة الناس مرتاب"="وقام وتنهض في وقار وسكينه
عليه من لبس العيادات جلباب"="وسلك المغذي رابطه في يمينه
وحبيت خشمه وأقبل الدمع سكاب"="وأبطى يطالعني بعين(ن)حزينه
جسمه نحيف ولحيته كلها تراب"="وبعض الكوايا واسمات(ن) جبينه
معروف ما بين القرايب والأجناب"="شكل بدوي معروف مله وطينه
قلت انت وشلونك عسى ما بك أسباب"="وقام يتلقف عبرته في يدينه
قلت أنت لا تبكي ترى عندك أقراب"="قرابة المولود من والدينه
ومش الدموع وقال ويش أنت يا شاب"="فلان وبن فلان وفلان وينه
ناس(ن) ثنوا من دون حقي ولاغاب"="يوم إنهم حيين متوارثينه
متوارثين الصيت والصيت ما خاب"="ياطيب صيتي عندهم حافظينه
حامينني من كل جاهل وغصاب"="من مد كفه للعبث خاصمينه
واليوم شوّه سمعتي كل مغتاب"="يلعب على الحبلين محد(ن) يهينه
إلاّ قليل(ن) من كثير العرب طاب "="تالي رجايه عقب ذقت الغبينه
لعلهم يبنون بيتي بلا طناب "="في وجه صلفات الليال المتينه
وحقي عليهم ذبح تسعين كذاب"="ومن فوق هذا شرهتي بالثمينه
وإن ما فعلوا هذا فـ أنا مالي أصحاب"="بكره تبي تصبح عضامي دفينه
بلغ لي الشعار في كل الأشعاب"="تراك في حكم الوصيه رهينه
وأنته تنوب وكل شاعر ليا ناب"="يصبح كما الربان فوق السفينه
إما طلع و ألاّ هفى هفية غراب"="والشعر ماهو شي لولا سمينه
بلغ شواعير النبط تصدر كتاب"="عن عالم(ن) شعر النبط ظالمينه
قلت الوصيه واصله مابها أطلاب"="أبداً تطمن والمراسل أمينه
وقام وتلحف وأنسدح وأغلق الباب"="وبعد المرض عادت عليه السكينه

اتمنى انها نالت على اعجابكم واستحسانكم

تحياتي للجميع
اضافة رد مع اقتباس
  #2  
قديم 27/12/2004, 10:28 AM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
إقتباس
بلغ شواعير النبط تصدر كتاب"="عن عالم(ن) شعر النبط ظالمينه
قلت الوصيه واصله مابها أطلاب"="أبداً تطمن والمراسل أمينه
وقام وتلحف وأنسدح وأغلق الباب"="وبعد المرض عادت عليه السكينه


@ تسلم اخي الغالي على حسن إختيارك .. قصيدة جزلة ورائعة وذات مغزى ومعنى كبير ... أما إن كانت من نظمك فأنت شاعر وموهبة شعرية كبيره ..

@ وفقك الله
اضافة رد مع اقتباس
  #3  
قديم 27/12/2004, 11:39 PM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
تسلم على نقل هذه القصيدة المعبرة التي تصور واقع الشعر ,,

ومثل ماقال الشاعر :

أنا أشهد إن الشاعر ياناس ينعاف ,, من حط له بيت عوج صفقوا له

تقبل تحياتي ,, ويعطيك العافية ,,
اضافة رد مع اقتباس
  #4  
قديم 28/12/2004, 03:53 AM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
ياهلا وغلاااااااااااا فيكم نورتوني وشرفتوني بالرد على الموضوع
اما عن القصيده فهيا للشاعر جوهر الحربي استاذ ادب انجليزي بجامعه الكويت
واتمنى لو اتي بمثلها بالقوه البلاغيه

مره اخرى اشكركم على مروركم وهذا شرف لي
تحياتي لكم
اضافة رد مع اقتباس
  #5  
قديم 28/12/2004, 09:10 AM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
إقتباس
الرسالة الأصلية كتبت بواسطة مغرور حدي
ياهلا وغلاااااااااااا فيكم نورتوني وشرفتوني بالرد على الموضوع
اما عن القصيده فهيا للشاعر جوهر الحربي استاذ ادب انجليزي بجامعه الكويت
واتمنى لو اتي بمثلها بالقوه البلاغيه

مره اخرى اشكركم على مروركم وهذا شرف لي
تحياتي لكم

جوهر الحربي طالب مو استاذ تخصصه لغة انجليزية كان معاي بالصيفي اللي طاف واعتقد انه تخرج

عموما..يعطيك العافية على القصيدة وما قصرت
اضافة رد مع اقتباس
  #6  
قديم 28/12/2004, 10:15 AM
زعيــم متألــق
تاريخ التسجيل: 17/03/2002
المكان: اعذريني يالرياض لوهجرتك .جف ليلي وانقلب وقتي ظلام .يرتبك فكري إلى مني ذكرتك ..ويحترق قلبي وضيعت الكلام!!
مشاركات: 1,243
يعطيك الف عافيه على النقل وصح لسان الشاعر وصحت يديك
اضافة رد مع اقتباس
  #7  
قديم 28/12/2004, 03:01 PM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
شاكر لكم مروركم
ومعلومه انه دكتور والا طالب
المنتشر انه دكتور في الادب الانجليزي
وهذا ماقاله مقدم برنامج ديوانيه الكويت
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:01 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube