#1  
قديم 23/12/2004, 09:16 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
Unhappy سوالف حريم


السلام عليكم نفسي انزل موضوع جديد اليوم بالذات وبهاللحظة بس ما ادري شقول

يقولون الكبت يولد الانفجار واحس اني بنفجر في اي لحظة ما اوصيكم لحد يقرب من غرفتي اخاف يحوشه شي ما اقول الا الله يعين اماراتيه ماادري شلون متحملتني معاها ما ادري توقيعي له شغل بالموضوع؟!

المهم

ترى الموضوع شخابيط كتبته على طول من غير لا استخدم ورقة وقلم فاللي يبي يطلع اخطاء املائية او ما شابه ذلك يوريني عرض اكتافه واللي عنده شغل يروح الله يستر عليه ترى الباب يوسع جمل
على فكرة العادة اني اذا نويت انزل موضوع اقعد عليه اسبوع اعدل واحذف واغير :p الا هالمرة انا ودي اخربها

المهم

ليش الطالب العربي دايما مظلوم؟ لو اشتكيت انت يالطالب على دكتور او مدرس راح تكون غلطان قبل لا يعرفون شالسالفة لا تقولون لا مو صحيح والله هذا واقع

المشكلة ان عند وزاراتنا العربية اعتقاد ان المدرس او الدكتور انسان معصوم من الخطأ وان عقابه يعتبر اهانة للوزارة .. بالله هذا مو تخلف

عموما كلامي لا يقلل من شأن باقي المعلمين والدكاترة المحترمين وادري ان الفئة اللي اتكلم عنها قليلة بس يقولون ان الشر يعم والخير يخص

المهم

عندنا دكتور في الجامعة بدوي " والنعم فيهم طبعا" بس هالدكتور ما يواطن بنات البدو ودايما يهزأهم واللي يشوفوها لابسة عباية يقولها قومي قعدي ورا المهم وحده من الزميلات بعد ما سحبت المادة منه راحت له المكتب وقالت له دكتور انت ما تستحي على وجهك حاط على بنات البدو وانت امك بدوية وتلبس برقع جان يقول امي مثلكم!! حتى امه ما يحترمها صج قليل ادب على فكرة حتى الشباب يعانون معاه واحد يقول لمسئولة الاعتماد الاكاديمي ان الدكتور نفسه معطيه F عشان خطه

المهم

تصدقون كنت اتوقع اني ذكية بس بصراحه انصدمت في نفسي لما قلبت اوراق امتحاناتي في الثانوية وشفت الطامة الكبرى يقولون اعربي كلمة رصيد وهالكلمة موجودة في هالفقرة : (وهي بذلك تسعى الى بناء مجتمع يقوم على الشرف عملا وسلوكا اذن انه رصيد ثمين من الروحانيات ذلك المختزن في قلب الامة العربية المؤمنة بالخالق وحده)
تخيلوا شنو كان اعرابي للكلمة
فعل مضارع مرفوع بالضمة لانه خبر إن

بالله مو خبله
وفي امتحان ثاني معطيني بيتين
ودعت فيك بقايا ما علقت به*** من الشباب وما ودعت ذكراه
لبسته ودموع العين طيعة*** والنفس جياشة والقلب أواه

والسؤال هو اعربي ما تحته خط
الاجابة كانت
بقايا:مفعول به ثاني منصوب بالالف
العين:فاعل مرفوع بالضمة


مو اقولكم انا مييييح بالعربي
عموما صوبوا الخطأ ترى الابلة ماصوبته معانا :p

المهم

في مثل كانت تقوله يدتي الله يرحمها
"لا كثرت همومك فارقد واستريح" وانا اقول "لاكثرت امتحاناتك وواجباتك نزل موضوع في الزعيم"
كوزين وتقرير يوم السبت


المهم
سؤال اخير: جم مرة قلت المهم ؟ وجم استخدمت هذا >>> ؟

تحياتي لكم جميعا

اخر تعديل كان بواسطة » كيفي كويتية في يوم » 23/12/2004 عند الساعة » 10:42 PM السبب: كيفي موضوعي واسوي اللي ابي فيه
اضافة رد مع اقتباس
  #2  
قديم 23/12/2004, 09:35 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
المهم .....

انك نزلت موضوع

والمهم ...

ان الابله ماعنده سالفة

والمهم ....

ان الدكتور ما يستحي

والمهم ......... انك تنجحين انشاء الله
اضافة رد مع اقتباس
  #3  
قديم 23/12/2004, 09:39 PM
زعيــم جديــد
تاريخ التسجيل: 15/11/2004
مشاركات: 15
شخابيط = خرابيش

خربشه سريعة كونت من خلالها أختنا الكريمة "كيفي كويتيه" موضوع ذو شجن يحتوي على مشكلة كبيرة جداً يعاني منها الكثير من طلبة العلم في الجامعات العربية على وجه الخصوص وبعض الأعمال الآخرة على وجه العموم.

تحياتي الحاره لكِ
جحيم الصحراء

اخر تعديل كان بواسطة » جحيم الصحراء في يوم » 23/12/2004 عند الساعة » 11:58 PM
اضافة رد مع اقتباس
  #4  
قديم 23/12/2004, 09:48 PM
موقوف
تاريخ التسجيل: 03/11/2003
مشاركات: 412
أما ما يخص الدكاترة الغير محترمين ، ففي إحدى الكليات دكتور مشهور جداً وذاع صيته بين الكليات وعرفه الجميع يختلي بالطالبات بمكتبه ويغلق الباب بالمفتاح! ماذا يفعل مع الطالبات بالمكتب المغلق؟ هل يعطيهن دروس خصوصية؟ أم إنه يشرح لهن ما لم يستطعن فهمه في المحاضرة؟!

هل ما تقولين يحدث في جامعاتنا وكلياتنا !!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لكم الله فتياتنا !!!!
اضافة رد مع اقتباس
  #5  
قديم 23/12/2004, 10:17 PM
زعيــم مميــز
تاريخ التسجيل: 27/11/2003
المكان: KSA
مشاركات: 2,477
اقول ياكيفي مسكينه انتي الدكاتره عندكم يسحقونكم ولا احد يتكلم ههههههههه

انا والله اسولف مع الدكتور وعادي واشرب معه في مكتبه شاهي وقهوه>> يمون

وحتى يساعدون الطلاب باي شي وتحديد الكوز على كيفنا حنا الطلاب>> من قدنا

حتى مره قلبت انا و مجموعه من زملائي المحاضره مع الدكتور المصري

الى مناقشه عن مباراه كوره بين الهلال والزمالك المصري هو عاد زملكاوي متعصب

ويقول ان فوز الهلال جا بالغش وهو عاد نذل قام وحط لنا اختبار بدون مايعلمنى

المهم رحت اشتكيت للمشرف حقي قام وعاد لنا الاختبار من ورى خشمه>> قوي

اقول كيفي عندكم دلع مثل الدلع الي اشوفه بالجامعه>> حاب يقهرها

اخر تعديل كان بواسطة » هلالي موعالبال في يوم » 23/12/2004 عند الساعة » 10:59 PM
اضافة رد مع اقتباس
  #6  
قديم 23/12/2004, 10:28 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
هذي نتيجة اللي ما يستخدم الورقة والقلم

ماجد مقبل

هلا وغلا
المهم .. ترى انا فيني حمى الامتحانات باقي عليها اسبوعين بالضبط وهذي نتيجتها
المهم مشكور وحياك الله


جحيم الصحراء

هلا وغلا
صدقني احنا مظلومين ومالنا الا الصبر انا الحمدالله باجي لي ثلاث كورسات واتخرج وافتك
الف شكر لك اخوي جحيم الصحراء وياهلااااااااابك

هلآلآلآلآلآلآلآلآلي
اول شي جحيم الصحراء واحد مو وحده
ثانيا لا مو في جامعاتكم

اخر تعديل كان بواسطة » كيفي كويتية في يوم » 24/12/2004 عند الساعة » 09:42 AM
اضافة رد مع اقتباس
  #7  
قديم 23/12/2004, 11:26 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
هلالي مو عالبال

اهلا وسهلا
اول مشكور عالمشاركة
ثانيا على التعديل والاستجابة لطلبي
ثالثا احنا ما عندنا دلع احنا عندنا الكرف على اصوله
رابعا يعطيك العافية


المهم تصبحون على خير الساعة 11 وثلث وانا انام 11
اضافة رد مع اقتباس
  #8  
قديم 23/12/2004, 11:36 PM
موقوف
تاريخ التسجيل: 03/11/2003
مشاركات: 412
أشوى ياواحد 000 وهذا أهم شي عندك وعندي00 خامس شي أشوى إنة مو في جامعاتنا 00لك حبي وتقديري 0
اضافة رد مع اقتباس
  #9  
قديم 23/12/2004, 11:54 PM
الصورة الرمزية الخاصة بـ الثنيان بالجوف
زعيــم نشيــط
تاريخ التسجيل: 25/05/2004
المكان: مملكة الثنيان
مشاركات: 646
هههههههههههههههههههه

تسلمي ياكويته .. وبصراحة موضووعك فطسسسسسست عليه من الضحك .

وهذي احلىىىى صفقه وياريت ماتحرميني لا انتي ولا غيرك من هالمواضيع الحلووه والخفيفة . خصوصا ان الوقت هذا وقت اختبارات والواحد يبغاله شيء ينسيه هم الاختبارات .

>>>>>>>>>>>>>>>>>>>> ماعنده اختبارات مريح راسه .

مشكوووره مره اخرى كويتيه
اضافة رد مع اقتباس
  #10  
قديم 24/12/2004, 01:12 AM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
مرحبا كيفي كويتية ,,

الحياة كلها ظلم ,, لو بنقعد نقول بنبلش على طول ,,

الطالب يشتكي ممن يعلمه ,, والمعلم يشتكي من مديره ,, والمرؤوس يشتكي من رئيسه ,,

حتى الأبناء يشتكون من آباءهم ,,

بس الأكيد إنه بيصير لك يوم تقولين ياحلو ذيك الأيام يوم صار لي كذا وكذا على قول الشاعر

( هالبيت دائما أردده لأنه واقع فعلي )

رب يوم بكيت منه فلما ,, صرت في غيره بكيت عليه

لا يوجد أحد راضي عن وضعه ,, كل واحد عنده مشاكله ,, والله يكون بعونكم يالطلاب ,, وإن شاء الله تكون

النهاية مرضية لكم جميعا ,,

شفت العنوان وبغيب ما أدخل ,, قلت سوالف حريم وش دخلنا فيها ,, ولكن شفت الكاتبة كيفي ,, قلت ما هو على

كيفي !! أكيد الموضوع بيصير على كيف كيفي !!

تحياتي لك ولجميع الزعماء ,, أووووووووووه نسيت شئ مبروك ياكيفي المركز الرابع ,,

وعلى هالمستوى ما أظن فيه تأهل لكأس العالم ,, وصدقيني إنا نحب الأزرق في كل مكان ,,
اضافة رد مع اقتباس
  #11  
قديم 24/12/2004, 02:45 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418

الثنيان بالجوف

اهلا وسهلا
إقتباس
وبصراحة موضووعك فطسسسسسست عليه من الضحك

مشكور ادري بس تبي ترفع معنوياتي

إقتباس
وهذي احلىىىى صفقه

تقصد صفقة مثل هذي>>>
قعدت ساعة افكر شنو قصدك بصفقة على بالي صفقة مثل صفقة لاعب او شركة

عموما..مشكور عالمجاملة وحياك الله

راشد

هلا وغلا
إقتباس
بس الأكيد إنه بيصير لك يوم تقولين ياحلو ذيك الأيام يوم صار لي كذا وكذا على قول الشاعر

بيني وبينك ما ودي اتخرج ومابي اتوظف بسرعة والسبب هو
إقتباس
رب يوم بكيت منه فلما ,, صرت في غيره بكيت عليه

إقتباس
شفت العنوان وبغيب ما أدخل ,, قلت سوالف حريم وش دخلنا فيها ,, ولكن شفت الكاتبة كيفي ,, قلت ما هو على

كيفي !! أكيد الموضوع بيصير على كيف كيفي !!

الله يسلمك والله دائما تحرجني بطيبك ياراشد

إقتباس
أووووووووووه نسيت شئ مبروك ياكيفي المركز الرابع ,,

وعلى هالمستوى ما أظن فيه تأهل لكأس العالم ,, وصدقيني إنا نحب الأزرق في كل مكان ,,

الله يبارك فيك احترنا والله مع هالازرق بداية البطولة كان كل شي تمام وحتى خسارتنا من قطر تقبلناها مع ان الفريق القطري موذاك الزود واهدافهم كلها من اخطاء دفاعية بس ما ادري شصار فيهم امس واذا استمروا على هالمستوى ما ظنتي نتأهل ولا ودي نتأهل حفاظا على تاريخ المنتخب والبركة فيكم

الف شكر اخوي راشد ويعطيك العافية على مشاعرك الطيبة
اضافة رد مع اقتباس
  #12  
قديم 24/12/2004, 03:29 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
مبروك كيفي المركز الرابع
بصراحه كنتم تستاهلون الكاس بس الظروف ما خدمتكم
لو تخلون الشماته تاخذون كاس العالم
وارجعي لموضوعي شرٌ لا بدّ مِنه .. وتعرفين
والله لا يضرك مع الاعراب بصراحه غطيتي على سيبويه
إقتباس
(وهي بذلك تسعى الى بناء مجتمع يقوم على الشرف عملا وسلوكا اذن انه رصيد ثمين

إقتباس
من الروحانيات ذلك المختزن في قلب الامة العربية المؤمنة بالخالق وحده)
اعربي كلمة رصيد

إقتباس
فعل مضارع مرفوع بالضمة لانه خبر إن

منوين جبتي فعل مضارع لان رصيد اسم وليست فعل
واعرابه هو خبر إن مرفوع وعلامة رفعه الضمه
إقتباس
ودعت فيك بقايا ما علقت به*** من الشباب وما ودعت ذكراه
لبسته ودموع العين طيعة*** والنفس جياشة والقلب أواه
اعربي ما تحته خط

إقتباس
بقايا:مفعول به ثاني منصوب بالالف
العين:فاعل مرفوع بالضمة

ما ينصب بالالف الاسماء الخمسه ( ابو - اخو - حمو - ذو - فو )
وبقايا : مفعول به منصوب وعلامة نصبه الفتحه المقدره للتعذر
الفاعل هو الضمير المتصل في الفعل وهو تاء الفاعل في لبست
والعين : مضاف اليه مجرور وعلامة جره الكسره الظاهره تحت اخره

وبعدين جامعاتكم غير جامعاتنا انتم الفيس بالفيس وحنا شاشات متلفزه
تحياتي لكِ
اضافة رد مع اقتباس
  #13  
قديم 24/12/2004, 03:58 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
إقتباس
مبروك كيفي المركز الرابع
بصراحه كنتم تستاهلون الكاس بس الظروف ما خدمتكم

شفت شلون

إقتباس
لو تخلون الشماته تاخذون كاس العالم
وارجعي لموضوعي شرٌ لا بدّ مِنه .. وتعرفين

يمه منك والله العظيم ردودي كانت عادية وماكنت اقصد شماتة او شي جذي
ولو كنت ابي اتشمت جان رحت وشاركت في منتدى خليجي 17 لكن انا اكبر من هالسوالف
لا تحاسبني على تصرفات غيري لاني لو حاسبتكم على تصرفات غيركم وتصريحات جرايدكم اتوقع بتصير في المنتدى حرب الخليج الثالثة

لي عوده للتعليق على باقي الرد بس فيني حره انزل هالرد الحين
اضافة رد مع اقتباس
  #14  
قديم 24/12/2004, 05:13 PM
زعيــم مميــز
تاريخ التسجيل: 10/07/2004
المكان: فوق هام السحب
مشاركات: 5,009
بكيفي كويتية : انتي كذه
بصراحة اني يوم دخلت النت اليوم كنت طفشان وقافلة معي
بس وبمنتهى الامانة موضوعك اعاد لي البسمة والضحكة ;)
يعطيك الف عافية
وياليت الجميع يتحفنا بمثل هذا الطرح الكوميدي
ترونا يا جماعة مو ناقصين نكد وهموم
اكرر شكري لك وان شاء الله يتأهل المنتخب الكويتي مع منتخبنا الى كأس العالم
وعلى طاري الكويت ... وش اخبار ابوخالد
عبدالكريم عبد القادر
اضافة رد مع اقتباس
  #15  
قديم 25/12/2004, 12:37 AM
زعيــم نشيــط
تاريخ التسجيل: 16/03/2003
المكان: جـــ غيـــــر ــــدة
مشاركات: 737
ههههههههههههههههههههههههههههههههههههههههههههههههههههههههههههههههههههههه

انا كل يووووووووم اقول هذا اليوم اخر يوووم على النت
واجيب بعشرررره ريال بطااقه علشااان اذا خلصت مااافيش نت
احااااول بكل الوسايل اترك النت


الله يوووفق الجميع انشاء الله
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:03 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube