23/12/2004, 02:36 AM
|
| زعيــم متألــق | | تاريخ التسجيل: 31/08/2003 المكان: Portland-U.S.A
مشاركات: 1,483
| |
|
نقاط من الملعب ما حدث قبل المباراه وما بعده وأثناء المباراه ...
السلام عليكم ... 
ألف مبرووووووك لكم يا زعماء لكن ما تحسون انكم مليتو من البطولات ؟؟؟  <- وش يبي ذا اخلص علينا بس 
على العموم انا حضرت للملعب قبلها بساعه وطلعت بعد حراس الملعب  المهم وبايجاز ولاني اعرف واحد يعمل بالقناة الرياضيه دخلت غرفة تبديل الهلال واحلف لكم من يوم اني دخلت قلت الكاس بيدخل ذي الغرفه وسلمت على اللاعبين وكلهم كان باين عليهم الحماس والجديه والروح المعنويه ويا كثر سعادتهم لما شافو الجماهير تحس انك وهبت له كل مالك وحلالك ولا ازود ;) المنظمين (اقصد لجنة التنظيم للجماهير) ما لاحظتهم ولا دريت عنهم الا بعد ما حطو الرقم 79 الي كان واضح ولو ما تنشره الجرايد اعتقد انها مؤامره ضد الهلال اثناء المباراه لاحظت ان جمهور الاتفاق انشط بكثير من جمهورنا للاسف واعتقد ان ما فيه تنظيم وكذلك عندك (من بعض الشعب من هو ما يساعد) على الترتيب والتنظيم الجيد واثناء المباراه وبين الشوطين بالتحديد كان فيه واحد يوزع استبيانات حول دخول او الانظمام لعضوية النادي وفعلا اعجبتني مع الاشياء المغريه الي معها فقررنا انا و خمسه من اخوياي اننا ننظم لها بس باشتراك 300 ريال ولقيت تجيك مميزات بطله مثل دخول صالات النادي مجانا وحضور التدريبات مجانا وجوائز نقديه وعينيه و طقم ساعه وميداليه وشال لنادي الهلال للمعلوميه الشال هذا ما تلقاه باي مكان ومبين عليه انه رزه وكذلك كبون فيه 150 كرت وتتنوع هذي الكروت وهي يا انها تجيك عيادات ومستوصفات تدخل وتسوي كشف وتبييض اسنان مجانا مع خصم 50% وكذلك على العديد من المطاعم والفنادق والشاليهات والكثير الكثير .. احس اني طلعت شوي عن الموضوع ولاحظت ان الي معهم طيران راحو للرقم 79 عشان يوضحون للمصورين وما يكون لهم عذر في عدم عرضه بالوسائل الاعلاميه وبآخر الدقايق والله ما انتبهت بس اظاهر ان الفرج هو الي التفت على الجماهير ورفع يدينه عشان يحمسهم وبالفعل تحقق لها الي كان يبيها ومع صافرة النهايه الملعب اهتز فوق تحت من الفرحه وتوجهو الاعبين مباشرة للجماهير وحيوهم بحماس كبير ثم توجه الامير البطل للجماهير وحياهم واشار باصبعه السبابه (يعني الاولى) واظاهر انه يقصد هذي البطوله الاولى لي والباقي قادم ان شاءالله واحب احيي كل الجماهير الي حضرت واقدم لها خالص شكري وتقديري لمؤازرتهم
وزي ما قال عبدالرحمن بن مساعد : يا هلال يا صقر النوادي تماديت **** عديت بامجادك وغيرك يعدد |
الوضع العادي
