18/12/2004, 01:52 AM
|
| زعيــم فعــال | | تاريخ التسجيل: 26/02/2004 المكان: الرياض
مشاركات: 257
| |
|
كالديرون بن مصيبيح بن نور السعودي وماقاله المصيبيح
السلام عليكم
كالديرون : المدرب
مصيبيح:الاداري فهد المصيبيح
نور: لاعب الاتحاد محمد نور
السعودي: الاتحاد السعودي الموقر!!!!
من السبب
اول شي مبروك للمنتخب البحريني وهارد للك المنتخب السعودي
بصراحة الواحد يحتار كل دقيقه طالع لي واحد يكتب موضوع ويقول المدرب هوالسبب وواحد يقول اللعبين وواحد يقول محمد نور وواحد يقول مدير المنتخب المصبيح!!!
اتمنى فعلا اذا نبي ننقد نفكر قبل ماننقد انا معاكم كل واحد له حرية بان يعبر عن رأيه لكن بودي اسال سؤال هل جميع المواضيع الي كتبت بعد خسارة المنتخب من البحرين كانت جيدة للاسف اغلبها مجرد نسخ من موضوع مماثل له وتقريبيا 1% تلقى موضوع جيد يحلل وينقد بشكل ممتاز.
ماودي اطول بالمقدمة هاذي بس بادخل على صلب الموضوع الي ودي انكم تشاركوني باراائكم فيه انا ابي اتكلم عن سبب تدني مستوى المنتخب بشكل كبيير وخاصة بعد خروجنا من بطولة كاس الخليج وبالذات بعد مبارة البحرين:
انا ماراح اقول السبب المدرب او محمد نور او اللاعبين او الاداريييين او الاتحاد السعودي باجهزته الادراية والفنية لان هناك امور خافيية حنا الجماهير الي مغلوبة على امرنا ماندري عنها لكن باتكلم عن وجهة نظر وباحط تساؤلات احاول منها نوصل للاسبااب .
اولا:المدرب
الكثير من الجماهير والاعلامييين اتهموا المدرب انه هو السبب الرئيسي واتوقع صحافتنا كالعادة بكره راح تاكل بالمدرب اكل لكن باعتقادي لأرى المدرب هو السبب المدرب جا في وقت قصيير جدااا ومعاه الحق يوم يقول مامداني اعرف امكانيات اللاعبين هاذا منتخب يحتاج اعداد وتجهيز ومو بيوم وليلة المدرب يقدر يسوي كل شي صحيح فيه ملاحظات على المدرب واخطاء لكن اخطاءه مالها تاثيير كببير على المنتخب ولو تلاحظون تكتيك المدرب وطريقته كانت جيدة لكن هناك امور افسدت كل شي راح اذككرها الحين.
ثانيا: محمد نور
محمد نور لاعب وسط جيد له تاثير كبير على المنتخب وزي مالاحظتم بعد طرده بمبارة الكويت كيف تاثر المنتخب وتكررر الامر في مباراة البحرين لكن يامحمد نور اقولها لك انت فعلا لاتستحق ان تمثل المنتخب بهاذا الشكل وبهاذه التصرفات تصرفك لايدل على عقلية احترافية الي لاحظته في مباراة الكويت انه كان ماخذ كرت اصفر يعني المفروض اللاعب المحترف والفاهم يتفادى اي احتكااك او اعتراضات على تطبيق الحكم للقوانين لان الحكم اذا اصدر حكم بالملعب بقانون لعبة كرة لاقدم مستحيل يتراجع عنه وفي مبارة الكويت لو نرجع لشريط الفيديو للمبارة نشوف الحكم اعطى محمد نور كرت احمر لانه اراد تعطيل اللعب وللاسف حنا مع الاعلام المهزوز والارااء الي تطلع تحاول تبرر لمحمد نور باي شكل من الاشكال ....وثاني شي بمباراة الكويت محمد نور كان ماخذ كرت اصفر والمدرب والاداريين حسب كلام مسؤؤول بالمنتخب من خلال التلفاز يقول احناا نبهنا محمد نور حتى المدرب قال له ابعد عن الاحتكااك والخشونة لتفادي الكروت لكن لاحياة لمن تنادي وانا الاحظ محمد نور يعتمد على الخشونة باللعب وهاذا السبب وراء اعطاءه الكروت ولكن الى متى يانور ماتتعلم من اخطاءك!!!
وبصراحة اتمنى يصدر قراار تاديبي لمحمد نور عن تصرفاته داخل الملعب واتمنى ماشوف بكرا بالجرايد الي يبكي ويدافع عن نور ويقول هو ماغلط وان الحكم ظلمه ..الى متى نضحك على انفسنا!!
قد يختلف معي البعض ويقول ان الحكم ماعرف يدير المبارة سواء النرويجي او الاسباني لكن صدقوني العقلية الاوروبية عقلية منظبطة وتطبق القاونين بشكل ممتاز وليست عاطفية في داخل الملعب وهاذا ماقوله مجرد كلام هاذا شي شفته بعيني بالواقع بالملعب!
ثالثا: اللا عبين
شي طبيعي اللاعبين يكون لهم تاثير راح اتكلم عن ستة لاعبين:
اولا الدعيع: الدعيع انظلم كثير لما انضم للمنتخب بعد غياب اربعة شهور اعتقد ليست كافيه عشان يكون جاهز لكن لاعتقد انه كان له تاثير كبير على مستوى المنتخب بالبطولة صحيح كانت له اخطاء لكن اخطاء الحارس نسبة 90% في رايي يتحملها الدفاع.ولكن تفاجأت بالكوبري الي دخل عليك!!
ثانيا رضا تكر
وين مستواك يارضا ببطولة اسيا!! ورضا تكر من المدافعيين الجيدين لكن مادري وش صار له بالبطولة الاحظ علييه قلة التركيز احس انه يلعب بالملعب وهو مشتت الذهن واعتقد هو سبب الهدف الثاني من الكويت وسبب هدف من البحرين لما ماغطى اللاعب بشكل سليم وكانت المساحة كافيه لابعاده للكرة من اللاعب البحريني.
ثالثا الشلهوب
باختصر واقول وين مستواك يالموهوب !!
رابعا المنتشري
فعلا كنت غاايب عن الدفااع مادري وين تفكر!!
الدوخي :ماقصرت لكن يعيب عليك الانانية ولكن ابي اقول شي قهرني ورفع ضغطي لما بمباراة الكويت دخل هدف الكويت الفاول عن طريق يده الي قهرني الاصوات النشاز الي طلعت وقامت تستهزئ وتسب وتنتقد الدوخي وتقول بانه هو السبب صحيح هو السبب لكن وصلت فيكم تقولون انه هو قصد يغير اتجاه الكرة للاسف فيه ناس تفكر كذا..ووش ذنبه الكورة ضربت بيده!!
ابراهيم سويد: انا مادري ليه الى الان مصرين على وجود ابراهيم سويد بالتشكيلة اظن عطوه الفرصة الكافية لاثبات وجوده لكن الفرص كثرت ولاشفنا منه شي غير البرووود وعدم التفاعل في جو المبارة والله فيه احسن من ابراهيم سويد وفيه كثثير بس من الي يدوور
رابعا: الادارة وباتكلم عن الاستاذ فهد المصيبيح
اضحك يافهد لين تقول امييين وماعليك منهم ومن يحب يصطاد في الماء العكر كما يقولون يعني قامت الدنيا وقعدت لما ضحكت يعني وصلت لبعض الاقلام اقصد الاقزام يكتبون وبكل جرأة يقولون الضحكة هي سبب تدني المستوى ووضع علاقة بين الضحكة والهزيمة.
فهد يشهد لك التاريه وتشهد لك عقليتك الاحترافية وطريقتك مع الهلال ولكن وين ماتروح هم ورااك والله يعيينك وييعيينا عليهم
صدقوني فهد المصيبح من الاداريين الراائعين والي قطع قلبي اليوم وانا اشوف قناة الرياضية تعمل حوار قصير بعد الخساارة مع فهد المصيبيح تساله كم من الاسئلة وفي احد الاسئلة تطرق لمشكلة الاحتراف لدى اللاعبين . وقال بالنص فيه مشكلة بالاحتراف ورااح...وللاسف الاحتراف بالمملكة يمين وتطبيقه يسااار
فهد يبي يطبيق الاحتراف بشكله التاام لكن للاسف فيه ناس تلعب من تحت الطاولةتحاول باي طريقة الوقوف ضد الناجح وياما تحت السواهي دواهي واتمنى منك يافهد تضع تقرير تاديبي ليصدر باللاعبين المستهترين مع المنتخب اتمنى اتمنى اتمنى .
وبصراحة خلاص يالاتحاد السعودي اتمنى الاتحاد السعودي يستقيل باكمله ويقدم الفرصة لغيره لانه بصراحة اتحاد مجرد زينة وصورة كما قال احد الاعضاء هل تتوقعون وجه السعد صاحب الخطط العلمية والمدروسة نشوفه بكرا مو بعد اسبوع او كم يوم يصدر قراار ات صارمة بحق اللاعبين المستهترين للاسف لاتوقع لاننا جربناك كم مرة ياوجه السعد! واتمنا اعطاء الفرصة للغير لانه يوجد من هم قادرين على قيادة الاتحاد السعودي الكثيير.واعتقد تدني مستوى المنتخب كان لادارة الاتحاد السعودي دور كبيير فيه وانتم ابخص!
في النهاية اتمنى تشاركوني باراائكم حول الموضوع هل السبب فعلا بالمدرب ام اللاعبين ام تصرفات فردية وطائشة مثل ماشفنا من محمد نور ام من الادارة ام من الاتحاد السعودي باكمله!!!
والاختلاف في الرأي لايفسد للود قضية
وتقبلوا تحياتي
اخوكم خالد
انتظر ااراائكم
اخر تعديل كان بواسطة » ياليت دمي ازرق في يوم » 18/12/2004 عند الساعة » 02:26 AM |
الوضع العادي
