لنا سنين وحنا ننتظر الخصخة ولا أدري متى بتطبق وليش التأخير للمعلوميه المفاعل النووي يستغرق العمل فيه خمس سنوات لإنتاج قنبلة نووية وحنا لنا 5 سنين والظاهر إنه فوقها 5 سنين ثانية علشان نخصص أندية والظاهر إننا بننشد يالليل ما اطولك .

عموما قريت موضوع لأحد الأخوان نقله من جريدة الوطن يقول فيه أنه ستتم خصصة الأندية الأربعه الكبار والله يعطيه العافيه على نقل الخبر وصراحه الخبر إذا كان صحيح فشيء يبشر بالخير وبيعيد الإنتعاش والحركه في الأندية اللي تعاني الآن من نقص الموارد الماليه .

لكن أنا أرى إن تخصيص الأندية الكبار فقط خطأ لأن معنى هذا إن الأندية الكبيرة فقط اللي بتنتعش والأندية الصغيرة بتعاني وحدها غير هذا إن الأندية الكبيرة بتأكل الأندية الصغيرة وتقضي على مواهبها .

لذلك أرى إن المفروض إن الخصخصة تكون على جميع الأندية أو تبدأ بالأندية الصغيرة لأن الأندية الكبيرة على الأقل تمشي حالها .

وفيه رأي ثاني أشوف إنه مهم جداً بخصوص الخصخصة وهو ليش ماتكون جزء من أملاك الأندية يطرح للتداول في سوق الأسهم بين الناس مثل شركة الأتصالات وغيرها لأن لها فوايد كثيرة أشوف منها :

*زيادة حركة الأموال في البلد بشكل عام

*ضخ أموال جديدة في السوق

*توفير فرص عمل جديدة للشباب ( أحد الدراسات توقعت إنه في حالة الخصخص سيتوفر 20000 وظيفة جديدة )

*وجود أرباح للمساهمين

*زيادة متابعة الناس للأندية والمبارايات وإيجاد جماهير جديدة

*دعم النادي اللي بيكون بجميع الطرق والأنواع مثل ( حضور المباريات - شراء منتجات النادي – الإشتراك في عضوية النادي – الإشتراك في قناة النادي ) لأنك إذا كنت تملك أسهم في النادي راح تدعم النادي لأن في هذا زيادة في أرباحك من الأسهم .

*بتكون أجواء المنافسة كبيرة من الأندية وهذا بيعيد الإثارة والجماهير للمدرجات مثل ما كانت عليه في السابق وأكثر .







هذي بعض الآراء اللي عندي وأتمنى إننا نشوف الخصخصة قريباً جداً وسلامتكم .

والله انك صادق

ويكون للنادي مصدر دخل مو يعتمد على أعضاء الشرف

وصح لسانك أخوي

صح لسانك أخوي