#1  
قديم 13/12/2004, 04:03 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
بـــ...الــــمـــ...ـــقــــ...لـــــ...وب

قــــــــفـــــــــــلـــــــــــــه

قال : تعرف شبكة الزعيم ؟؟ قال : ايه .. قال تعرف صدى الامس ؟؟ قال : لا !! قال : اجل ما تعرف شبكة الزعيم



بـــ...الــــمـــ...ـــقــــ...لـــــ...وب



قال ما شفت وش صار بشبكة الزعيم ؟؟ قال لا ؟؟ قال حطوا مشرفين جدد ؟؟ قال بالله عليك ؟؟ من اختاروا ؟؟ قال اختاروا فلان وفلان قال ما اختاروا واحد من ربعنا ؟؟ قال لا !! قال الحمد لله اصلاً انا داري انهم داجين وإلا من زين اللي اختاروهم !! لا وازيدك من الشعر بيت حطوا بالمجلس العام كايدهم وسهل 888 !! قال تقوله صادز قال ايه وش دعوه بكذب عليك !! قال الحمد لله اصلاً لو فيهم خير كان نفعوا من قبل !! هذا كايدهم لو فيه خير كان استمر بالجمهور الهلالي ونفع اكثر واكثر !! وهذا سهل لو فيه خير نفع تطوير المجلس العام اللي هو مدير هاللجنة !! بس يدريك ان السالفه كلها معرفه ومصالح !! عشان فلان يعرف فلان يحطونه مشرف والا هو ما يستاهل ولا شئ !! قال اي والله انك صادق بس تدري خلهم ينفعونهم !!



بـــ...الــــمـــ...ـــقــــ...لـــــ...وب



ما تلاحظون إن كل شئ هالحين صار على خط 700 !! كل ما بغيت شئ قالوا لك 700 !! صجونا بـ 700 !! والمشكلة أنها تلقى دعم من ناس اللهم لك الحمد والشكر !! يعني تتصل عشان تحمل أغنية أو ترسل رسالة الدقيقة بـ 7 ريال !! كانك ملزم وقروشك كثيرة عندك ياخي هالمحلات رح لمهم وقل دوكم جوالي واترسوه نغمات وما تكلفك إلا كم ريال !! هذا لحقين النغمات اللي ما ادري وش يبون بهن !! وإلا وش الفائدة من أنك تحط نغمة أغنية كاملة !! وأنت أول ما يدق الجوال تخترش وعلى طول ترد وما يمديك تسمع الأغنية !! عاد كله كوم وإذا دق في مسجد !! البعض الله يهديهم ينسى الجوال في الصلاة ولا وبعضهم اللهم يا كافي حتى في صلاة الجمعة (( صحيح أنها ما تختلف عن باقي الصلوات من حيث الأهمية )) لكن اللي يميزها انك تجي وتتجهز وانت داري ان ما عندك الا هي وتبي تروح للمسجد عشانها !! تجي وحاط الجوال معك الله وأكبر يالمهم !!
ولا والحين بعد طاحوا بالدعايات حقين 700 بالجرائد !! يحط لك صور حدى هالـ(( متفصخات )) وصاحبات الإستعراض كنوع من التحفيز !! قال تحفيز قال !!
الظاهر من كثر خطوط الـ 700 بنشوف بكرة خطوط بيوت على الـ 700 يعني تبي تدق على خويك تسود تكلمة بـ 700 !! عاد تصدقون يمكن هالشئ يفيدنا !! تبون تقولون وشلون ؟؟ انا اقولكم وشلون ؟؟ حنا ناس نحتسي واجد وعلى قل سنع يعني تبي شغل من واحد تسود تمسك خط معه عشان تقوله وش تبي !! وغير كذا تفتك من الناس اللي يغثونك ويقرقون واجد بالتلفون لين تنفقع اذنك من طول المكالمة !! وغير كذا تفتك من الناس اللي ما تبيهم يعني تبي تحصر مكالمات على ناس تتأكد انهم ما يبون يقرقون وما يبون يسولفون وما يبون الا شغل ومكالمات مهمه !! عندنا الحل !! ولدينا فقط !!
كل ما عليك هو الإتصال على الرقم التالي 70099999 !! يعني حط لك رقم 700 وترتاح صدقني غير كذا تبي تكسب ;) !!



بـــ...الــــمـــ...ـــقــــ...لـــــ...وب



ايه وما دمنا جبنا طاري هالمكاسب والـ 700 .. الحين طلعت هالرسائل على هالقنوات ياخي من جد تحس ناس مخفات وناس ما تدري وين الله حاطها !! اجل يرسل رسالة بهاك القيمة ويقعد شوي لين تطلع على هالتلفزيون عاد وش استفاد ؟؟ ولا فوق كذا يجيك بعضهم يبي يكون علاقة !! ويالله استلم انا فلان يرسل اشواقه وحبه للغالية فلانة !! وهالعالم مخفات يستلجون انواع الرسائل !! ولا وبعد يجيك بعض القنوات تخصص مساحات للرسائل الخاصة اما اعتذار او رسالة تمر على الشاشة وبمساحة خاصة وطبعاً كل شئ (( بحقه )) !! والعالم انواع الزحمة على هالرسائل !! ما اقول الا اللهم لك الحمد والشكر !!


بـــ...الــــمـــ...ـــقــــ...لـــــ...وب


ايه صح وما دامنا جبنا طاري هالرسائل والشاشة اللحين كلكم ملاحظين ان القنوات طاحت بشريط الأخبار وبعضها مثل القنوات اللي تحط خاصية الرسائل تلقى هالمساحة ماخذه حقها من الشاشة ولا يجيك بعضهم خاصية التحميل من بعض المقاطع .. ولا يهون مؤشر الأسهم !! وتلقى البرنامج المعروض يالله يالله تشوف رأس المقدم والضيف وشئ طارف بسيط من الديكور !! وش بقى من الشاشة كلها راحت بهالدعايات والأخبار ومؤشر الأسهم ولا بعض البرامج المقدم والضيف تسود تناظرهم بدربيل !!


بـــ...الــــمـــ...ـــقــــ...لـــــ...وب


وما دامنا جبنا طاري البرامج ياخي ما يقهرك الا اللي يتصلون على البرامج !! يا بعضهم يرفع الضغط !! اجل بالله احد يتصل على برنامج مسابقات ويقول ممكن أشارك !! اجل ليش متصل !! وليش معطينك وجه ومستقبلين مكالمتك !! مهوب كله عشان تشارك انت ووجهك <<< خشيت جو :p !! لا من جد يعني شئ يرفع الضغط وغير كذا اذا سمعت بعض المشاركات في بعض البرنامج تلقى المقدم من البداية يقول ياليت المشاركين يختصرون في المداخلات عشان الوقت وغير كذا عشان نعطي فرصة للجميع !! يجيك واحد نص ساعة كلها شكر للبرنامج والقائمين عليه ومدح بالمقدم والضيوف واخرتها يقول ما عندي سؤال بس حبيت أشكركم !! وتلقاه من الأساس أول مره يشوف البرنامج !! ياخي بعضهم ما ودك تعطيهم وجه !!
ومادامنا بطاري البرامج ياخي بعض المقدمين ودك انك تصفقهم !! تلقى البرنامج اللي يقدمه شرق وهو غرب !! بس شاطر في التمكيج والتكشخ والتميلح على هالشاشة !! وما راح فيها إلا حنا يالضعوف !! ولا وبعضهم يقعد يستعرض لك خاتمه ;) وإلا ساعته ;) (( تراني منب اقصد اللي يجي كل رمضان ;) )) !! يا بعض المقدمين ودك انه يدور له وظيفة ثانية ابرك له !! وغير كذا يرفع ضغطك المقدم اللي يجيك وهو اللي يحتسي والضيف يتفرج عليه !! يعني من يبدأ البرنامج وانت ما تسمع الا حس المقدم !! يعني البرنامج مثلاً مدته ساعة تسمع المقدم وهو يحتسي 45 دقيقة والضيف 15 دقيقة بس !! عسى ما تكلفتوا بس !! وليه جايبينه من الأساس !!



بـــ...الــــمـــ...ـــقــــ...لـــــ...وب




مــــــــــــــــــــدخـــــــــــــــل

ما تلاحظون اني ما أدري وش أبي وغير تسذا أغلب كلامي عن القروش مهوب تسني شايب
اضافة رد مع اقتباس
  #2  
قديم 13/12/2004, 06:38 AM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
@ بـــ...الــــمـــ...ـــقــــ...لـــــ...وب

@ عافية الف يعطيك الله الحبوب الأمس صدى ياشيابنا رائع وبالمقلوب ..
اضافة رد مع اقتباس
  #3  
قديم 13/12/2004, 09:34 AM
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 14/05/2002
المكان: في صومعة الحياة ..!!
مشاركات: 9,999
بـــ...الــــمـــ...ـــقــــ...لـــــ...وب

الامس صدى ..

كلام ازين كلامك
<---------------
شكراً والعافية يعطيك

^^^^^^^^^
واحد من جد دخل جو المقلوب حتى بالكلام
اضافة رد مع اقتباس
  #4  
قديم 13/12/2004, 09:40 AM
مشرف سابق بمنتدى المجلس العام
تاريخ التسجيل: 02/12/2001
المكان: حيث الأمل
مشاركات: 5,600
حتى و لو كتبتَ لنا بالمقلوبِ إلا أنك أرويتَ غليلي من برامجِ التلفزيون التي تساعدُ على انتشارِ حبوبِ الضغطِ و السكر. خاصةً أولئك المتصلين الذي ينقضي نصف اتصالهم في "نحنحة" و "ممكن أكلم ... " و "عندي .... "

==================

لكنني أعلن أنني براء مما كتبت في المقدمة فالسلامة لا يعدلها شيء .. و نشكر مشرفينا على تجاوبهم معنا و على محبتهم لنا كأبنائهم .. و على الرحمة التي في قلوبهم ....

يعني بالعربي أنا ضد صدى الأمس
اضافة رد مع اقتباس
  #5  
قديم 13/12/2004, 01:15 PM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
يـقـول :


مــر مـــن هـــنــــا ..


الـحـاتـمــي ... ( بـالـشـئــلــوب )


لا صار ما عندك حتّى الجوال يا صدى البارح !! ;) وشوله تحارش حقّين السبعميّة ?!!
اضافة رد مع اقتباس
  #6  
قديم 13/12/2004, 01:15 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
ما من شاف الموضوع الساعه اربع الفجر وتبيه يرجي خير لابارك الله في عدوينك
الا انت كنت جالس مع قال وقال لا << يحسبها اسماء
المهم الحق باقي عمرك وخل نفتح لنا قناة ونمعطها اشرطه رسايل ......!!
وان شفت وجه المذيع هذا وجهي
عموماً الموضوع كان بيحذف بس بالمقلوب تثبت
اضافة رد مع اقتباس
  #7  
قديم 13/12/2004, 02:10 PM
مشرف سابق في منتدى السيارات
وعضو سابق في اللجنة الإعلامية
تاريخ التسجيل: 23/12/2001
المكان: معـ سـامي ! ..
مشاركات: 6,077
هــلا بــالشــايــب .. اقول : الله يحسن الخاتمه بس >>> جــاك الشـايـب الثـاني

بصراحة المقلوبات اللي صارت خووووش روعة ..

مــع وجــود بــعــض الخـشــات على شـخـصـيـات VIP>>>> ابداً مايقصد كايدهم والا سهل 888

مشكور يالغالي ..
اضافة رد مع اقتباس
  #8  
قديم 13/12/2004, 02:36 PM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
مو بالمقلوب ,, إلا صدق الموضوع بروعة مكتوب ,, وأسلوبك أسلوب ,,

تسلم ياصدى ,, على طول المدى ( أقلد بطل الفيلم !! ) ,,

على العموم الدنيا كلها مقلوبه والحقوق مسلوبه ,,

تقبل تحياتي ياصدى الأمس ,, ياللي لامست الجروح لمس ( علق معي السجع !! ) ,,
اضافة رد مع اقتباس
  #9  
قديم 13/12/2004, 02:45 PM
الصورة الرمزية الخاصة بـ ريفيلينو
زعيــم متألــق
تاريخ التسجيل: 17/12/2000
المكان: http://ez.site90.com/
مشاركات: 1,315
سلااااااااااااااااااااااااااام

صدى الدجه ...................

ما بزيناك صااااااااااااااااااحي تقوم وتنهبل

اقوووووووووووووول يا جماعه

ماتخبرون واااحد مثل الصمعاني يتسوي ذا الدااااااااااااج يمكن يطيب

اصلاااااااااا شي ....... الشرهه على اللي يثبت موضوعك

انت حدك من يثبتك في عااااااااااااير ثم يجيبني اشوووووووووووتك

ياماااااااااااال الرجه يا صدى الاحد <=== امس

وسلاااااااااااااااااااااااااااااااااام
اضافة رد مع اقتباس
  #10  
قديم 13/12/2004, 11:12 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
يا ريفيلينو ,, ياللي لامست الجروح لمس

بردت تسبدي من ابو طول المدى هذا ولا ينقطع الاتصال

... الله يخلي لك شواربك
اضافة رد مع اقتباس
  #11  
قديم 14/12/2004, 12:29 AM
مشرف سابق في منتدى المجلس العام
تاريخ التسجيل: 14/08/2000
المكان: london
مشاركات: 5,679

ايه اشوء احسبك ناوي حارش مارش


بس تصدق رسائل Sms اذا انت فاضي ركز فيها ، انواع الاستهبال ناس فاضيه وعاطله


وزي مايقولون .. رزق الهبل على المجانين ..


تحياتي
اضافة رد مع اقتباس
  #12  
قديم 14/12/2004, 04:33 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
يا هلا والله بالجميع ..

هلا والله @ معليش قصدي حبي تيماوي ..

ويعافيك يارب ياكريم ..

هلا والله هلالي غصب ..

إقتباس
الامس صدى ..

كلام ازين كلامك
<---------------
شكراً والعافية يعطيك

^^^^^^^^^
واحد من جد دخل جو المقلوب حتى بالكلام

هلا براعي القلبات كلها .. ياشيخ ولا أطلق حمام قلابي يسوي هالقلبات اللي أنت سويتها

<< والله من زين ضرب الأمثال ياشيخ تكفى اسكت

تحياتي لك ..


هلا القاضي ..

إقتباس
حتى و لو كتبتَ لنا بالمقلوبِ إلا أنك أرويتَ غليلي من برامجِ التلفزيون التي تساعدُ على انتشارِ حبوبِ الضغطِ و السكر. خاصةً أولئك المتصلين الذي ينقضي نصف اتصالهم في "نحنحة" و "ممكن أكلم ... " و "عندي .... "

يووووه عاد ذولا من جد يرفعون الضغط !! ويكرهونك بالبرنامج !! اجل واحد يتصل ويقعد ثلاث دقايق وهو ما بعد طرح وش يبي يقول ولا بدأ فيه !! ايه ما نقول مالنا الا الصبر !! والا انك تبطل تتابع برامج << وهذي أريح ;)


إقتباس
لكنني أعلن أنني براء مما كتبت في المقدمة فالسلامة لا يعدلها شيء .. و نشكر مشرفينا على تجاوبهم معنا و على محبتهم لنا كأبنائهم .. و على الرحمة التي في قلوبهم ....

يعني بالعربي أنا ضد صدى الأمس

يابن الحلال اي شكر واي خرابيط !! الى متى وحنا نبي نسكت عن قول الحق << هذا صدق اللي قالوا كذب الكذبة وصدقها !! ..
شف مسألة تعلن برائتك فهذا شئ راجع لك .. اما هالوجيه اللي مصفطها في هالرد !! ما راح تغير من قناعتي شئ !!
<<< لا والله اللي راح صدز

تحياتي لك يا القاضي << إلا انت الحين مسمي نفسك القاضي يعني الرجل اللي يقضي في المحاكم ومن هالأمور وإلا القاضي يعني انك منتهي


هلا الحاتمي .. هلا باللي يمرمر من هنا وهناك ,,

إقتباس
الـحـاتـمــي ... ( بـالـشـئــلــوب )

منتب عاقل يالشامي اقول خل عنك بتبتل سعودي وانواع الشطوب برجلينك خل عنا بس

إقتباس
لا صار ما عندك حتّى الجوال يا صدى البارح !! وشوله تحارش حقّين السبعميّة ?!!

نحارش ما دامنا فاضين وما عندنا شغل !! وبعدين وراك تدافع عنهم قطك من اللي فاتح له خط 700 !!

تحياتي لك ..


لي عودة يالربع ..
اضافة رد مع اقتباس
  #13  
قديم 14/12/2004, 11:51 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
باااااااااااااااااااااااااااك

هلا سهل 888 ..

منب قايل وش أخبار البرفسور أخاف أتوقف ..

إقتباس
ما من شاف الموضوع الساعه اربع الفجر وتبيه يرجي خير لابارك الله في عدوينك

والله انك صادق .. ما خبرت احد ينزل موضوع الساعة 4 الفجر ولا من زود الطبايع (( جماله بدايع << مهيب اللي تبع البارق )) مسوي يحش بالمشرفين


إقتباس
المهم الحق باقي عمرك وخل نفتح لنا قناة ونمعطها اشرطه رسايل ......!!
وان شفت وجه المذيع هذا وجهي

قدااااااااااااااااااااااااااااام وإلا وش حيث ربعنا !!
لأن من تالي القنوات على قفى من يشيل !!
عاد ما أحلى الرسائل تبي تكون قيمتها بـ 8 ريال تيمناً بالرقم اللي انت ووجهك حاطه يالشين << ما تسنه قلب عليك !! اللي هذا أوله ينعاف تاليه !!
إقتباس
عموماً الموضوع كان بيحذف بس بالمقلوب تثبت

ليته على الأول قبل لا ينقلب << يازين اللي عارف (( بورشيد مهوب الهلالي )) إمكانياته

تحياتي لك ,.,

<<< باللون الأخضر عشانك ;)


هلا معذبهم ..

إقتباس
بصراحة المقلوبات اللي صارت خووووش روعة ..
مــع وجــود بــعــض الخـشــات على شـخـصـيـات VIP>>>> ابداً مايقصد كايدهم والا سهل 888

اي VIP واي خرابيط !! ياخي كلنا عيال 9 شهور ولا بيننا فرق !!
بعدين ياخي ما قلنا شئ !! ما قلت إلا الحق !! وإلا الحق ينزعل منه << صدز يبي يتوقف هالمره

تحياتي لك يالغالي ,.,

هلا راشد ..

إقتباس
بالمقلوب ,, إلا صدق الموضوع بروعة مكتوب ,, وأسلوبك أسلوب ,,

تسلم ياصدى ,, على طول المدى ( أقلد بطل الفيلم !! ) ,,

وانت الصادق انك اللي دخلت القلوب .. وصار المنتدى من دونك مقلوب
وصرت انت اللي تحمس القلوب .. وكنا ولا زلنا معاك احلى قروب
<<< يقول منتب اطيب مني انت وبطل الفيلم


إقتباس
على العموم الدنيا كلها مقلوبه والحقوق مسلوبه ,,

تقبل تحياتي ياصدى الأمس ,, ياللي لامست الجروح لمس ( علق معي السجع !! )

دنيانا صارت كلها حوسه .. تزرع باميا تطلع كوسه ..
وعقولنا كلها محيوسه .. من اللي نشوفه بهالحوسه ..
<<< اقول ما ودك تأكل *** بس

تحياتي لك يالغالي ,.,

هلا ريفيلينو هلا ابو شوشه يالله انك تحييه

إقتباس
صدى الدجه ...................

لا صدى التحلية

إقتباس
ما بزيناك صااااااااااااااااااحي تقوم وتنهبل

اقوووووووووووووول يا جماعه

ماتخبرون واااحد مثل الصمعاني يتسوي ذا الدااااااااااااج يمكن يطيب

تكفى وإذا قلت تكفى قوم الدنيا ولا تقعدها ..
كل شئ إلا التسوي !! ما بقى فيني مكان ما انتسويت بوه !! غديت تسني طفاية من كثر ما انتسوي

إقتباس
انت حدك من يثبتك في عااااااااااااير ثم يجيبني اشوووووووووووتك

تهقى بك حيل تشوت بعد هالعمر

تحياتي لك يا خلفهم ..


هلا سهل 888 ..
(( مهوب معناها انك مشرف تقط معي في الموضوع تبي تقط قط زي الناس وأستلم عني بعض الردود غير تسذا لا عاد اشوف وجهك ))

إقتباس
يا ريفيلينو ,, ياللي لامست الجروح لمس

مشرف ويسرق !! مفروض ردك هذا ينقل لـ منتدى صيد الإنترنت ;) لأنه منقول وفوق كذا ما أشرت لـهذا الشئ

إقتباس
... الله يخلي لك شواربك

يابن الحلال الرجال ما عاد هوب على خبرك كل شئ حت المسيكين عقب دعوة لاعب الرائد عليه

منيب قايل تحياتي لك ,.,

هلا كايدهم ..

إقتباس
ايه اشوء احسبك ناوي حارش مارش

امحق مشرف ويقول اشوء !! تراهي اشوى مهوب اشوء الله يفشل كل مخططات عدوينك !!

اقول حسوفه عليك الإشراف بس انت وسهل

<<< شافهم ساكتين قال خل نزيد العيار شوي يمكن يصير شئ


إقتباس
بس تصدق رسائل Sms اذا انت فاضي ركز فيها ، انواع الاستهبال ناس فاضيه وعاطله

زينك انك جبتها رسائل الـ Sms تراني ما اعرف اسمها وما بغيت ابين هالشئ اخاف يقولون قروي
<<< مهوب عاقل اللي يسمعك الحين يقول انك مقطع الـ تحضر


إقتباس
وزي مايقولون .. رزق الهبل على المجانين ..

اي والله انك صادق .. بس وش نقول مهبل


تحياتي لك ,.,


هلا صدى الامس ..

إقتباس
يا هلا والله بالجميع ..

يا هلا بك اكثر

<<< خش جو وتحمس مع الردود ويبي يرد على نفسه



الرجاء الإلتزام بالأخلاق وإلا ترانا نبي نوقفك انت وخشتك
المشرف





آخر تعديل من قبل المشرف بتاريخ 14/12/2004 الساعة 11:47
اضافة رد مع اقتباس
  #14  
قديم 15/12/2004, 12:42 AM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
[ALIGN=CENTER]

هلا والله صدى الأمس ..

اللي هو الثلاثاء

ما أدري خلصت المباراة وإلا لا ..

<---- أطول من العشاء

المهم .. تصدق عاد إننا شعب ماعندك أحد .. والدليل كثرة أرقام 700 ..

وإلا لولا إنهم كسبانين وإلا كان ما شفتهم أبد ..

نجي عاد للقنوات اللي كلها شرطان <--- الله من زين التعبير

عاد تصدق قلت لواحد من الشباب في أحد الأيام .. وش هالقناة اللي كنها الدوري الفرنسي .. أقصد من كثر الإعلانات بفنايلهم .. بس خوينا ما يدري وش الدوري السعودي ماهوب عاد الفرنسي ..

ويا شينها إن قعدت تنكت عند واحد ما يفهمها على طول ولازم تشرح له ..

إلا صدق عاد سهل وكايدهم صاروا مشرفين ..؟!!! قل غيرها ..



تحياتي لك ،،،
[/ALIGN]
اضافة رد مع اقتباس
  #15  
قديم 16/12/2004, 02:03 PM
زعيــم مميــز
تاريخ التسجيل: 14/05/2004
المكان: ..!
مشاركات: 1,718
يعطيك العافيه ....
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:09 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube