السلام عليكم:

تابعنا جميعا لقاء المنتخب في دوره الخليج امام الكويت ؟
وماحصل من ظروف واحداث ماراح اتكلم عنها ,ولكن مالفت انتباهي
هو ماحصل في الاستوديو التحليلي ؟؟
اقصد مداخله ال(هريفي) وهجومه على المصيبيح والدعيع والشلهوب؟
فسؤالي وش يبغى بالكلام اللي قاله يعني كل هذا وطنيه اواني متحمس او تراني افهم كوره ووينكم يالاستوديوات الرياضيه ماتستضيفوني ,وبعدين كل هذا الهجوم على ايه بالضبط ترانا يابو الشباب في اول مباراه او بس عشان المصيبيح والجربوع و الدعيع والشلهوب من نادي (هجر) .
يعني غلطه الدعيع مره زعلتك او بلنتي الشلهوب ضيق صدرك لانك من الناس اللي تعبوا عشان سمعه الكره السعوديه,للمعلوميه انت يالهريفي بديت وانتهيت في الملاعب والدعيع حارس للمنتخب بكل درجاته.
ولكن اللي يبرد القلب مداخله الكاتب الرائع محمد العبدي (ابو مشعل) اللي تكلم من حس وطني من جد كاتب تحدث ونقد للمنتخب من باب حب وليس من باب حقد واعجبني ابو مشعل عندما عرا ال(هريفي) قدام الجمهور يوم قال له :نسينا حركه البلنتي مع سامي في كاس العالم 94 .
والثانيه يوم قال له عمري ماشفت الهريفي يسوي مداخلات الا مرتين: هزيمه المانيا في كاس العالم والمباراه هذي.
====== الاتصال كان حوالي الساعه (1:30)صباحا(شكل ابو مشعل ماجاه نوم ممرووور)
======والله انابصراحه مارتحت لمكالمه ابو الشباب, بس قلت في نفسي يمكن عشاني احب ال(هريفي) مرره فاكيد فاهم غلط بس يوم رد عليه العبدي وبرد قلبي ارتحت !!
بالتوفيق للمنتخب ان شاء الله عشان نشوف ابودعيع شايل الكاس ان شاء الله

الهريفي شكله مكثر من ارانب الوطنية مدري دجاجها

و العبدي علطوووول ردها ما تحمل ...

عموما هالتنكيت اتمنى ما يتكرر ... واللي بيته من زجاج لا يرمي الناس بحجر

عيب عليكم استحو على وجيهكم وبلا سب فالعالم

خلاص انهزمو وش صار يعني

الله يوفقهم المباراة الجايه

الهريفي مثله مثل أي شخص كان زعلان لخسارة المنتخب وكان اتصاله وقت الخسارة مباشرة ،، لذلك لاغرابه ان يطغى الحماس نوعاً ما على اتصاله ولكن الهدف في النهاية هو مصلحة المنتخب بغض النظر عن الأسماء 0

ياشباب الهريفي كان صادق في بعض ماقاله

هو قال ان الدعيع غايب عن الملاعب مده طويله وفي غيره جاهز وانا اشهد انه صادق به الشيء

قال ضحكة المصيبيح والجربوع وكأنهم قاعدين في مقهى ويشوفون مسرحية عادل امام والمشكله كان وقتها المنتخب الكويتي مسجل هدفين علينا بالله هذا وقته

اما انه توجه بالخصوص لافراد نادي الهلال من الدعيع والشلهوب والجربوع والمصيبيح فهذا صحيح
ياهريفي ارجع للمباراة زين وشوف لعيبة الاتهاد وش سوو والا ماتقدر تقول شيء

ياهريفي الي قلته صحيح بس ليش اختصيت بالذكر لاعبين الهلال ليش ماذكرت ابو سويد والا هوساوي والا تكرنبا

ممكن تقولي ليه؟؟؟؟؟؟

لانهم مو هلاليين!!!!!!