12/12/2004, 02:23 PM
|
| زعيــم جديــد | | تاريخ التسجيل: 30/03/2004
مشاركات: 14
| |
تحليل عامي ومريح للأعصاب عن منتخبنا
بسم الله الرحمن الرحيم مساكم الله بالخير
قبل لا اقول شي ابيكم تعتبروني جالس معكم بمجلس بالبيت
وقدامنا التلفزيون وزمزمية شاهي ونتابع مبارة منتخبنا مع منتخب الكويت
تقريبا الجميع كان متفائل ولا كان فيه شد اعصاب ولا خوف من المباراة وش اللي صار ؟؟؟ بصراحه انا ما توقعت هالتشكيله ولا قليل
بحكم ان الجميع عارف قدرات منتخبنا بما فيهم منتخب الكويت
والدليل الخطه اللي لعب فيها مدرب منتخب الكويت بمهاجم واحد بشار عبدالله
ويسانده من الخلف نواف المطيري وهم ذولي اللي مطلوب منهم يكونون فملعب منتخبنا بإستمرار
مع انه عنده فرج لهيب ووبدر المطوع بس ما تغير شي هذا هو نزلهم وكسب المباراة 0
بس وش سويت يا (كالديرون) ( معذور يقول ما بعد كون فكره كامله اسبوعين ما تكفي)
طيب وينك يا أستاذ ناصر الجوهر يعني لازم نعيد وعكة خليجي ست تعش (16)
ونطلع كل واحد حاط يده على خده وهذا اللي حصل معنا امس والنتيجة غرغرت عيونا بهالمستوى
ياخي بهدوؤ وعقلانية على قول الاستاذ صالح الحمادي المباراة كانت مقروؤه عندنا كلنا ولو كنت مدرب
ما لعبت بهالخطه ولا هالتشكيله لأني اعرف اللاعبين اللي عندي وش يقدرون يسوون فالملعب وقت الجد
صح ان الجميع رشح منتخب البحرين وعمان للقب بس موب معنا هذا ان مستوى منتخبنا ضعيف بالعكس
هذا لأنهم عارفين المنتخب السعودي وهذا اللي خلاهم ما يكرونه ضمن المرشحين ,,,
وبين وبينكم اتوقع إن المنتخبات الشقيقه حافظه اسامي لاعبين منتخبنا زينن ما زين هذا في تصوري !!!
وش كنت اتوقع ؟؟؟
التشكيله:
بالنسبه للحراسه اشوف كل حراس منتخبنا جيدين
و أشوف الدعيع أسد وما قصر
(بس لو أستخدم يده امس بدل رجله كان ما صار اللي صار)
توقعت يلعب احمد الدوخي وزيد المولد بالاظهره
(وشهادة شكر لزيد مع اول مشاركه فكأس الخليج في تاريخه)
ومثل محنا عارفين الدوخي والمولد دايم نشوفهم اجنحه فالدوري السعودي وامس ما قصروا
وقلب الدفاع حمد المنتشري و رضا تكر
(لا يضيق صدرك يا تكر ترى غلطه وحده ما تخلينا نحرمك جائزة احسن لاعب)
وتوقعت يلعب محور خميس العويران (وإذا تعب مثل امس)
ينزل عبداللطيف الغنام لتنشيط المنطقه
ويلعب سعود كريري فاليمين( مع تعظيم سلام لهذا الشخص فمجهود امس)
و محمد الشلهوب فاليسار ويكون ميولهم الى الدائره اكثر من الخطوط الجانبيه
علشان يكون فيه فرصه للأظهره انهم يتحررون ويساندون الهجمه
ويلعب خلف المهاجمين كالعاده محمد النور اللي ما يحتاج نتكلم عنه كلنا عارفينه وعارفين امكانياته
(وترى مالك ذنب فالكرت الاحمر امس بس اتوقع النرويجي مافهم عليك وهذا السبب فنظري)
ويلعب في خط الهجوم ياسر القحطاني بلا منازع الله يعطيه العافيه
وتمنيت من كل قلبي اشوف( سعد الحارثي) او مرزوق العتيبي او احمد الصويلح
نقطه ::: ابراهيم السويد ( لا مكان له من الاعراب)
الخطه:كنت اتوقع الخطه تكون 442 وتصير 433 وقت الهجمه بمساندة محمد نور
والحمد لله على كل حال
واعتذر عن الإطاله
لا تلوموني بعد اللي شفته امس ما قدرت اصبر
تقبلوا تحياتي000
اخوكم سمارت مان
|
الوضع العادي
