09/12/2004, 12:06 AM
|
| موقوف | | تاريخ التسجيل: 19/06/2004 المكان: مونتريال
مشاركات: 361
| |
السلام عليكم
أول شيء مبروك الطلوع من هالبطولة
لأنه بداية الفرج
وقلة اللي يبي يفهمون هالعبارة
بغض النظر عن اللي حصل بهالمباراة
لأن العمدة رانييري ريحنا من كلمات كثيرة لما قال وبالفم المليان :
جماهير روما معذورة باللي سوته بالحكم
فهذي خفيفة ولطيفة ومعبرة
بس بصراحة اللي مو داخل رأسي وش بين هالحكم وبين آيمار
على فكرة اللي يسأل ليه طلع رانييري آيمار مع كل الابداع اللي سواه
أقووله شف هالصورة
آيمار يطلع ويد رانييري عليه
وهذاا اللي قاله آيمار بعد المباراة :
now I understand what passage in blunt when they left the head to
him to I arbitrate since we have changed
الآن عرفت سبب إخراجي وملامسة راحة رانييري لرأسي إنه بسبب التحكيم
يعني ببساطة مهما سويت يا آيمار ما منك فايدة بضل وجود هذا الحكم
اذا لمسها آيمار دور له أي شيء يصفر علشانه
فكان الحل الوحيد اخراجك يا آيمار
ماركو دي فايو انفرادات ولا أروع كلها كفيلة بانها تجيب الهدف الأول والثاني والثالث لفالنسيا
ولكن ما أدري ليه كل ما لمسها دي فايو خرجت الصافرة للدلالة على تسلل مع انه لا يوجد
( حتى بدون شك يعني مجرد التباس بالموضوع ما فيه )
لا يوجد أي تسلل
أنا ما أدري اذا كانت هالفترة اللي غبت فيها طلعت قوانين جديدة عتسلل وأنا ما أدري
حتى العالم كله من الواضح انه ما يدري عن هذي القوانين
فقط من يعلمها هو هذا الحكم اللطيف ( ****** <<< توفير للمشرفين )
وأما بالنسبة لكلمة أخلاق
فأقول قبل لا تحسب هذي الكلمة على لاعبين فالنسيا
لازم تحسب قبلها على اللي سواه لاعبين بريمين
الكل شاف الحركة اللي طلعت منهم لجماهير فالنسيا
فكان رد بسيط من أنجولو شوية موية على وجيههم تطهرهم وتأدبهم
وهذا والله اللي ما أعجبني
كان ودي جماهير فالنسيا كلها وقتها تكون بالملعب وتمسك هالألمان واحد واحد توريهم كيف
يحركون اصابعهم زين بعد أي هدف
صراحة ما كانت مباراة أمس
كانت مجرد مسرحية لفنون الباتس وغباوة الحكم وقذارة الألمان
فهم أنفسهم يعترفون ان تأهلهم وبقاء فالنسيا كان معجزة
ولو أن المباراة استمرت نظامية كان شفنا هاتريك لدي فايو بغض النظر عن هواترك آيمار
رانييري
يوم بعد يوم يزيد اعجابي بهذا المدرب
مهما كانت النتائج
فالنتائج في تطور
والهزيمة الوحيدة كانت هدية من أحد القرود السويدية
والخروج من هذه البطولة وفي هذا الوقت بالذات والله لمصلحة فالنسيا
فالكل يدري كيف كانت بداية فالنسيا أول الموسم
والمشاكل بدأت مع بداية هذي البطولة
اصابة كل لاعبين فالنسيا مع عدم وجود أي مبالغة بكلمة ( كل ) هذي
خسرنا فيسنتي خسرنا أنجولو خسرنا روفيتي لفترة خسرنا فيوري لفترة خسرنا مارتشينا لفترة
خسرنا القائد المخضرم ألبيلدا حتى باراخا ما سلم
الخروج من هالبطولة والله انه أحلى خبر سمعته هالموسم
الحمد لله والشكر رجع مسوى فالنسيا الآن بشكل تدريجي
رجعوا اللاعبين ولم يتبقى سوى أيالا وجاهزية بسيطة للكباتن اللي رجعوا من قريب
راح تكون هناك مباراة ( واحدة ) فقط كل اسبوع بدل ما كانت ثلاث مبارايات في الاسبوع
الفارق بين فالنسيا وبين صاحب المركز الثاني نقطة واحدة فقط
يعني أي تعثر فالنسيا يخطف المركز الثاني
وحنا وياك يالبارسا والزمن طويل
وكأس الاتحاد الأوربي سيضل بين أحضان الخفافيش بحول الله وقوته
والشامبونز ليق جايين لها ولكن بأوقات أحلى وأنصف
تحياتي |
:sad: فعلا فالنسيا لايمكن تقدم الصوره الجميله اللتي كانوا عليها الموسم الماضي لان راننيري وشلته الايطاليين موجودين وفعلا لازم الاداره تتخذ قرار اقاله **** ذا رنييري وتودع الايطالين معه قبل فوات الاوان 
الوضع العادي
