بسم الله الرحمن الرحيم هذه احد روائع الشاعر المبدع و الكبير صاحب الاحساس الجميل عبد الرحمن بن مساعد....


اســــــــــتـــــــاهـــــــلـك؟؟!!



أبسألك

هو انا استاهلك؟؟

استاهل الدمع .. اللي جرح وجنتك؟

استاهلك؟

استاهل اني اعشقك ؟؟

ابسألك .. عن حالنا .. انتي وانا

ياللي احس انك انا؟؟

حالنا ماهو غريب

انا نكون متأكدين

ان الفراق ماهو بعيد

وبالرغم من جرح السنين

عشقنا دايم يزيد

ماهو غريب؟؟

اني لو مره في همي قسيت

وبكلمه جرحتك

قبل ماتتألمي .. اللي ينزف هو دمي .!

ابسألك .. ماهو غريب؟؟

ماهو غريب؟؟

استاهلك؟

ابسألك .. لو قلت لك

ان الحنان اللي في قلبك

ينبت من الصخر الزهر .. بستاهلك؟

وان النهار الي فـ خدودك

يخلي النسمه عطر .. بستاهلك؟

وان العتاب اللي فـ عيونك

يعلم الناس الشعر.. بستاهلك؟

ابسألك .. ماهو غريب؟

استاهلك؟

ولو قلت لك

اني احبك

اكثر من هموم البشر ..

وكثر الجفا .. وكثر السهر

وانك اقرب من عيوني لنظر .. بستاهلك؟

لو قلت لك..

كل الذي اقدر اقوله

واللي مااقدر اقوله

بستاهلك ..!!

حبيبتي .. بجاوبك

للأسف .. للأسف .. للأسف

مابه احد يستاهلك





عبد الرحمن بن مساعد