قالوا لي أهلي تزوج .. بالفقرلالا تحجج .. ماضاقت إلاوتفرج .. شيبت مانت بصغير ؟
قلت أبحثوا لي عن بنيه .. زينه لطيفه ذكيه .. قالوا لقينا رقيه ..زينه وابوها فقيــــر !
جيت الأبوقلت خطيب .. يوم دري زاد ترحيب .. وقدم الشاي والطيب .. من عقب كاس العصير
قال أي البنات .. ثيب تبي اوفتاة .. يتيمة ولا بحماة .. كلٍ لها مهــر غيـــــــــــــــــر
قلت أبي رقيه .. قال المهر ألف ميه .. وهذي تراه شويه .. مع الذهب والسرير
قلت ياعم غالي .. ياعم انا شوي مالي .. ودي ببنت الحلالي .. وانت بحالي خبير
قال أنقلع لاأشوفك ..ويلك تشرح ظروفك .. إذلف وجمع ألوفك .. عساك سد المصير
رجعت لأمي حزيني .. يوم درت وش فيني .. قلت الأبو ما يبيني .. يبي فلوس كثير
قالت خبل لا يهمك .. حرمتك عندي وأنا أمك.. بنت جميلة تملك.. وأبوها تاجر كبير
رحت أنا وأمي لابوها.. نادى أمها وأخوها.. قال روحوا إسألوها.. هي ودها بالخشير
رجعوا قالوا إيه.. ترى البنيه تبيه.. ولها شروط عليه.. وان طاع كلً يصير
مها تبي كل صيف.. سفرة لديرة جنيف.. وقصركبير منيف.. مفروش زل وحرير
وأيضاً تبي خادمة.. حيث إنها ناعمة.. صرخت ياظالمة.. هي تحسب إني وزير
يمه إنسدت دروبي.. يمه أببقى عزوبي.. أكوي شماغي وثوبي.. ما عاد أبي لي خشير ،،،،،
هذي القصيدة ماهي لي بس معجبتني وحبيت اعرضها عليكم
وترى لها تكملة نسيتها
اتمنى اللي عنده التكملة يرسلها لي مشكوراً
لان الشاعر في نهاية القصيدة يقول :-
الحمد لله خلاص .. ؟؟؟؟؟؟؟؟؟؟؟؟؟؟؟؟ وعيالي يملون باص .. وعايش معها امير
واعتقد اذا لقيت التكملة بقول مثله انشاء الله
&& قــــــــــــالو لــي اهلي تــــــــــزوج ،،، ؟؟ && ( قصيدة ) 
الوضع الشجري
