#1  
قديم 30/04/2001, 08:02 PM
زعيــم متواصــل
تاريخ التسجيل: 13/02/2001
مشاركات: 64
Thumbs up اقتراح موجه للأمير سعود بن تركي والى كل هلالي غيور ....لابد من المشاركه ..

اخواني الأعزاء .....

اللي صار هذا ماينسكت عنه ........ابدا ماينسكت عنه ؟؟؟؟؟

البطولات اللي تغتصب منا قدام عيونا بكل بجاحه عيني عينك.......

هذي المفروض مانسكت عليها ......

ولابد الا ننسى انه في حين رفع الشكوى للأتحاد السعودي اننا لن نستفيد شيء.....

للأنه كما قال المثل حاميها حراميها ..........

ويازين خششنا وحنا رافعين الشكوى ومتكلفين وكاشخين فيها وملف علاقي وزحمه .....

واخرها تنرمي في سلة المهملات اللي الظاهر مافيه احد ينكرف مسيكينه زيها في الأتحاد السعودي ؟؟؟؟؟.....

لهذا انا اناشد الأداره المحترمه برفع خطاب رسمي باسم نادي الهلال وجماهيره ....

للأتحاد الدولي لكرة القدم ....اللي ماعندهم نصب وخوف ومجامله .........

موضحين فيه ماتعرضنا له من ظلم ....وارفاق كل الأدله والبراهين ...........

انا ترا اعرف انها صعبه .....واننا مانقدر نزعل الأمير سلطان .......

بس هذا اذا كانت مرفوعه رسميا من الأداره ......

نقطة التحول في الموضوع الحين ......

ليه ما احنا ياجماهير النادي نرفعها ........

انا يا اعضاء المنتدى نسويها .........

ماهو ناقصنا شي ابد ...........

واحد يستفسر عن شروطها ....والثاني يطمر يكتبها والثالث ينقز ينشرها والرابع يترجمها ....

ويالله ربع تعاونوا ماذلوا ............

ولما تخلص ياخذها اخونا اسير لطيفه والا احد الشباب القريبين من النادي وتعرض على الأمير سعود بن تركي وتعطينا الأداره رد عليها وملاحظاتها ......

وبعدين نرفعها ..............

يااخوان والله هالموضوع مشغلني له اكثر من اسبوع وطرحته مره ومالقيت ذاك التجاوب ......

تكفون ياجماعه لازم كلنا نشارك ......

يمكن الله يطرح فيها البركه ويصير شي ...... من يدري ّّّ!!!!! ..

وان ما صار شي ؟.؟؟

يكفي انها بتكون ضربه للأتحاد اللي عندنا .....

والعيار اللي ما يصيب يدوش :] .........

ارجوا من الجميع ابداء رايه ..........

وترا منتم متمصعين ولاجايكم شي لو تردون وتعلمونا وش في بالكم ...........



  #2  
قديم 01/05/2001, 12:01 AM
زعيــم نشيــط
تاريخ التسجيل: 19/04/2001
المكان: الرياض
مشاركات: 946
ياحبيلك............
يابن الحلال هذولا وقفوا مع الفرق اليابانيه........والكوريه ضد الهلال تبيهم الحين يوقفون معنا............انت تحلم ..........
وبعدين القرار اللي راح يصدر بعد كم يوم عشان المشاركات الخارجيه اكبر دليل ..........على ان الهدف واحد............
تدمير الازرق
انا من رأيي اقترح ان الامير سعود بن تركي يقفل النادي ونهاجر لاي دوله.........الشكوى لله مالنا الاكذا
  #3  
قديم 01/05/2001, 01:32 AM
زعيــم متواصــل
تاريخ التسجيل: 13/02/2001
مشاركات: 64
Angry

يا ناس ياجماعه ياحبايبي .........

ليه انتم كذا ما تبردون الكبد ...........

انتم ترا اوادم ولكم كلمه وصدقوني لما الفيفا يجيهم هالخطاب ززعلى الأقل اقلها بنكسب صخب اعلامي ...........هذا في اسوأ الظروف ........

والله انا قلبي حاس انه بيصير شي .........

وتراكم من جد ضيقتوا صدري كنت اتمنى منكم المشاركه وشد الأزر والوقوف مع بعض يد وحده .................ولكن للأسف انا الظاهر كنت غلطان ........

يااخوان كفون سهله والله نقدر نسويها انا لي 5 ايام وانا الحسره ماكلتني تكفون تكفون ...........الفزعه ........لازم نسويها باللي هي به ................

تكفون محد ياكل حقنا واحنا نقعد نتفرج ذليلين ؟؟؟

ترضونها على الهلال ّّّّّ!!!!!!!

كانكم ترضونها خلكم كذا ......................

آه ياقلبي عليك يلأزرق راحوا اللي يدافعون عنك :|.......

ارجوا من الجميع الوقفه والمشاركه الصادقه ......
  #4  
قديم 01/05/2001, 01:41 AM
زعيــم متواصــل
تاريخ التسجيل: 17/12/2000
المكان: usa
مشاركات: 100
Thumbs up

يا عشقي الازرق ازهل الترجمة و على قولتك العياراللي ما يصيب يدوش يا هريدي
  #5  
قديم 01/05/2001, 01:46 AM
زعيــم متواصــل
تاريخ التسجيل: 13/02/2001
مشاركات: 64
يالله هذي هي كنها بدت تنفرج هذا الأخ ذيبوووو ما قصر وطق صدره .....

يالله وين الباقي !!!!!


ذيبووووو نبي نترجمها الى عدة لغات .........حتى لغة الأشاره .........

يالله نبي اللي يجيب لنا الصيغه واللي يجمع الأدله واللي ......

باقي اشياء كثيره .؟......بس ما اظنها كثيره عشان الهلال ........

  #6  
قديم 01/05/2001, 02:58 AM
زعيــم نشيــط
تاريخ التسجيل: 11/03/2001
المكان: الرياض
مشاركات: 683
Unhappy

معقوله مافيه احد رد غيرواحد وين باقي الاعضاء وين الهلاليين
بصراحه فكرتك حلوة حتى لو ماسوت شي بس راح يكون لها اثر كبير
انا معاكم بس مااعرف اترجم بس ممكن اسوي خدمه ثانيه
  #7  
قديم 01/05/2001, 03:23 AM
زعيــم متواصــل
تاريخ التسجيل: 13/02/2001
مشاركات: 64
هذا اللي يقهر وانا اخوك ..............

ناس تحترق وتتعب وتبي ......

وناس سلبيين وجودهم مثل عدمه .......

اللي قاهرني انا اشوف اكثر من مائة زائر ..........

والحبايب كل واحد ولا كلف على نفسه يشارك .....

احسن اصلن العجازين ذولي جعلهم الدمامل بيديهم مانبيهم يردون ....

والله اني اقترح انا نوقف خفاره على باب المنتدى ماتدخل الا الغيورين على مصلحة الزعيم .....
  #8  
قديم 01/05/2001, 03:24 AM
زعيــم فعــال
تاريخ التسجيل: 28/12/2000
المكان: السعودية..بريدة
مشاركات: 217
والله فكرة جميلة جداً جداً وانا معكم في أي شيء
تسونة .......
  #9  
قديم 01/05/2001, 04:10 AM
زعيــم متواصــل
تاريخ التسجيل: 05/12/2000
المكان: الرياض
مشاركات: 89
ان رجلي على رجلكم بس تراني ما أعرف اترجم ورحاتي للنادي قليل مرة



عاد يلا يا أعضاء المنتدى انا وعشقي الأزرق نطركم تردون


متى الرد. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
  #10  
قديم 01/05/2001, 04:42 AM
زعيــم متواصــل
تاريخ التسجيل: 14/08/2000
المكان: الرياض
مشاركات: 54
سلام شباب :
والله الفكره حلوه وانا كنت مأيدها من اول من يوم اوكادا .
وعلى العموم ازهلوا الأدله وخلوها علي وانا الي راح اوصلها للأتحاد الدولي بس بسرعه حلاوتها وهي حاميه.
  #11  
قديم 01/05/2001, 04:44 AM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
Thumbs up

بعد التحية /
الفكرة حلوة بالمرة بس تعتقد أن هذي الفكرة بتسوي عمل وبسرعة قبل فوات الأوان المفترض من الحين التحرك فيها قبل العالمية والا تنتهي الفكرة بالمرة . لأنه إذا قربت العالمية بنروح نشارك مع فرق كبيرة وما نبي نسي للاتحـاد السعـودي وقـتهـا خـلاص نسى كـل شـي .
أما الحين انا معكم يالله من عـنده فعل بعد ردودنا في المنتدى وعلى قولك العير اللي ...الخ . وتحياتي للجميع
  #12  
قديم 01/05/2001, 06:23 AM
زعيــم متواصــل
تاريخ التسجيل: 13/02/2001
مشاركات: 64
Thumbs up

كفوا والله ......

مالها الارجالها مشكور اخوي يا بعدي انت .؟................

وماقصروا الأخوان ولا هانوا ......

ايه كذا مو شرط انك تخترع ........تعال ياخي واكتب ووقف مع اخوانك .........

والله يعافيك يا زعيم ويقويك يالله ........

على العموم لازم كلنا نشارك وننسق ونعرف كل شي .........

وانشاء الله اي احد ياخذ اي خطوه يعلمنا فيها .؟........

ومشـــــكورين وماقصرتوا ........الله لا يهينكم...
  #13  
قديم 01/05/2001, 07:00 AM
زعيــم متواصــل
تاريخ التسجيل: 16/02/2001
مشاركات: 126
Thumbs up

قداااااااااااااااااااام بس انا ما اعرف اترجم اي شئ غيرة ابشرو
  #14  
قديم 01/05/2001, 07:33 AM
الصورة الرمزية الخاصة بـ hilali_4_ever
زعيــم فعــال
تاريخ التسجيل: 27/02/2001
المكان: california, irvine
مشاركات: 200
فكرة اكثر من رائعة.......واقل ما يقال عنها انها عظيمة....

لأنه فعلا حان الوقت ان الجماهير يكون لها كلمة...وتكون اكثر ايجابيةمع فريقها.......

ومثل ما قال (عشقي الأزرق)مو مهم الانصاف....اهم شي نوصل صوتنا...ونحدث ضجة اعلامية..........

يالله همتكم ياهلالية.......والله مافي شي يصير الا بالهمة والاصرار...

حتى لو مانجحنا اول مرة...المهم نكون سوينا شي...

  #15  
قديم 01/05/2001, 12:29 PM
زعيــم فعــال
تاريخ التسجيل: 28/02/2001
المكان: الرياض
مشاركات: 345
مع احترامي لكم فالفكره غير جيده اطلاقا والاسباب هي :
اولا : الانديه ملك للرئاسه وبامكانها اغلاق اي ناد تريد وفي اي وقت.
ثانيا : الفيفا لا يخاطب الانديه مباشرة الا عن طريق الاتحادات الرياضية فما بالكم بالجمهور ؟
ثالثا : وهو الاهم ان الاندية التي لا تحترمها اتحاداتها ولا تنصفها فلن يتم احترامها ولا انصافها من قبل الغير.
***
اذا ما لكم الا الصبر وعدم تضخيم الموضوع لانكم اعطيتم المسالة اكبر من حجمها واعطيتم فوز النصر اكبر من حجمه وبالتالي سيتضاعف فرحهم بهذا الفوز الغير مستحق.
***
يجب ان لا تكبروا المسأله وان يتم تهميش ذلك الفوز وذلك ب(تطنيشه) وانه لا يعني شي مقابل ما حققه الزعيم من بطولات بين عامي 1417 هـ - 1422 هـ وهي الفتره التي لم يحقق خلالها النصر اية بطولة ما عدا السوبر.

تحياتي
هداف
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:28 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube