حسن العتيبي...أين الإنصاف؟؟ - صفحة رقم 2 - نادي الهلال السعودي - شبكة الزعيم

سامي جده · #16 28/11/2004, 10:38 PM

والله حارس متالق وصار يعطينا الثقه بحراستنا وان شاء الله مستواه يستمر
اما المنتخب فخليه عندنا احسن حنا نحتاجه.

aboorayan · #17 28/11/2004, 10:46 PM

والله العتيبي صحيح إنه حارس متمكن

والحقيقة العتيبي ينقصه الفرصة

وهذه هي الفرصة يعني الدعيع ذاهب للمنتخب

وهذه فرصة العتيبي صحيح إنه أثبت وجوده لاكن العملاق الدعيع يبقى العملاق

والعتيبي المستقبل لسى قدامه وربي يوفقه

بو فهد عم جواهر · #18 28/11/2004, 11:37 PM

شوووهد ما سبق

يستأهل العتيبي وهو حارس اثبت جادرته في حماية عرين الزعيم

اخوووكم///ابوفهد...28/11

" صالح " · #19 28/11/2004, 11:43 PM

إقتباس

الرسالة الأصلية كتبت بواسطة crescent_


	هلا والله .. وجيت ياخوي على الجرح .. العتيبي من أكثر من خمس سنوات وهو مظلووووم .. ويكفي دخلوه في مقارنات ظالمة مع الدعيع في عز توهجه .. والظلم هذا جاي من الإعلام والجمهور من الجهتين ... بحيث النظر لمستواه من ناحية السلبيات .. والتغاضي عن الأيجابيات ... وتضخيم الأخطاء البسيطة .. وتحميله فوق طاقته .. يعني مهما كان صعب تحمل لاعب واحد خسارة مباراة .. فما بالكم بالبطولات !!! حتى اذكر انه قد قال في مقابلة صحفية " أنتم تريدون سوبرمان وليس حارس مرمى" وصدق اخوي الشلال .. يبي للجماهير انها تنصفه هي الأول .. مع اني أشوف بوادر الانصاف بدت ولله الحمد مثل موضوعك و كذا موضوع ثاني .. (بس ياخوفي هالانصاف يروح مع الهوا مع اول خطأ غير مقصود بعيد والا قريب .. الله لا يقوله) --- --- وبالنسبة للمنتخب .. كنت متوقع ضمه .. وباصم بالعشرة والعشرين والمية .. لكن القائمين على المنتخب كان لهم راي ثاني .. واللي ابي اعرفه كيف يضمون الأسد الدعيع وهو مصاب وله نص سنه ماشارك ويخلون العتيبي المتوهج .. مهوب قهر للعتيبي !!!!!!!!!!!

كلامك عين الصواب 100%

وينك يا مستشار الأخضر يالجوهر عن العتيبي والتوهج اللي هو فيه ....

خوجه إلا ماعرفناه إلا يوم أخترتوه للمنتخب ... صد له ضربة جزاء وصد كم كوره وأخترتوه والنعجي اللي من السنه الماضيه مستواه منخفض جداً أخترتوه

والأسد الدعيع اللي مالعب من زمان أخترتوه ....

خلونا عقلانيين يا أدارة المنتخب .... شوفوا مستوى العتيبي وكيف يتصدى للكرات بحماس وفن وإبداع وحركات خياليه

لــكن ... كل تأخيره فيها خيره

لعلها تكون خيره لك يا عتيبي

والله يوفقك

راشــد · #20 28/11/2004, 11:48 PM

العتيبي حارس متألق ,, ولكن إختيارات المنتخب وبالذات الحراسة لاتكون منصفة ,,

النجعي !!! هل يقارن بحسن العتيبي ؟ . يعني أكيد النجعي بيكون حارس أساسي والدعيع إحتياط له !!!!!!

أو بيلعب الدعيع مباشرة ليكون الحارس الأساسي !!!!!

على العموم الله يوفق المنتخب وخيرها بغيرها ياحسن ,, ومثل ماقال أحد الأخوة حسن بحاجة ثقة الجمهور

الهلالي أول وبعدين لاحقين على المنتخب ,,

@ سمو الهلال @ · #21 29/11/2004, 12:09 AM

إقتباس

الرسالة الأصلية كتبت بواسطة جــاكم العلم


	الكابتن حسن العتيبي ارتقا مستواه بدرجة كبيرة وحقيقة هو مظلوم من الصحافة بشكل عام وللاسف من الجماهير الهلالية ايضاً

M MM

ون تو · #22 29/11/2004, 05:29 AM

بصراحه حسن العتيبي مقدم مستويات حلوه والله يوفقه