والله انه ما يستحي هالحكم ولا ودي اقول شي يجرح ؟؟؟؟

اتق الله 00 ودع الخلق للخالق 00

اخواني الكرام ............

من ناحية انكم تردون علي بكلام فيه الكثير من الفلسفه ومخالفه للواقع ........

ما قلنا شي ...........

اما عاد تمصخونها وتدخلون في نيتي ومابيني وبين ربي معصي عاد ......

انا اقولكم .:.........

ياحبايبي ياحلوين ........انتم هذاكم تناقضون انفسكم .......

وش معنى الحين تقول لاتغتاب ولاتقول واتق ربك .......

عشاني حكيت عن هالدبشه المهنا ......

ومسيكين جحا ووليده البربري الكشخه حلال فيهم السلخ ؟؟؟!!!!

اسرع ناس في حياتي يناقضون أ نفسهم مروا علي انتم بكل جداره صراحه.......


الحين قاعدين قالبينها علي مطاقه وتهاوشوني تقل مصطر اخوكم الصغير وآخرتها عشان هالمخنز !!!!! افهم ليه ؟؟؟؟؟

واحنا هنا كلنا في المنتدى نتكلم عن ناس مو موجودين معانا .....

يعني باللهي عليكم عشان اجي اتكلم عن المهنا اروح اخذ صوره مقطعيه لقرعته واحطها جنب الشاشه ..............عشان ما اغتابه !!!!!!!

رجاء يااخوان خلكم واقعيين شوي .......

اخوي العزيز (عشقي الازرق)

تحيه طيبه وبعد/

انا قريت موضوعك كذا مره عشان ودي اعرف وش الشي اللي تبي توصله .. لكن ما قدرت اعرفه ..

انت قلت بعض الاشياء عنه (ترنق و بلوزه وجبهته وخبيث وعنجهيه وحق لف ودوران ومن هالقبيل) .. وفي الاخير قلت ((( هل هذه الأمور ممكن تكون مقياس لو قلنا انه مرتشي وظالم ووسيع ذمه !!!!!))) ...

عزيزي .. اولا .. الاشياء اللي انت تشوفها فيه .. ممكن انك غلطان فيها .. يعني هل صار لك موقف معاه وخلاك تاخذ هالفكره عنه بانه عنجهي وخبيث وحق لف ودوران؟ .. وبعدين مو من الممكن انك ظلمت الرجال وان اخلاقه غير كذا؟ .. هل انت تعرفه شخصيا ولا بس حكمت عليه من شوفه ولا شوفتين؟

ثانيا .. اذا قلنا كلامك صح .. وطلع انه نذل وخبيث وعنجهي .. ياخي استر عليه .. وش راح تستفيد اذا فضحت فيه وشهرت به قدام العالم .. تخيل وضع اولاده واهله واقاربه يوم يقرون هالكلام اللي انت كاتبه .. مالهم ذنب ترى .. وحط نفسك مكانهم ولا سمح الله جا واحد وتهجم على شخص يعز عليك .. هل راح يرضيك .. ما اظن ان واحد يرضى ان احد يغلط على اخوه ولا ابوه ولا عمه ولا خاله ولا صديقه ... واذا انك ما ترضاه على نفسك ليش ترضاه على غيرك؟ .. وفي الحديث بما معناه (من ستر على مسلم ستر الله عليه يوم القيامه) .. والمهنا مسلمّّ!!!

ثالثا .. هل فيها شي لما يجي المهنا للمسجد بترنق وبلوزه؟؟ .. مادري ليش ((( بزعمه شوفوني ))) ؟؟ .. يعني لو لبس ثوب وشماغ محد راح يعرفه ولا ايش؟؟ .. المهنا حكم معروف في السعوديه .. اي واحد بيشوفه بيعرفه!!!

رابعا .. هذا الكلام موجه ايضا لكل من رد عليك بكلام غير لائق على المهنا وايضا لكل من يسب ويغلط على اي مسلم (سواء رئيس النصر او غيره) بدون اي داعي .. ترى الحكايه مو مباريات وكوره وبس .. ارجو التنبه من الوقوع بالذنب .. اذا شي منت متأكد منه 100% .. مو لازم تقوله تجنبا للشبهات في الوقوع في الخطأ.

خامسا واخيرا .. والله ثم والله اني ما كان ودي ارد على موضوعك لكن خوفا وحبا لك ولكل هلالي .. حبيت انبهك ان الانسان معرض للخطأ والمهنا انسان .. حتى لو قلنا انه (مرتشي) .. هذا شي بينه وبين ربه .. دع الخلق للخالق.


ارجو انك تتقبل هالكلام من اخ لك يعزك ولو اني ما كنت مهتم كان ما تعبت نفسي ورديت عليك .. والله يصلحنا ويصلح جميع المسلمين ويهدينا الى الصراط المستقيم.


اخوك (هلالي من يومي)

السلام عليكم:

اولا:ارجو ان تتقبلوني كعضو جديد في هذا المنتدى الراقي

ثانيا:لي فترة طويلة وانا اتابع ارقى واعظم منتدى...لكني لم احاول الكتابة لعدة اسباب،،،،منها وجود الافضل والاهم ..لكن للاسف عندما شاهدت هذا الموضوع،استغربت كثيرا لأني لم اتعود اطلاقا على مثل هذه المواضيع التي تتصف بالتجريح والأساءة.....فمن نحن كي نصف شخص بالظلم او الفسوق،،لمجرد اخطاء او لأنه كان لابس ترنق و بلوزة في المسجد........

اعذروني جميعا على كلامي فانا والله ماقلت هذا الكلام الا من حبي و غيرتي للكيان الهلالي و جماهيره خاصة انتو(أعضاء المنتدى)

ان ايضا اعرف عمر المهنا وقد قال لي مره ان اكره نادي عندي هو الهلال

الأخ العزيز هلالي من يومين والأخ هلالي للنهايه .........

اول حاجه انا اشكركم على وقتكم وردكم ..............

ثاني شي .......انا لما كتبت الكلام اللي قريتوه عن هذا الشرذ مه عمر المهنا ياجعله مايتهنى.......... قصدت وتعمدت اني اشهر فيه واشرشحه ولوهي بيدي كان رحت عسكرت عند بيته وجلست اشوف باقي اعماله الحقيره .....ولكن مايخسى الاهو اللي اتعنى عشانه .....

اخواني قبل ماتعاتبوني وتجون تشألوني ليه انا قايل عليه هالكلام !!!! اسألوا انفسكم وش سوى هالمتخلف اذا هو يستاهل والا لا ........!!!!

اخوي انت تقولي استر عليه وحرام وش يسون اهله لو قروا كلامك ّّّ!!!!!!

ياسبحان الله !!!!!! ياخي لهذه الدرجه عندك دموع وقهر وحسرة الهلاليين هينه !!!!

هذا الانسان مجرم ياخي مجرم .......

يكفي من بشاعة الللي سواه انه ضيق صدورنا وحسسنا بمرارة الظلم للأكثر من 5 ايام ...

انا من الناس اللي من ذاك اليوم وانا ضايق خلقي ومالي نفس على شي وحتى دراستي وجامعتي مقصر فيها ........

ياما رجال وزوجته نكد عليهم هذا القذر .....وياما اب وولده ناموا مغبونين بسبة هذا الوصخ .......وياما اهل تفارقوا على لمة عشاء حلوه من ا للي في قلوبهم من حسره بسبة هالكديش ..... ووالله اشياء كثير لو بتفكر بتلقاه سبب فيها واثر عليها ....


ومسألة التجريح انا معكم انها موجوده وانا المفروض نتحكم في اعصابنا شوي .....

بس انا في الحقيقه ماعاد فيني اعصاب بسبة المرتشي هذا .......

مو معقوله ياخوان انه مايستاهل ؟؟؟؟؟؟؟؟

والله يستاهل النفي والتصفيق على القرعه لحد الموت جزاء لما اقترفت صافرته ...


الله لايكثر من جنسه يالله ياكريم...........

انا اشكر لكم اهتمامكم وماقصرتوا فيكم الخير والله ......

وانا استغرب دفاعكم عن هذا الظالم وانتم ناس شفتوا بعيونكم وش سوى فينا ....

واهله وقرايبه انا متأكد انهم لو يقرون كلامي ماهم زعلانين لأنهم اكيد معاشرينه وعارفين حقارته وعارفين انه هذا اقل من جزاه ......واكيد بيقولون من رداه صار له كل هذا....


ولكن انا في الحق ماتأخني لومة لائم ..........وهذا حق .......

حقنا منه من ياخذه !!!!!!!!!

نشوف الظلم ونقعد ساكتين !!!!!!!

لا والله جعل الله ياخذني قبل ماينوكل حقي قدامي واقعد ساكت .؟.....

اخيرا اخواني اذكركم بأن الساكت عن الحق شيطان اخرس ........