السلام عليكم ورحمة الله وبركاته :

الف مبروك للجميع الفوز اليوم وأستمرار الروح الهلاليه وعقبال الجمع بين كل بطولات الموسم أن شاء الله ...

ولكن الشي الذي لم يرضيني هو ذلك الشخص الذي يقود رابطة الهلال ويتكلم باللهجة المصرية وتجده يلبس ملابس ودناديش تحمل شعار الزعيم .. واليوم بعد نهاية المباراة قام هذا الشخص بالرقص بطريقة هز الوسط على قولة الأخوة المصارية بشكل مخجل وأمام الكاميرا وعلى الهواء مباشرة فمن سمح لهذا الرجل بان يكون متواجد في رابطة الزعيم وكيف يسمح له بالنزول الى أرض الملعب ؟؟
عموما اتمنى من القريبين من البيت الهلالي أيجاد قائد لرابطة الهلال يكون من نفس طباعنا ومن نفس بلادنا بدل من الصور المخجلة التي شاهدتها اليوم

اجل وشتقول لو تشوف الخليجية هالحين

ليش ودك تسعود وظيفته

اقول يابو الشباب اذا رحت الملعب وشفت وش كان يسوي ذيك الساعه تعال وقلنا ...

بعدين عشانه مو سعودي ؟؟ وش هالعنصريه حتى بالتشجيع واصلا مو هو الي قود الرابطه ... للمعلوميه بس ...

المصري هذا مو من الرابطه

هذا يجيك بكل مباراه

مع المنتخب السعودي كان موجود

ومره شفته مع منتخب الامارات ايام كأس العالم للشباب

بس يترزز قدام الكاميرا

وين الكاميرا موجوده تلاقيه

وهو من زماااااان موجود

ماعليك منه يارجال

خله يطيح الي في راسه

يخوي تراه تارك الفرق الثانيه وجاي للهلال

وهذا دليل على حبه له

خله يوسع صدره

إقتباس الرسالة الأصلية كتبت بواسطة هلالي السولدير ليش ودك تسعود وظيفته

هذا الي ناااقص

هذا المثال التافه يسئ لجماهير الهلال وللجماهير السعوديه بشكل عام فتصرفاته دائما وبعد كل مباراه للهلال تجد فيها نوعا من النعومه وحقيقة استخسر به الشنب اللي على وجهه

يا اخي يتراقص بكل ميوعه ولا ادري ما هو موقف اهله ونظرتهم له بعد ان شاهدوه بذلك المنظر وكانه حمامة تتراقص عندما يرفع رجلا ويضع الاخرى

لكم تحياتي

والله ما يسئ لاحد الرجال مبسوط ويوسع صدره ايش المشكله ماله داعي التعصب لانه مو سعودي

انا أشــاهدة تقريبا في جميع المباريات .. و مقبــول في حدود .. لكن ( بصراحة ) اليــوم زودها شــوي .. الرجــل محب للهلال .. ولا يلام في ذلك .. فقــط يحتــاج الى توجيــة
.. وســــلامتكم ..!

ابو ماجــــد

ياشباااااااااااااااب اعتبروه من جنون الكرة واللي نشوفه في الملاعب الاوربيه من مواقف تخلي ذا المصري عادي اذا قام يعز الوسط ورأأصني ياقدع

الخبر الأكيد عند صديقه ابراهيم الفريان وهو الداعم له

اخوي الجميع يعلم ان النادي ليس بمسؤول منه .,.,.

وما يفعله هو تعبير عن مافي نفسه فهو لايمثل الفريق .,.,.

إقتباس الرسالة الأصلية كتبت بواسطة ليفربولي اقول يابو الشباب اذا رحت الملعب وشفت وش كان يسوي ذيك الساعه تعال وقلنا ... بعدين عشانه مو سعودي ؟؟ وش هالعنصريه حتى بالتشجيع واصلا مو هو الي قود الرابطه ... للمعلوميه بس ...

ياسلام عليك


بدل ما تنتقدون وتتفلسفون وانتم جالسين تشيشون ولا في مجالسكم



تعالوا الملعب

أقول ما ودك تجي محله


ولا يكثررررر