السلام عليكم ورحمة الله وبركاته

ان ملاحظ من الأخوه اعضاء منتدى الزعيم انهم شانين هجوم قوي علي .. بسبب عضويتي

يعني علشان اسمي سيرجو ... فكرتو اني اتحادي ... بالعكس يمكن اخر فريق افكر انتمي اليه هو الاتحاد

وما اظن في يوم اوقف في صف ضد الزعيم

بس ياشباب ما كنكم نسيتو شي ..

ماكنكم نستو مباراة الهلال وجابيليو الياباني في الرياض

انا بالنسبه لي ..هذي المباره لايمكن انساها في حياتي

وكل ما غابت تفاصيل المباراه هذي ناظرتها من جديد بشريط فيديو ..

بالفعل سيرجو يستحق في ذلك اليوم انه يكون عريس اسيا بعد عون الله ثم لاعبي الهلال

وهذي المباراه تذكرني باشياء كثيره ولها ذكريات حلوه عندي ..

في هذا اليوم كنت بأروح للمعلب مع عمي .. لكن تفاجأت يوم دقيت عليه جواله مقفل

وفي هذي المباراه كانت عندنا مباراتين .. وحده داخل الملعب .. والثانيه في مستشفى الأمير سلمان

وفي الوقت الي رفع الهلال فيه الكاس .. جا لعمي ولد .. واعتقد لو اسم سيرجو عربي كان سماه لمولوده ..

وزود على كذا احداث المباراه .. اتذكر الوالد يقول لي الهلال بيفوز .. وانا اقول لا ما اعتقد ..

لين جت الدقيقه 88 بعد ما سجل سيرجو الهدف الداهيه بالرأس من عرضية الدوخي المرسومه

اما بالنسبه لرقم 3 الي حاط منه في اسمي .. هو الاهداف الثلاثه في المباراه

واعتقد سيرجو ما راح يعيش لحظات ممتعه مثل الي عاشها تحت السقف الازرق

----------

ادري موضوعي مو في وقته .. لكن مجبور انزل الموضوع
وارد على كل من قال اني اتحادي

اما الرد الثاني فهو توقيعي