#1  
قديم 29/04/2001, 05:34 AM
زعيــم جديــد
تاريخ التسجيل: 18/12/2000
المكان: الزعيم
مشاركات: 48
Cool

السلام عليكم ورحمة وبركاته


ملاحظة : الأسم (دوري الشفا) استعارة من صديق عزيز .

%%%%%%%%%%%%%%

آخر اخبار دوري الشفا:

في آخر الإجتماعات اللي صارت في الصندقة الخاصة بأعضاء لجنة الرحمة المتفرعة من اتحاد كل من لسانوه ايلوه ووفقا لخطط علمية مدروسة ، ومما لاشك فيه ان اللجنة قررت مايلي :

* منح الحكمين جوزيف ابو طار واسماعيل الأصلع اجازة مدة ستة أشهر مدفوعة الراتب كمكافأة لتطبيق تعليمات اللجنة والإتحاد .

* تثبيت نتايج المسرحيات اللي صارت في آخر اسبوع من فعاليات مربع الشينكو .

* الموافقة على الإقتراح المقدم بتغيير شعار الدوري الى الشعار التالي : أشر لي بالراية ... ياهوووه ، وحسبها تسلل .

* رفض الإقتراح المقدم بإلغاء مربع الشينكو والرد عليه بقولة: حنا أبخص من البرازيل .... اصلا وش عرّف البرازيل للكورة؟؟

* توجيه خطاب شكر لرئيس نادي (خذوهم بالصوت) بسبب ذكره الغالي ابن الغالي في كل مناسبة .

* التوصية بأن تستمر المهازل في النهائي لأن الطرف الثاني عنده نهائي مرشح انه يحصل عليه ، وبالتالي نسكّت الفريق صاحب الشأن بهالبطولة لأنهم من زمان ماخذوا بطولة المساكين ، ومنها علشان نفتك من ألسنتهم .

* توجيه خطاب تهديد (بدلا عن المؤازرة) للنادي اللي بيلعب بعد شهرين وقفلة ان شاء الله في دورة حواري في أسبانيا ، يذكر فيه: حصلتوا على بطولات الى قبل ولا تقعدون تزعجونا ، بطولة نشرهها لأشقائكم مهيب ضارتكم .


هذا وقد انتهى الإجتماع ، وعلى المتضرر اللجوء الى الله (حسبنا الله ونعم الوكيل) .


%%%%%%%%%%%%%%%

خاص بأشقائناالنصراويين:

الف الف مبروك التأهل ، ونجاح طريقة من حصل شيء يستاهله (بغض النظر عن طريقة حصوله على هالشيء) ، ولا يهمونكم اللي يقولون انكم تأهلتوا بطريقة غير شريفة ..... اهم شيء انكم تأهلتوا

وصدقوني اني سألت أكثر من هلالي هالسؤال:

لو حجركم النصر خمس سنين وهو يحقق بطولات من أمامكم ، وانتم نسيتوا شكل البطولات ..... تنبسطون اذا فزتوا بطريقة غير شريفة والا لا؟

وجاوب قلّة منهم (مشكلة الأغلبية انهم أخلاق ) : بلا شريفة بلا هم ، واذا حجرونا خمس سنوات مانبي بطولات ... أهم شيء نطلعهم من أي بطولة بأي طريقة كانت‍‍‍ّ‍‍‍!!!

%%%%%%%%%%%%%%%

خاص بالهلاليين:

للمرة الألف: حسبنا الله ونعم الوكيل ، والخيرة في ما اختاره الله ..... ولا ننسى ان هالبطولة ماكتبت لنا ، واللي مايكتب عسر .

وأهم شي نركز على المهازل (خاصة الإدارية) اللي تصير في فريقنا ، ونحاول نعالجها قبل تتسبب في تفريق أعضاء الشرف المميزين والمعروفين بدعمهم للنادي من يوم عرفنا هالنادي ، لأسباب شخصية لا تخدم الفريق في أي شيء .

ولا ننسى وشلون كان يتعامل الأمير بندر بن محمد (لا أقصد المقارنة أبدا) مع أعضاء الشرف ، وشلون كان كاسبهم كلهم بأسلوبه وتعامله الراقي . يعني بالعربي: وشلون كان معطيهم اللي يبون ، وماخذ منهم اللي يبيه النادي .

ولازم نوصل لإدارة الأمير سعود بن تركي صوتنا عن عدم رضانا (بالنسبة للغير راضين) عن الوضع الحالي لأهم أعضاء الشرف الهلاليين ، قبل لا يكرهون النادي ويبتعدون عنه .

ونفس الوضع بالنسبة للجان بطولة القارات للأندية اللي سمعنا عنها ولا شفناها ، ونفس الشيء بالنسبة للمدرب (المغمور) ، ونفس الشيء بالنسبة لخانة الظهير الأيسر .

وبهالمناسبة اقترح تقديم عريضة من قبل جماهير الزعيم في أهم المنتديات مثل (منتدىالإقلاع ، منتدى سبورات ، منتدى الزعيم) ، يتم فيها طرح الآراء والمقترحات (دون الإساءة لأي شخص او الإلتفات للخلف) ورؤية الجمهور الهلالي المثقف رياضيا ولله الحمد ، عن مايجب عمله بالنسبة لبطولة كأس القارات للأندية ...... خلونا نترك الكسل ونطرح آرائنا وأفكارنا ، وان شاء الله سنجد من يوصلها الى الإدارة الحالية ، ولو ماينفذ منها الا شيء بسيط .... أهم شيء اننا نحركهم على الأقل ونوصل صوتنا لهم .

وأقترح ان يتم ذلك من خلال مواضيع خاصة في المنتديات المذكورة خلال أسبوعين بالكثير ، ويتم رفع العريضة بعد تنقيحها الى إدارة نادينا<------ نعم نادينا يعني ملكنا مهوب ملك فرد معين .
  #2  
قديم 29/04/2001, 07:39 AM
زعيــم فعــال
تاريخ التسجيل: 27/12/2000
المكان: الـريـاض
مشاركات: 366
Thumbs up

هههههههههههههههههههههههه

الله يرجك يادب

عين العقل والله

ولاتقطع تراك قطوع
  #3  
قديم 29/04/2001, 08:00 AM
زعيــم متواصــل
تاريخ التسجيل: 16/04/2001
مشاركات: 163
Wink

السلام عليكم
ياهلا و الله ياdoub
شوي شوي على الربع
و الله انك صادق الطاسة فعلا ضايعة بقوة..
و الله اشتقنا لمواضيعك الساخرة يا كبير المقلعين..
و شكرا لك ..
  #4  
قديم 29/04/2001, 08:03 AM
زعيــم مميــز
تاريخ التسجيل: 15/03/2001
مشاركات: 4,719
Wink

صادق يالغالي000مانقول الا حسبنا الله ونعم الوكيل0
  #5  
قديم 29/04/2001, 08:17 AM
زعيــم مميــز
تاريخ التسجيل: 02/12/2000
المكان: أدغال فيتنام
مشاركات: 1,777
Thumbs up

إبداع يادب لاحدود له ,,,

مقالم يعكس الحال المتردي لواقع التحكيم والقائمين عليه ,,,

والإقتراحات اللي في آخر مقالك رائعه وياليتها تصير ,,,

تسلم يمينك ,,,

تحياتي لك ,,,
  #6  
قديم 29/04/2001, 09:34 AM
الصورة الرمزية الخاصة بـ المــalmojــوج
عضو إدارة الموقع الرسمي لنادي الهلال
تاريخ التسجيل: 23/12/2000
المكان: الرياض
مشاركات: 7,922
رهيب والله يا اخ دوب
مقال رائع يكشف حال رعاية النثر المائل والذي يسير من جرف لدحديره بسبب التعصب وافنحياز الواضح للنادي المدلل
ولكن الله فوق الجميع
وعلى قولتك البرازيل ماتفهم احسن منا
  #7  
قديم 29/04/2001, 09:37 PM
زعيــم جديــد
تاريخ التسجيل: 15/08/2000
مشاركات: 26
رائع يادب

هههههههههههههههه اما مربع الشينكو

لاجديد يادب فما تعودنا منك الا كل ابداع في تناول المواضيع بطريقة ساخرة .

تكتب مواضيعك يادب كأنما لتضفي على مواجعنا قليلا من الضحك وتأتي كتاباتك على الجرح فيندمل .


وانا معك قلبا وقالبا ان ارادة الجمهور اقوى من ادارة الافراد ومعك في اقتراحك يجب ان نستفيد من كوننا مركز قوة في المنتديات ونحاول ايصال صوتنا بكل الطرق .


ينطيك العافية يادب


اخوك : الدباب
  #8  
قديم 29/04/2001, 10:56 PM
الصورة الرمزية الخاصة بـ ريفيلينو
زعيــم متألــق
تاريخ التسجيل: 17/12/2000
المكان: http://ez.site90.com/
مشاركات: 1,315
Talking الله يرجك ياشيخ



تلومني بنت جيراننا - مزنه بنت مايكل جوردان- فيك

وترى الدب على ماقيل دب

يا هب بلا لب

<======= ناطلن الميانه مررره
  #9  
قديم 29/04/2001, 11:20 PM
زعيــم فعــال
تاريخ التسجيل: 12/08/2000
المكان: USA
مشاركات: 300
Thumbs up يازين كلامك يادب...... والله انك كذا

تسلم كلامك كله حلو
وموضوع ممتع و شامل... و فكاهي في نفس الوقت
ياليت تتحفنا بمواضيع زي هذا بين كل مره و مره

وتعليقي على موضوعك

اسمحلي اقولك ان دوري الشفاء اشرف و انزه بكثير من الدوري السعودي .... لأن الدوري السعودي زي الورث يوزع على العائله
وافهمها يافاهم
  #10  
قديم 29/04/2001, 11:29 PM
زعيــم نشيــط
تاريخ التسجيل: 22/12/2000
المكان: السعودية
مشاركات: 554
Wink رهيبــــــــــــــــــــــ ــهههههههههههههههــ

بس حلوة حنا أبخص من البرازيل!!!!!!!!
الا ماعند البرازيل اللي عندنا.......
  #11  
قديم 30/04/2001, 10:19 PM
زعيــم نشيــط
تاريخ التسجيل: 22/12/2000
المكان: السعودية
مشاركات: 554
تسمح لي أنقل مقالك والا لا؟؟

الأخ العزيز/دب!!!!!
أنتظر منك الأجابة حول نقل مقالك الى بعض المنتديات لعل الله أن يجعل على أيدينا وأيديكم شفاء بعض الجماهير التي لازالت تتنظر منا مد يد العون لهم
تحياتي لك
  #12  
قديم 02/05/2001, 05:59 PM
زعيــم متواصــل
تاريخ التسجيل: 02/01/2001
المكان: السعودية
مشاركات: 87
الله يرجك يا الدب

لايهمونك ترى ضيقة الصدر تسوي فيهم اكثر من تسذا
  #13  
قديم 02/05/2001, 06:06 PM
مشرف سابق في منتدى المجلس العام
تاريخ التسجيل: 14/08/2000
المكان: london
مشاركات: 5,679

يعطيك العافيه يادب

وهم ابخص !!

  #14  
قديم 04/05/2001, 11:39 PM
الصورة الرمزية الخاصة بـ المــalmojــوج
عضو إدارة الموقع الرسمي لنادي الهلال
تاريخ التسجيل: 23/12/2000
المكان: الرياض
مشاركات: 7,922
Thumbs up

للرفع
  #15  
قديم 05/05/2001, 02:56 AM
زعيــم فعــال
تاريخ التسجيل: 29/03/2001
المكان: بلد الاحرار .. والاخيار...
مشاركات: 342
Thumbs up انت كذا

ههههههههههههههههههههههههههههههههههههههههههههههههههههههه
كخخخخخخخخخخخخخخخخخخخخخخخخخخخخخخخخخخخخخخخخخخخخخخخ
كركركركركركركركركركركركركركركركركركركركركركركركركركركركركركركركركركركر
حلوهمررررررررررررررره حقت اشر لي بالرايه ياهووووو....واحسبها تسلل

عندك اياهم ياحبيب قلبي عندك اياهم........
الحين اسمح لي اروح اكمل ضحكي
هههههههههههههههههههههههههههههههههههه الخ.........
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:47 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube