موقف لن أنساه!! .. إعداد وإخراج منصي@_@ - نادي الهلال السعودي - شبكة الزعيم

منص&الرياض · #1 12/11/2004, 02:20 AM

السلام عليكم جيمعاً

مصاء بعد العشاء

كل عام وانتم بخير قبل الزحمه

والله ولكم وحشه يا الزعماء

اليوم عندي لكم موقف لا احسد عليه عشته في وضع مأساوي مريع

اليوم الفجر وعقب ما صليت انا واخوي وانجطلنا بفرشنا جلسنا نتكلم عن العيد وش نبي نسوي

متى نسبح ومتى نلبس و نحط بخور ودهن عود والا عطورات تعرفون الواحد اذا صار نشيط ومابه نوم يبلش بعمره

خلونا ندخل بالموضوع لاني اذا حسيت ما يحدن ولا جسر صلبوخ

من ضمن هالمواقف موقف صار لي بعد ما استلمت السياره بسنه

الموقف كان آخر العصر كنت توي طالع من البيت وواقف عند اشارة العروبه مع تقاطع الملك فهد

بروح اجيب اهلي من حدى الاسواق كنت انا مستعجل مره الله يكفينا شر العجله!!

طبعا اشارة العروبه وبهالوقت تصير زحمه وانا كنت باخر الزحمه المهم افتحت الاشاره وعلى طول

دعست بنزين ويالله امدان اصله وهي تغير صار لونه برتقالي واجي وامشي لاني لو ضربت فرامل

باصل اخر شارع العروبه ما وقفت السياره من السرعه

اخوكم منصي كان يبي يلف يسار من جهة العروبة بلازا ابمسك طريق الملك فهد واثناء ما كنت الف

بالدركسون يسار فجأة لقيت مكان الدركسون فاضي والله وادور ابو الشباب التفت يمين ويسار ما لقيت شئ

طلعت عيوني شلون بلف الحين

والحمدلله لقيت الدركسون بس صار طايح بحجري

الاشاره المقابله بوجهي واللي بالسيارت المقابله كل واحد يقول يبي يقول يبي يطيرن انا واهلي

انا وقته خلاص سلمت الروح لبارئها ودعيت ان ربي يجعلن انا ومن ياخذ الله امانته من اصحاب

السيارات المقابله في جنات النعيم..

حاولت ارجع الدركسون بمكانه لكن عجزت عيا ابن الذين تقل محلوف عليه انه ما يرجع

ولكن بأخر اللحظات والسياره متجهه لراعي دينا واقف بالاشاره المقابله الا ويركب الدركسون واقول

به لين الحمدلله لفيت مع الطريق اللي ابي بس بعد ما شطفت الرصيف

ويالله لك الحمد رحت جبت اهلي من السوق بس هالدركسون العجيب بعد ما رجع لمحله صار له ثلاث

اصوات للبوري كانكم تذكرون افلام كربون ذاك البوري اللي اذا ارعص وهم يمشون قال طاط طيط طوط

وصلنا بعدها للبيت ورحت اصلي المغرب ودعيت ربي وشكرته على سلامتي

ادري انكم ما دخلت بروسكم ذا الصالفه وتبي تقولون الولد يبي له تسوي وانا مثلكم منب مصدق

لاني حاولت اطلعه ما طلع

اتمنى الموقف ينال على اعجابكم ولا احد يقول ورى حسيك ركيك لاني كتبته على طول من راسي!

واتمنى تشوفون لو مره وحده موضوع لي بدون ما تلقون كلمة تعديل بالاسفل

علما بان الصالفه هذي ما تصلح تكتب على قولة بعض ناس وانا منهم لازم اشرح الموقف بالحركات

تقبلو تحياتي وتقديري،،

عمو منصــ

ـــــي

max666 · #2 12/11/2004, 03:01 AM

اللــــــــــــــــــــــــــــــــه يرجك
يامنصي

هلالي وان جار الزمن · #3 12/11/2004, 03:40 AM

الله يرجك .......
وانا اقول ليه الحين الناس صاروا يهدّون السرعة في ذاك التقاطع .....
خايفين منك ....

منص&الرياض · #4 12/11/2004, 04:39 AM

ههههههههه max666 الله يرجك معي لين نطيش ونلصق بالجدار

وتصلم على المرور حبيبي

منص&الرياض · #5 12/11/2004, 04:41 AM

ههههااااي هلالي وان جار الزمن عرفت الحين ليش :p :p

اسعدني مرورك هلالي والف حمدلله على سلامتك يا الغالي وسامحنا على التقصير

المشجع الكبير · #6 12/11/2004, 07:36 AM

الله يرجك انت وسيارتك العجيبه

هدف بالمقص · #7 12/11/2004, 08:44 AM

هههههههههههههههههههههههههه
تخيلت الموقع انا مضبوط ياهو شيء هههههههههههههههههههههههه

الدرسكون لقيته في حجرك وجع وش موترك انت خخخخخخخخخ

الله يكفيك الشر واحمد ربك على السلامه لانك لو قاش الدينه كان الله العالم في حالك بس الحمد لله .