#1  
قديم 28/04/2001, 12:43 AM
زعيــم نشيــط
تاريخ التسجيل: 17/11/2000
مشاركات: 653
السلام عليكم ورحمة الله وبركاته

بعد أن هدأت الأعصاب احب أقولكم هارد لك لكل الهلاليين وخيرها بغيرها إنشاء الله وما تدرون وش الخير فيه الهلاليين يمكن له منفعة هالهزيمه اللي أمس



بصراحة يا شباب أمس فيه نقاط كثيرة لو الواحد يتكلم فيها إلى بكره ما أتوقع ينتهي

فاحب أن أقولكم بعض النقاط المهمة في نظري اللي تفيد الهلاليين وقد لا تعجب البعض هذه النقاط

على فكره يا شباب التحكيم ما راح أتكلم فيه ما يقدم ولا يأخر لذلك أتمنى من كل اللي يقرون الموضوع مناقشتي فالأشياء اللي ما تعجبهم .



النقطة الأولى :

أن الجمهور الهلالي بالأمس ما خيب ظننا أمس حضر وساند وسوى اللي عليه فان هذا يدل على ثقتهم باللاعبين اللي ما قصروا أمس لكن مافي توفيق والحمد لله على كل حال فا أحب أقول لكل الجماهير اللي حضرت أمس مشكورين فردا فردا ماقصرتوا .

@@@@@@@@@@@@@@@@@@

النقطة الثانية :


جملة قالها لي الغالي مشرفنا الأولاني اليوم هدات من أعصابي وهي الكمال لله سبحانه وتعالى صدق ياشباب تبون كل البطولات لنا احب اشكر كل اللاعبين أمس من أولهم الى ااخرهم لاعبوا وقاتلوا وقدموا مستوى الهلال الفعلي وان كانت هناك بعض الاخطاء الفنيه البسيطه اللي لاتعتبر سلبيه فالفريق أن كان مقدم كوره حلوه أمس هاجموا بكل طرق الهجوم ولكن مافي توفيق ومثل ما قال يوسف سيف كان الكوره ما تبي تدخل اكرر الحمد لله على كل حال


@@@@@@@@@@@@@@@@@@@



النقطة الثالثة :

بعد كل بطوله محليه او خارجيه يحققها أي نادي سعودي لازم وشيء اكيد اغلب الجرايد تجيب جدول هالجدول يجذب أي قارئ يقرأ الجريده بما في من بطولات تحسب لكل فريق والناظر الى الجدول سوف يشاهد شيء يدعوه للستغراب نوعا ما وخاصة اذا ما كان رياضي او بالاصح مو حق كوره وهو ذاك النادي اللي مافيه عامود من الاعمده الجدول لاتشاهد عليه رقم اما واحد او اثنان او ثلاثه او في بعض البطولات يصل الى ست بطولات ولكن هناك عامود واحد فقط وبأذن الله بيسوي فيه شيء انشاء انا ماقول بنحققه لكن شيء يخلينا نفتخر اننا هلاليين فيا عجبا يالجمهور الهلالي هل تريد كل البطولات ؟؟؟؟؟؟!!!!!
@@@@@@@@@@@@@@@@@@@@@@@



النقطة الرابعة :

ياليت من كل الجماهير الهلاليه اعادة تصريح صاحب السمو الامير سعود بن تركي والاستماع اليه جيدا وان يمسك بيده قلم وورقه ويسجل الملاحظات على التصريح ولاحظ انه مهزوم بعد ما تنتهي بتسجيل الملاحظات افتح صفحه جديده واستمع الى تصريح ؟؟؟؟؟؟؟؟؟ (عدد الاستفهامات هي عدد حروف اسمه الاول )
وتسجيل الملاحظات على تصريحه مع ملاحظة انه فايز وبعد ما تنتهي سو مقارنه بين التصريحين اللي ابيه من هالنقطه هي الافتخار بالامير سعود بن تركي ولكن فيه سلبيه انشاء الله انه يقدر يتغلب عليها وهي ملازمه للفريق في التدريبات .



@@@@@@@@@@@@@@@@@@@@


النقطة الخامسة :


أتمنى من الاداره الهلاليه أن تناقش فكره الاستغناء عن بعض البطولات اللي مال امها داعي ودي احصائيه يا شباب وخاصة الفكر او مشرفنا الغالي سلمان لان ما شاءالله عليهم احصاياتهم ممتازه عن كم مباراة لعبها الهلال هالموسم انا حاولت احسبهم يمكن حوالي 52 مباراة تخيلوا ياشباب 52 مباراه ولاننسى لاعبين المنتخب ومعسكراتهم اللي بأيطاليا وفرنسا واسبانيا ومبارياتهم الوديه مع المانيا والارجنتين والبرازيل لازم ناخذها في الحسبان (اليابان على غفله )
مانشتر يونايتد السنه الماضيه استغنى عن بطوله كاس انجلترا من اجل مشاركاته الكثيره وبالفعل قدر يستغني عنها واتوقع أن الهلال لعب هذه السنه اكثر من مانشستر في السنه الماضيه فهل اداره مانشستر غبيه او انها ما تفكر لازم تقتدي بالانديه الكبيره

@@@@@@@@@@@@@@@@@@@@


النقطة السادسة :


انا اتوقع ياشباب أن هزيمة النصر أمس ضاره وليست نافعه من اغلب النواحي يعني لو اننا ماخذنا ولا بطولة السنة يمكن نقول أن الهزيمة قاصمة لكن السنة ماخذين ثلاث بطولات يعني ممتاز جدا الشيء المهم هو الاعداد المرتب لكاس العالم في نقطه يا شباب يمكن الامير سعود بن تركي قالها ثلاث مرات وهي عندما يوجه له السؤال عن كاس العالم تكون اجابة هي اننا الحين حاطين فكرنا على البطوله اللي نلعبها وقالها بعد السوبر وقالها عند ولي العهد وقالها عند النخبه والحين خلصنا من كل البطولات فهل نشاهد لاعب عالمي في الهلال في كاس العالم ونبي عالمي بمعنى الكلمه مو الكاتو وروني اللي بصراحه مستواهم ما ياهلهم انهم يكونون بكاس العالم وتوليوا بعد ياليت يستغنون عنه بعد رجوع خميس الله يحفظه لنا ويرجع لمستواه مع العلم اني معجب بتوليوا وهو لاعب ممتاز جدا ولكن عندنا لاعبين نفس امكانياته مثل فيصل بوثنين وخميس يعني ودنا بثلاث لاعبين ممتازين مهاااااااااااااااجم عالمي وصانع لعب ممتاز (اااااااااه يانواف ) وظهير يسار عالمي .



@@@@@@@@@@@@@@@@

النقطة الأخيرة :

اتوقع أن اغلب الهلاليين أن لم يكن كلهم يتمنون أن الاتحاد يفوز على النصر لا وياليت هزيمه عاديه انا اتوقع أن اغلب الهلاللين ودهم أن تكون النتيجة كبيره للاتحاد حتى انا بعد أتمنى كذا لكن ياشباب والله لو نفكر اذا انهزم النصر وش بيصير يعلم الله ياشباب أن الجمهور العربي والخليجي خاصة يستهزؤن فينا مع هالتصاريح من ؟؟؟؟؟؟ حتى وهو فايز يتكلم عن التحكيم فما بالك اذا انهزم وش بيقول والله مسخره تبوني احلف أن سؤال الاوربت أمس له عن ضربة الجزاء متعمدين يشوفون هالمهزله والا هم ما يدرون انه ما راح يعترف حتى لو الحارثي يمسك الكوره ويمررها للداود داخل منطقه الجزاء اتحدى يعترف صدقوني ياشباب اذا فازوا يمكن ينثبر شوي ويسكت ويفكنا من تصاريحة اللي يشوفه جالس بالحارة فاتمنى من كل قلبي أن النصر يفوز بالكاس ويفكنا من رجة شوي وودي اذكر لكم سالفه صارت بنفس حارتنا بعد ضربة الجزاء النصراوية قدام الجيش السوري تصدقون ياشباب رجل عمره بين الثلاثين والخمس والثلاثين ما يتعداها انه بعد ما صد حارس الجيش السوري البلنتي ارتفع عنده الظقط والسكر وكان الرجال يعاني من القلب من النصر وكيف ما يفوزون بالمباراه والله ياشباب الرجال مات يعني راح للاخره طبعا هذا شيء مكتوب من ربنا انه يموت لكن هذا سبب لارتفاع الظقط فما بالك لو ما يحققون ولا بطوله السنة حرام تروح ارواح بسبة النصر أتمنى ياخذها ويفكنا .

الخلاف لا يفسد في الود قضيه


وسلامتكم




  #2  
قديم 28/04/2001, 01:26 PM
زعيــم متواصــل
تاريخ التسجيل: 16/02/2001
مشاركات: 126
فعلا الكمال لله سبحانه تعالى
والله يخليلناالرئيس
عشق الكتـــــــــــــــــــــــابة
  #3  
قديم 28/04/2001, 01:39 PM
زعيــم مميــز
تاريخ التسجيل: 15/01/2001
المكان: بريـــده
مشاركات: 2,751
اولا مساء الخير
كلامك صحيح لكن بالنسبه لتوليو اعتقد انه افضل محور جاء للهلال وبصراحه وماراح استحي ااذا قلت انه يتفوق على خميس العويران فهو سريع جدا ولياقته عاليه وتمريره سليم وتلقاه في كل محل بالملعب واتوقع واتمنى ان يلعب بكاس العالم
ولاتخلون عدم التأهل يأثر على اراءنا بعدين نندم والصراحه لازم نفكر بكاس العالم تفكير جدي واعتقد ان روني مهوب اللاعب اللي يلفت الانتباه ولا اللاعب اللي يشيل لك هجوم تقارنونه بعبدالله الجمعان ؟؟ والله والله مافيه ايه مقارنه ابو عابد سوا الهوايل ب20 دقيقه وكان رعب دائم على النصر بشهاده نصراويين كانو جالسين يشوفون المباراه معي يعني سامي والجمعان 100%%%%%% افضل هجوم في كاس العالم وصدقوني الهلال ماراح يلغون عقد روني لان راح تاخذهم العزه بالاثم
  #4  
قديم 28/04/2001, 02:12 PM
موقوف
تاريخ التسجيل: 09/02/2001
مشاركات: 74
Question

كلامك يالحبيب صحيح والحمدلله على كل حال لكن اعتقد ان توليو كويس لكن المشكله في المهاجمين والمدرب لازم يتغير ولازم الجديديكون شجاع ويكون سبق وان مر على الهلال لاتنسوا الفتره قصيره والله كريم ان شاء الله
  #5  
قديم 28/04/2001, 09:08 PM
زعيــم نشيــط
تاريخ التسجيل: 17/11/2000
مشاركات: 653
ردود ردود ردود

الغالي عشق الكتابه شكرا على الرد وانشاء بكاس العالم نسوي الهوايل



الغالي بدر اتوقع ان كلمتك عن توليو ومقارنته بخميس فيها شيء من الغلط يالغالي ارجع للمباريات اللي لعب فيها خميس وشف من احسن لياقه ومن اسرع انا في رايي ان خميس افضل ولاتنسى ان توليوا خشن نوعا ما والمحور مايطلب ان يكون لاعب دخلاته على الكره تكون قويه فهاذي سلبيه وليست ايجابيه لما في مركز محور من حساسيه يجب لاعب المحور ان يكون اكثر اللاعبين في الملعب هدوء بذلك يقدر ان يستخلص ويمرر الكور بكل سهوله انا ما اقول ان توليوا لاعب عادي توليوا ممتاز ولكن ااتوقع ان توليوا مستواه هو مستوى الدوري وولي العهد البطولات الاسيويه اما بطوله يمكن ما نلعب فيها الا مره وحده او مرتين لما فيها من صعوبه للتاهل لها فاتوقع انه ما يستاهل


ياليت من اداره الهلال ان تتخذ امر باحظار لاعب عالمي بمعنى اكلمه مو روني جاب قول على الدعيع مع البرازيل خلاص لا والله العظيم سيرجيو قدام الاهلي المباراه الماضيه لو الاتحاد البرازيلي شايفينه كان على طول خذوه بدال روني



الغالي الوافي انشاء الله يكون المدرب على طموحنا وياليت كندينيوا والا يوردانيسكوا والا ارثر جورج يمكن اذا انتى الدوري يسفرونه النصر ياليت ادارة الهلال تحط في بالها هالشيء


وسلامتكم
  #6  
قديم 29/04/2001, 06:56 PM
زعيــم مميــز
تاريخ التسجيل: 09/09/2000
المكان: عروس البحر الأحمر
مشاركات: 2,243

حبيبي الغالي هاجس

هارد لك ياغالي ....وبالنسبة للانسحاب من بعض البطولات لا أوافقك الرأي بها لأنه كما تعلم عندما نشارك في خمسة بطولات مثلاً ممكن نحقق اثنين أو ثلاثة واذا شاركنا في ثلاثة ممكن نحقق واحدة ... يعني لابد من الخسارة وكما قال لك (( الأولاني )) الكمال لله وحده ... وأتمنى نشارك في الموسم القادم في عشرين بطولة حتى نحقق عشرة بطولات منها

وآسف على التأخير في الرد ;)
  #7  
قديم 29/04/2001, 09:45 PM
زعيــم نشيــط
تاريخ التسجيل: 17/11/2000
مشاركات: 653
الغالي طلال

مديري طلال


صدقني طلال اذا انسحبنا من البطولات اللي مالها داعي صدقني راح تكون لنا فائده يعني اذا كان الاستعداد مرتب ومنظم صدقني ما راح تروح علينا ولا بطوله لاتنسى مانشتسر السنه الماضيه بطوله كاس انجلترا تخلف عنها يالغالي عشان مشاركاته الكثيره .




وسلامتك يالغالي




  #8  
قديم 30/04/2001, 01:11 AM
زعيــم فعــال
تاريخ التسجيل: 15/09/2000
مشاركات: 373
الغالي (هاجس)###

نقاط مهمة جدا @

كل شخص لدية وجهة نظر يقولها وانت قلت وجة نظرك اللتي نحترمها ,,,

""""""""""""""""""""""""""""""""
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube