السلام عليكم ورحمة الله وبركاته



اولا:
حبيت ابارك لجميع الجماهير الهلاليه التأهل للدور الثاني وعقبال ان شاء الله دور الاربعه والنهائي ;)

ثانيا :
كم وعدتكم بعرض الرساله الثانيه من مدرجات الملعب ومشاهدات شي ما شفتووه وان شاء الله تنال اعجابكم وما تتخله من مواقف طريفه وجميله بنفس الوقت وباذن الله تحوز على رضاكم

واليكم شي ما شفتوه من المبارة على شكل فقرات :

1-كان الحضور الجماهيري جيد جدا وكنت اتوقع يكون اكثر نسبيا واللي لفت انتبهي بعض الاشخاص عند شباك التذاكر يشترووون تذاكر ولا يدخلون الملعب ويبدو انه مساعده للاعب عبدالله سليمان وحب لعمل الخير .

2-عند دخلونا لارض الملعب كان اللاعبين يجرون حركات الاحماء وكان اكثر اللاعبين ينالون تصفيق من الجمهور ظافر البيشي وسامي الجابر والشلهوب والجمعان .


3-كان تفاعل الجمهور مع الرابطه رائع جدا قبل بداية المبارة ولاحظت زياده في عدد افراد الرابطه وكانوا في منتصف المدرج العلوي .

4-حماده المصري الله يهديه بحكم انه المنسق مع الرابطه قام بتصرف غريب جدا حيث امر افراد الرابطه بترك منتصف المدرج العلوي والذهاب الى الاسفل مما تسبب بركوود الجمهوور وعلامة تعجب من الرابطه والجمهور المتحمس على هذا التصررف فلماذا حصل هذا الشي لا ندري ؟ !!


5-الشووط الاول علامات عدم الرضا كانت واضحه على الجمهور الهلالي خصوصا مع اضاعت الفرص والنتيجه لا زالت صفر لكل الطرفين ؟؟ !!

6-الملاحظ على لاعبين الدرك يلعبون بلا مهاجمين ومتى ما رجعت الكره لملعب الهلال اندفع اقرب شخص منهم يلحق بالكره. <== اعجبتني الخطه

7- سامي الجابر شفنا اللي يراقبونه 3لاعبين او اكثر والله ما يلامون 6 اهداف في المبارة الاولى صراحه كبيره شووي منك ياابو عبدالله وما يدرون ان ولد الجمعان رجوله تحكه وبالفعل ما قصر ابو حميد وعوده قويه وعيني عليك بارده ;) ..

8-مع تتابع الاهداف في الشوط الثاني والجمهور الهلالي اكثر تفاعل يالبى قلبوهم كل ابووهم واللي لفت انتباهي المشجع المخضرم ( ابو فالح ) يوم ريشوا به الجماهير وقام يتنكس ههههههههههاي الله يخليه لعين ترجيه قولوا اميين

9-خروج الشلهوب والذيب كان محط استغراب الجماهير للمره الثانيه يمكن المدرب خايف من انبرشات ربع خريش ( اللهم لا شماته ونفس الوقت صايم ) اللي مالها لزووم وخصوصا ان دورينا ودوري ابطال العرب في بدايته .

10- يجب ان نرفع القبعه للنجوم الشباب اللي شاركوا بالمبارة : (فهد المبارك - مازن الفرج – صالح الحوطي – عبدالله مضواح – احمد الجري –البرقان ) واقول تكفوون يا شباب لا تضعيونهم بكثرة الانتقادات وكثرة المديح مثل ما ضاعوا اللي قبلهم وعلينا بالصبر عليهم مثل ما صبرنا على غيرهم واقرب مثال عودة النجم عمر الغامدي لمستواه .

11-اكثر شي فرحت به في هذي المبارة عودة النجم المحبوب والخلوق احمد خليل والله لا يحرمنا منك ولا زلت استغرب وجود اشباه اللاعبين والى متى ارجو الرفق باعصابنا التالفه ؟؟

12 - وفي الختام ارجو من الله العلى القدير ان يتقبل صالح الاعمال من الجماهير بحضورها هذه المبارة وتخصيص رعيها لنجمنا المحبوب عبدالله سليمان والله يفك اسره قولوا امين
وكل الشكر للزعماء اللي ساندوا الزعيم في مبارة الامس ..

واسف خالص خالص على الاطاله على امل اللقاء بكم باذن الواحد الاحد في مبارة الاتحاد ..



يالله يالله وداعة الله ..

اخـــــــــــــــــوكم مــــــــــــــــراوغ