سلام شباب
كلنا نتذكر بندر المطيري و مستواه الكبير مع منتخب الشباب في تصفيات كأس العالم عام 1999 و كأس العالم في نيجيريا نفس العام و هدفه في مرمى كازاخستان في الدقيقة 46 الشوط الثاني الي بعد فضل الله و ارادته كان هذا الهدف السبب في تأهلنا لي النهائيات.
و في النهائيات في اول مباراة ضد استراليا شات شوته من قدام النص بي شوي صفقت لها الجماهير النيجريه كثيرا. ( ضيع ركلة جزاء في المبارة الثانيه اعتقد قدام ايرلندا).
الاعب هذا كان ثنائي مع مدافع الاتحاد طارق المولد الي كان كابتن منتخب الشباب و اعير هذي السنه لي نادي الحزم.
اذكر انه خذا فرصته مع ماتورانا المدرب الكولمبي كأساسي جنب عبد الله سليمان (لله يفك ازمته و يرجع لي اهله) في مباراة السوبر الاسيوي ضد فريق بوهانج ستيلرز الكوري(على ما اعتقد ماني متأكد بس الأهم انه فريق كوري و يلعب له حارس كوريا في كأس العالم و لازال اساسي الا الان) الي كانت بعد كأس العالم مباشرة.
بندر تعملق في مركزه الاصلي قلب دفاع في تلك المباراتين. حتى الهدف الكوري الي في المباراتين كان في الذهاب في كوريا جا من خطأ و كان بعيد بس العتيبي الله يهديه كان متقدم مع كذا تعملق العتيبي ما نبخص حقه هو و ابو سليمان و اذكر كانت بدايات برضو خالد عزيز الي قدم مستوى كبير.
بندر من بعد رحيل ماتورانا جلس سنتين يلعب ظهير ايسر و ادى لا بأس. و لما جت الادراه الجديده و المدرب الجديد خلو لنا خليل و المفرج و طيرو الافضل برأي بندر الي ما سمعت عنه هااموسم الى انو تنسق و طلبه نادي الرياض.
انا اتمنى ان يعيدوه و يصبرو على عزيز و يبعدوا خليل و الشريدة و المفرج
و سلامتكم ابغا رأيكم بصراحه؟