ياااا ناس قوليلي معقولة ننسق بندر المطيري ولسا عمره 26 سنة واحنا محتاجينه كقلب دفاع
المفرج ورانا ورانا؟؟؟؟؟؟

معقولة نترك المطيري كذا بهذه السهووووووولة وننسى مين بندر على طول حكمنا عليه وهو بغير مركزه ومع كذا كان حضوره جيد وأحرز هدفين بالأهلي العام الماضي
والله الأهلاوية اتجنوا من المطيري أعماهم والله

اي والله صادق شلون يبعدون المطيري وهو صاحب تسديدات قوية ويعتبر صمام الامان للدفاع الهلالي

وكلنا شفنا تسديدتة القوية في نهائي كاس ولي العهد واكملها الشلهوب في المرمى

والعام امام الاهلي سجل هدفين ولى اروع امام الاهلي ايضا .. وانا استغرب ليش للحين ما ابعدو المفرج .

والله معك خاصة قلب الدفاع مسكت ياليت يجربونه والله قهرررررررررر0كلنا يعرف يوم كان مع منتخب الشباب كان من افضل اللاعبين وهو بقلب الدفاع

إلا ابركها من ساعة
وبعدين عندنا خليل والشريدة
افضل من المطيري والمفرج !!!
وان شاء الله نفتك من كل اشباه اللاعبين
بالفريق
تحياتي

هلالي جمري & السبلة
مشكورين على ردودكم الواقعية

الشاخط اخوي
الحين بندر من اشباه اللاعبين والله حراااام عليك كيف تقارن المطيري بالمفرج!!!!
وبعدين على طول حكمت من عندك على المطيري منت عارف انه مالعب بمركزه الاصلي ورغم ذلك ابدع وجاب هدفين العام بالأهلي بندر معروف مستواه بقلب الدفاع مع المنتخب وكان مبدع

ليه مصرين نبعده كذا بكل سهولة ليه مانعطيه فرصة مثل كثير من اللاعبين رغم انه لم يلعب بمركزه الأصلي
(((((( جربوا المطيري بقلب الدفاع وتعرفوا مين بندر ))))))))

بندر المطيري اظن انه خلاص لم يتبقى الا اشياء بسيطه وسوف ينتقل بنظام الاعاره لنادي الرائد هديه من رئيس النادي لهم !!

مساء الورررررررررررد


على أقل تقدير المطيري أفضل من المفرج 100 مرة

مع إحترامي لولاء وإخلاص وخُلق المفرج

ولكن ( فنياً ) لا مقارنه

تحياتي

اقووووول بندر المطيري وينه امس

يقولون عنده دورة حواري في الرياض من هالدورات الرمضانية

فكنا والي يرحم والديك من هاللاعبين

اما اذا السالفة جاب هدفين خلا نلعب الجمعان ظهير ايسر دام الدعوة بس شوت صابت صابت ما صابت عادي متعودة ديما

وان شاء الله بعد بندر نشوف يوم في فهد المفرج على قائمة الانتقال

واعتقد هالشي قريب جدا لولا ان اللاعب لسه مجدد عقده في عهد توزيع العقود المجانية على امثال الشايع وفهد المفرج والنزهان والادهى من ذلك اعطائهم مقدمات عقود

spanish eyes

ممكن كلامك صح لكن ......
انا قلت لازم نعطيه فرصة بمركزه قلب دفاع وأظن احنا محتاجينه ومعروف مستواه مع منتخب الشباب بهذا المركز ولاتنسى اللاعب صغير مو كبير(26سنة) يعني يمكن يتعلم ويستفيد ويتخلص من أخطائه .............

ماعندنا غير المفرج في كل مباراة لاحقنا الى متى واحنا تحت رحمة هاللاعب يلعب بأعصابنا!!!

والله مسكين بندر المطيري ماعنده واسطة في الهلال

بالنسبة للي ينادون بالشريدة ...الشريدة داااااااااااااااج حاليـــــــــــــــــــــــــــــــــــــــاً مااااعندك أحد ...المفرج السبهة أحسسن منه ...الله يفكنا منهم اثنينهم ...المطيري أحسن منهم بمراحل ...لكن ...الواسطة وما أدراك مالواسطة

وش يتعلم الله يهدييييك

تدري قبل مباراة خماسية الاهلي بيومين وين كان

اسئل يا قاهرهم يا سامي

كان في حي الروضة كابتن فريق من فرق الحواري

لاعب ومحترف وقبل مباراة اكون او لا اكون لناديه يلعب في دورة حواري

وش هالعقلية

اما انه نعطيه الفرصة فلمتى

صحيح انا معك المفرج داج في مستواه لكن على الاقل يحترم عمله يواظب على التمارين وما عنده دورات حواري ما دورات حواري

بينما خوينا ضارب بمصلحة النادي عرض الحائط

انا هنا لا اطالب بفهد المفرج واتمنى ان يتم تنسيقه ايضا لكن ايضا لست مقتنع ببندر المطيري اما مستواه في منتخب الشباب فهذي سنة تسعة وتسعين اوه اوه ست سنين ورا

واللاعب اعطي الفرصة على عهد ماتورانا على ما اعتقد في مركز قلب الدفاع ولم ينجح

وبندر صحيح صاحب قدم ممتازة لكن كم هدف سجل هدفين ؟؟؟؟؟؟ عشان هدفين نخليه في النادي يسرح ويمرح بعد ما يخلص دورات حوارييه


ان شاء الله الهلال قادر على تقديم نجوم اكثر حب للشعار واكثر فائدة فنية خاصة انه ما عنده ذاك الزود الي يخلي الهلال يتمسك فيه وبعد الخماسيتين اعتقد الوقت حان للضرب بيد من حديد على كل من تسول له نفسه خذلان شعار الهلال والضرب بعرض الحائط بمشاعر جماهيره واداراته

المشكلة أن الجماهير تتصيد أخطاء اللاعبين الصغار بينما الكبار يخطيء عيني عينك ولا تطبق عليهم العقوبات

صحيح المطيري لاعب جيد لكن المفرج ماقصر بمباراة الشباب
وانا ودي اعرف ليه كل هالتحامل على المفرج