اغلاق موقع " كورة" ؟؟؟ - نادي الهلال السعودي - شبكة الزعيم

totti^^roma · #1 20/10/2004, 12:21 PM

يا شباب تفاجأت اليوم بعبارة " الوصول الى هذه الصفحة غير مسموح به " و انا احاول افتح موقع كورة ؟؟

وش السالفة

انا اعتقد بسبب الحركة اللي كان بيسويها .. و هي انه بيحتكر دخول الموقع على الناس اللي لهم اشتراكات في في شركات معينة فقط مثل اول نت و غيرها ..

طبعا سعودي نت اللي تملكها شركة الانتصابات.. عفوا الاتصالات .. راح تضرها هالحركة .. فاشتكت على هيئة الاتصالات السعودية.. اللي لها مصالح ايضا مع شركة الانتصابات

.. و اللي بدورها قفلت الموقع

منعا للاحتكار على قولها !!

يعني مسكت منع الاحتكار في هالشيء ؟؟

و ين احتكار الجوال اكثر من عشر سنين شفطوا فيها مخابينا و كلوا الاخضر و اليابس

!!

ديرة ماشية بالمصالح .. خليها على الله .. والمساكين الشعب هم اللي ياكلونها في الاول و الاخير.. و ارفع راسك انت سعودي

!!

سؤالي للشباب..

فيه احد يعرف موقع مثل موقع كورة.. فيه جدول المباريات اليومي .. و جدول النقاط .. و المباريات المنقولة .. الخ الخ ؟؟

و لا بنصور باشكالنا بعد موقع كورة

؟؟

THE TIGER · #2 20/10/2004, 12:30 PM

هلا أخوي توتي روما
يبدو ان الاغلاق من مدينة الملك عبد العزيز
وليس بسبب الاحتكار الجديد
لأني مشترك بنسما وهي تابعه للإحتكار
طبعا مدينة الملك عبد العزيز عليهم حركات
قبل شهر تقريبا أغلقوا موقع الايف سكور
http://www.livescore.com/

ثم اعادو فتحه من جديد ؟؟!!

يعني توقع أي شي منهم

totti^^roma · #3 20/10/2004, 12:34 PM

انا عارف انه من مدينة الملك عبدالعزيز ..

هم مسوين حركة المنع عشان يمنعون الاحتكار على قولتهم !!

و حنا اللي ندفع الثمن .. كالعادة !!

مشكور اخوي

..

hilalemooot · #4 20/10/2004, 12:52 PM

هلا اخوي توتي روما

موقع كوووره الان فاتح معي وما في اي مشكله اخوي ...

واذا تبي موقع نفسه لايف سوكر موقع ممتاز ...

تحياااااااااتي ..

totti^^roma · #5 20/10/2004, 12:57 PM

وش اشتراكك ؟؟

مدريداوي محايد · #6 20/10/2004, 12:59 PM

مساااكين

الله يعينكم والله على شجع هالاتصالات اشتركوا ستالايت احسن لكم اسرع واريح بلى جشع بلا احتكار بلا هم ذبحونا والله <== يسوي دعاية

الموقع شغال مافي شي عندي

تحياتي وكل عام واستغلال المواطن بكل خير

Blue Fire · #7 20/10/2004, 01:10 PM

اهلين اخوي توتي

موقع كورة فاتح عندي مافيه اي مشكله !!
تدري ليش عشان اشتراكي ارامكو

على العموم اخوي جرب هالوصله وانشاء الله راح يفتح معك موقع كورة
لان مره من المماريت ههههه قفلت ارامكو موقع لايف سكور .. مثل ماهو صاير عندكم
بموقع كوره الحين .. بس ولايهمك ادخل على هاللنك وجرب حظك .. ولاتنسى ماتعطيني خبر

موقع كووووووره

تحياتي لك .. وارفع راسك انت سعودي

totti^^roma · #8 20/10/2004, 01:03 PM

تسلفني ؟؟

مدريداوي محايد · #9 20/10/2004, 01:09 PM

8
8

هههههههههههه وش دعوه الله يهديك ترى اذا بتقارنه باسعار الدي اس ال ارتفاع بسيط لكن الخدمة افضل بمراحل

اجل اقولك لموقف صار لي بالدي اس ال مره تعطل بالظهر واتصلت عليهم قالوا معليش اصبر الارض حاره والاسلاك حاره اصبر لين تبرد

بالله عليك عقب ذي وش تبيني اسوي شركة تقول كذا لاحول ولاقوة الا بالله بس الواحد صايم ماوده ينشر غسيلهم الله يفشلهم

تحياتي ولاتشيل هم اخوي امد لك سلك وفيفتي فيفتي

totti^^roma · #10 20/10/2004, 01:24 PM

مدريداوي محايد

اجل الأرض حاره اصبر لين تبرد هههههههههههههههه الله يرجك .. و ربي ما ينشره عليهم !!

Blue Fire

ضبطت الوصلة .. ياخي انت اطلق واحد في كل ابو العالم .. و تعيش ارامكو

!!

عاد سكتم بتكم يا شباب .. ترا والله انجس منهم ما فيه .. مو ناقصين بعد يقفلون هذي ..

كل واحد قبل لا يدخل يفصخ نعاله - الله يكرمكم - و يمشي على اطراف اصابعه

Blue Fire · #11 20/10/2004, 01:35 PM

^
^
^
الحمدالله اللي فتح .. عاد لاتنسى الفطر عليك اليوم

[ بلا تشفير بلا هم ,, يبقى كسر الشفره هو الاهم ]

وارفع راسك انت سعودي

سلملم

مدريداوي محايد · #12 20/10/2004, 01:37 PM

Blue Fire

حقيقة حركة تحويل الموقع الى ارقام لم اتوقع واستغرب انها لاتزال تعمل لانها قديمة جدا من اول مادخل الانترنت للسعودية وكانت من اوئل طرق تخطي الحجب شكرا على التذكير بها

وتراها سهلة

Start>>>>Run>>>>CMD>>>>ping www.address.com Enter

وستظهر الارقام بين اقواس مباشرة انسخها للمتصفح ولاتنسى انه يجب ان تكون متصلا بالانترنت

وهي فعالة لبعض المواقع وليس كلها لاتفرحوووون كثيرا

تحياتي

الأسير الأزرق · #13 20/10/2004, 02:31 PM

يه موقع مميز جدااااااااااااااااااااااااااااااااااااااااااااا
ودائما فيه موضوع مثبت ينزل جداول ووقت المباريات المنقولة

وهو منتدى الرياضى العالمية في شبكة الزعيم

وخاصة الأخوة
نيستلروي
يزيدوه
سبورت 2002

إياد المحبه · #14 20/10/2004, 02:36 PM

هلا اخوي توتي ..

بالنسبه الى الموقع لا تشيل هم .. اذا تبي اللي يفك لك اياه ارسل لي رساله على الخاص ومالك الا اللي يرضي خاطرك ..

تحياتي ,’,’,

faisal982sa · #15 20/10/2004, 02:35 PM

هلا والله بتوتي رومــا

اخبارك يا حلو

والله مشتاقين لكم كثيييييييييييير من جد

كلامك صحيح عن الحجب

ويا ليت الكل يرسل رساله الى المدينه لإلغاء الحجب

تحياتي