الله لا يهينكم شباب والله محتاج ابي رمز Puk - نادي الهلال السعودي - شبكة الزعيم

3bdullah · #1 15/10/2004, 03:11 AM

السلام عليكم ورحمه الله وبركاته

كيف حالكم إن شاء الله بخير
الله لا يهينكم شباب شريت جوال الدمعة وقعدت أحس ومير رحت للظبط أبحط رقم سري للجوال او زي كذا

بديت أحوس ولف يمين ويسار قالي ؟؟

تم حظر رمز Pin أدخل رمز Puk

وش الحل ياشباب الله لا يهينكم ساعدون ؟؟

طيب لو كان رقم الشريحة وما عندي الرقم الطويل وش الحل ؟؟

Mr.dood · #2 16/10/2004, 03:43 AM

مالك لا تغير الشريحه لله يعينك يا خوي

الداود · #3 16/10/2004, 01:41 PM

هلا أخوي

يبي لك الرقم الطويل الي يجي مع الجوال في الظرف وأذا كان مهب عندك مالك الا تغير الشريحة زي ماقال أخوي mr.dood

فيصل التميمي · #4 19/10/2004, 05:44 AM

الله يعينك اخوي إذا ماحصلت الرقم الطويل تروح عليك الشريحة ..

انا قبل شهرين صار معي انه تقفلت الشريحة .. ماعمرها تقفلت معي بس حظ وقراده

.. المهم رحت احوس ادور الرقم الطويل لاني اخبره قبل خمس سنين يوم اطلع الجوال حاطه في غرفتي مع الاوراق المهم جلست ليلتين والله ادور في الاوراق ماحصلت شي ..
المهم رحت للأتصالات ابي اطلع شريحة جديدة .. قالو عليك فاتورة سدد وتعال طلع شريحة جديدة
:sad:
المهم انا رجعت للبيت وشغلت جوال ثاني " وطنشت جوالي " .. بعد اسبوعين تقريبا وانا احوس في صفطي

حصلت ظرف صغير مصفوط .. وافتحه والا احصله ظرف الجوال واثاريه في صفطي

<< يعني بوكه حق الدراهم

وادخل الرقم وفتحت شريحتي والحمد لله

وصارت خيرة هالفاتورة اللي علي لو الله ثم هي كان مطلع شريحة جديدة وضايعة علي الارقام المخزنه في شريحتي القديمة ..

ياجماعة رقم Puk سجلوه على الجدران :p عشان لو يضيع تحصلونه وياليت باللون الازرق بعد

تحياتي لكم واسف على الاطاله

taroki · #5 19/10/2004, 12:26 PM

مالك الا تطلع شريحة ..

الله يعينك على الزحمة في شركة الاحتيالات

3bdullah · #6 20/10/2004, 02:27 AM

الله يعين والله طلعنا شريحة اعوذ بالله لي ساعتين عشان يطلعون لي شريحة !!

حسام الفهد · #7 31/08/2010, 04:00 AM

طيب انا صارت لي نفس المشكلة وش اسوي ، انا مسافر والشريحة بالرياض وش اسوي
اخوي ابراهيم يقول خلها الى 6 / 10 / عشان مباراة الغرافة خخخخخخخخخخخخخ
انا محتاج الكونكت عشان النت بس .