اخوي
اللاعب عندهم ابو37 احسن من ابو31 عندنا لانهم يهتمون باللياقة البدنية والمهارات لاتذهب
والله يوفق
حتى لو يحبي حبي بيصير احين من كماتشو
وسلامتكم

spanish eyesانت تقول

إقتباس اما مستواه الموسم الفائت فمدري ما تابعته كويس لكن اكيد ما تم اختياره للمنتخب الروسي الا وهو مؤدي مباريات كويسة

وتقول في موضوع الهدف اللي قبل 25 سنه في الرد رقم 27

إقتباس اللاعب ما زال ممتاز وارجعوا لمباريات سلتا فيقو الموسم الفائت او مباراة المنتخب الروسي قبل طرده من المنتخب لخلاف مع المدرب

قمة التناقض وانا اخوك مره تقول ارجعوا لمستواه ومره تقول ماشفته زين يااخوي الدعوة مهوب عناد وانا فاهم وانا...وانا... الدعوة نبي مصلحه الهلال وعلى فكرة ترى سلتا فيقو هبط الموسم الماضي الى الدرجة الثانية

يا حبيلكم يا جماهير الانتقادات..
خلاص الرئيس يقول بشرهم برونالدو وروبيرتو كالروس وفيقو
الأسبوع الجاي يجون يلعبون عندكم..
تصدق اقص يدي اذا ماجوا وأنتقدتوهم..
بالله منهو اللاعب اللي وصل للهلال ولا سلم من انتقاداتكم..
خلوه يلعب ونشوف
مو يقولون المويه تكذب الغطاس..

الا قلتلي ليه المدرب شاله من التشكيله..
طيب ليه رئيس الأتحاد انتقد المدرب لما ابعده من التشكيله..
تتوقع الرئيس يجابيه ولا المدرب شايف شيء غلط..

أقول لاعب مالقا له شغلة قال يالله دوري عربي ماهي مشكلة نختم هالسنتين اللي باقية لنا بكم مبلغ ونعتزل بس قول أن شاء لله يطلع كويس ولا نتوهق فيه

اخي العزيز
احترم رايك واقدر غيرتك على الهلال ، لكن تعال نتكلم بالعقل ، ولنبعد عنا ( فرض الراي ) اللاعب عمره 37 سنة بالميلادي يعني بالهجري تعادل 38 سنة يعني يقارب عمر الشريدة وحمزة ادريس وصالح الداوود والثنيان ومع هذا كانوا هؤلاء اللاعبين يؤدون المطلوب منهم عندما كانوا يلعبون ، ومن يلعب منهم الان يقدم مستوى طيب ، مع ملاحظة ان هؤلاء اللاعبين اقصد الاجانب حريصون كل الحرص على حياتهم الرياضية بالانضباط والى اخره.
فلا نستعجل بالحكم على اللاعب وهو لم يصل الى المطار بعد . وهنا سوف اسأل سؤال ؟ عندما حضر ريفالينو للهلال كم كان عمره وكنا نلعب على الانجيلة الصناعية ومع ذلك قدم مستويات رائعة لازالت تذكر بالخير ، ويكفي ان اللاعب الروسي معروف وعالمي ، واذا كان غير مصاب وتأقلم مع الوضع لدينا فاعتقد انه مكسب . وهناك نقطة يجب ان نعيها جميعا باننا لن نستطيع ان نحضر الا منهم في مثل هذا السن والسبب المادة ، فاليابان وهي اغنى منا احضرت مثل هؤلاء اللاعبين الكبار في السن وممن كانوا في اخر نهايتهم الكروية مثل زيكو وكاردغان وغيرهما ، ولنا في اللاعبين الاجانب في الدوري القطري خير مثال . كم عمر باتستوتا ولوبوف وهريرا وما رايك في مستوياتهم اليست رائعة بل ممتازة وتفوق منهم اقل منهم في العمر، فلا يكون المقياس هو العمر بل العطاء في الملعب خصوصا وان ظروف المباريات لدينا تختلف كليا لدى الاجانب فنحن نحتاج الى اللاعبين اصحاب الخبرة وخصوصا الهلال في هذه المرحلة ، فبدون تحديد اسماء فلاعبي الهلال صغار السن والذين يمثلون الهلال حاليا هل يعجبك مستواهم ... واكرر وهم صغار السن . فلندع اللاعب يشارك وحينها يكون حكمنا واضح.
لك تقديري وحبي .

حلوة منك انه لاعب على الواقف قدام البرتغال!!

خوش متابعة !!

اللاعب استبعده المدرب بعد مباراة اسبانيا بسبب تصريح وما طقها قدام البرتغال!!

يا حبكم للنقد بس على غير سنع!!

انا ما قلت ما شفته اخا العرب قلت لك ما تابعته كويس يعني شفت مباريات قليلة له وكان مستواه ممتاز فيها واساسي لكنك جئت بمعلومة انه لم يلعب الموسم الفائت كاساسي ... حينها قلت اني ما شاهدته كويس يمكن شفت كذا مباارة وكان فيها اساسي وباقي الموسم لعب احتياط فقلت اني كنت مركز عليه في الموسم قبل الفائت

لكن السؤال الي تتهرب منه شخبار الصويلح والجري

والسؤال الثاني انت فاكر هناك السعودية ياخذون ماجد عبد الله عشان تكريم

اللاعب لو ما ادى بشكل جيد ما كانوا اختاروه لامم اوروبا وتراهم عندهم لاعبين كثير ما جت عليه بس

اما هبوط الفريق للدرجة الثانية فما جبت جديد ندري ان الفريق هبط للدرجة الثانية في ظروف استثنائية
بس ليه ما تكلمت عن الموسم الي قبل الهبوط لما اللاعب قدم مستوى ممتاز في كأس الاتحاد وكأس الابطال كما هو مذكور في موضوع ادارة الاخبار

عموما اللاعب جاي جاي ما حد درا عنك

الا اقووول شلون كان مستواه في مباراة البرتغال ؟؟؟؟؟؟؟؟؟

انا متفق مع spanish eyes

ويا شباب من ناحية السن لحد يحكم و الدليل (ميللا) مع الكاميرون في كاس العالم 1990 كان عمره حول الاربعين (ما اذكر).

انا صراحة ما تابعته السنة اللي راحت, لكن يظل فرق بين الدوري الاسباني و السعودي ..

اذا كان مستواه هناك نازل, قد نعتبره حنا ممتاز...

وبالتوفيق للهلال على اي حال ...

ومبروك عليكم الشهر

إن شاء الله يلعب وهو يحبي أهم شيء يصلح كور حلوووه للمهاجمين

وبعدين لاعب مررررررره فنان وهو شايل سلتافيقو لحاله

انا صراحه خايف من كبر سنه !!

ولاني من متابعية عشان احكم عليه .

لكن الأيام قادمة ونشوف .. إذا كان اللاعب ممتاز وكويس . إم بغاء عمره 1000

وعلى العموم ترى العمر مب دليل . ( هذا كماشو عمره 24 ومستواه دااااج ) .

ما يضر نصبر ونشوف يالغالي

البكم هذا الرابط .. بقلم العضو ( العيون الأكثر زرقة)

http://vb.alhilal.com/showthread.php?t=175825

ان شاء الله يكون عند حسن الظن يارب

اقووووووووووول شباب خل عنكم..
شف لعبه وبعدين احكم.. لاتحكم وانت ماجربته..
طيب هذا كماتشو يوم جى قالوا احسن لاعب ويوم لعب شفتوا لعبه استغفر الله ..
طيب يمكن يكون هاذا العكس ماتدروووووووون‍‍‍‍‍‍‍‌‌‌‍
تحياتي...

بحكم متابعتي القويه للدوريات الأوروبيه.. فـ لدي وجهة نظر اتمنى تحترمها.

اللاعب الأوروبي اللي يجيك من أي دوري أوروبي (( لاحظ أي دوري )) ..

بأمكانه يلعب في اي دوري عربي لمدة سنتين وأكثر ..

فما بالك لما يكون جاي من اقوى دوري بالعالم.. الدوري الاسباني ..

عزيزي لو انت متابع صح .. لقلت أنه هو من حرم برشلونه من الدوري الموسم الماظي ..

عندما سجل هدف وصنع الآخر لميدو المصري وهزموا البرسا ,, وفاز بالليقا . فريق الفالانسيا..

أخوي لاعب دولي والصحافه الروسيه شانه حمله على مدربها الوطني نتيجة استبعاده ..

وتقول ليش فرحانين به ؟؟

أجل نفرح بك وبكماتشو؟؟


وقبل ماتقول استبعده نتيجة هبوط مستواه .. احب اعلمك انه استبعد نتيجة خلاف مع مدربه..

عزيزي والله العظيم انه مايلعب على الواقف ..

الا اذا كان تعريف اللعب على الواقف عندك هو : شيلة الفريق.. وتحريك النص والهجوم والأطراف..

وهذا مايفعله مستفوي الموسم الماظي مع السلتا ..

اخوي :

ماله داعي نعترض وبس ..

وماله داعي مايعجبنا العجب ولا الصيام في رجب ..

الظاهر لو جاء رونالدو او زيدان .. طلعتوا فيهم عذاريب ..

اعنبو بليسكم .. دورينا أقوى من الاسباني ؟؟

ولا فرق الدوري عندنا اقوى من فرق الليقا الاسبانيه ؟؟

ولا الهلال .. أفظل من السلتا فيغو ؟؟

عزيزي: بريجكامب أصغر من مستفوي بعام واحد .. فهل لوأتى ستسغرب فرحتنا ..؟

ونفس الكلام ينطبق على روي كين المان يونايتد.. والظهير الايطالي حق فالنسيا كاربوني..

وبعدين دونادوني مو في مستوى الروسي ولا حوله.. ومع ذلك طور مستوى الاتحاد..

ونور استفاد منه كثير في بداياته.. وهذي فايدة اللعيبه الكبار ..

أنا اتمنى يجي ولو أني الى الآن مو مصدق ان مستفوي بالشعار الأزرق الا لما اشوفه..

سبحانك اللهم وبحمدك استغفرك وأتوب اليك .. والسلام

ياشباب اللاعب هاذا ماينفعنا

7/البرتغال
1/روسيا

صدقوني مايسوى