#1  
قديم 26/04/2001, 07:16 AM
زعيــم متواصــل
تاريخ التسجيل: 13/02/2001
مشاركات: 64
Question

مســـــــــيكم بالخير او صبحكم بمثله.......

ياجماعه ترا حنا عندنا مشكله خطيره حنا متجاهلينها او نحاول نتجاهلها ....

ياناس ماهو معقول التشتت الدفاعي اللي الفريق عايشه .....

ترا الخط هذا داج بقوه مع الأسف الشديد.......

مع انه فيه النوخذه الكابتن الكبير الفدائي ابو شريده واللي كنه قاعد يلعب لحاله في الدفاع وشايل الدفاع شــيل الا انا لما نجي ونشوف ونقارن اللي واقف جنبه طيب الذكر خفيف الدم ابو خليل نجد العكس تماما....

ابو خليل انواع الجحود وعدم الاحساس بنعمة الله عليه ووجوده في الزعيم بعد ماكان في نادي ان شد حيله وتحمس فاز ببطولة المملكه في رمي القرص .....

وابو خليل يلعب المباريات بنفس خايسه تقول انه مغصوب ودقق معاي عزيزي الهلالي ترا مانكبنا اخر هالمباريات الا حضرته......

بلنتي النصر وضيع بلنتي هو ويا خشته والله وشوتة هالبلنتي مايشوتها بزر ...

وكـــثير خرابيطه ابو خليل اللي لازم يتداركها ويحاول انه يحد منها اذا مو عشانه وعشان تطور مستواه عشان هالكيان اللي هو مجند لخدمته......

ترا يا غلا انتم والله دفاعنا شوارع والله ماحولك احد ......

ترا صرنا نشوف الأهداف تجي فينا زي الوووووو وش سهلها ولا كنه عندك احد واقف.... واذا تبي تصدقني شف هدف الاتحاد الأول في نص نهائي ولي العهد...المدافعين عماني كنهم يمشون على بيض لا روح ولا اهتمام ولا بطيخ...

اكبر تخبط دفاعي عاشه الهلال كنا نحسبه يااخوان ايام كويمن عليشه شويش الثنيان اللي سوا اللي ماينتسوى بس والله الله يحلله ويبيحه ماهبب زي ابو خليل على الأقل كان يجيب اهداف..................

من متى يا ناس من متى !!!!! الهلال ماهو اقوى دفاع في كل البطولات من متى بس

الله يذكركم بالخير يابونعيمه وياعمده وياحبشي ويالبيشي ويالتخيفي ويالأحمد ويالعواظي وكم واحد نسيتهم ماقصرتوا والله كل واحد منكم والله لحاله عن 100 احمد خليل وطقته..............

على العموم هذا اللي انا اشوفه ......انا صح انا غلط كل شي جائز ......

بس ترا مو معناة كلامي انه بس ابوخليل لا...ترا الباقين مقصرين بعد وراكبهم الحق بس هو اللي مزودها حبتين.... وانا ترا والله من المعجبين بمستواه اول ماجا وكنت من جد اتطمن وافرج لا شفته واقف على خط ال 18 بس الحين لاوالله من عقب مساومته للنادي ذيك الأيام ومستواه وسع صدرك.........


الظاهر انه حن للمراجيح في كورنيش الدمام والحصانات والدبابات ام 4 كفرات..

لو سمحتوا يا اخوان علموني انا صادق والا ماعندي سالفه والا حاقد على قولتهم والا ادور الشهره والا وش الحكايه .؟!!!
  #2  
قديم 26/04/2001, 08:46 AM
زعيــم فعــال
تاريخ التسجيل: 27/12/2000
المكان: الـريـاض
مشاركات: 366
Talking

تبى الصراحه رائى انا وجهه نظرى ان احمد خليل من افضل المدافعين بالمملكه...
  #3  
قديم 26/04/2001, 09:12 AM
زعيــم فعــال
تاريخ التسجيل: 05/04/2001
مشاركات: 457
السلام اول شي...
يا اخ عشقي ازرق المدافع احمد خليل مهوب سئ بالدرجه هذي يكثف التمارين ويطور مستواه تدريجيا ويطلع احسن واحد والباقي على الله ....,,,,




   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:48 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube