استغرب كثيرا من اصرار الادارة على التعاقد مع محترفين برازيليين

في الوقت اللي تتعاقد اندية الدرجة المتتازة الانجليزية مع لاعبين عرب لهم سمعتهم الدولية نلاقي الادارة الهلالية تصر على المخاطرة ودفع الملايين من اجل استعارة لاعبين برازيليين لمده ماتتجاوز السنه الواحدة.

طالب الجمهور الهلالي كثيرا بالجعايدي والتايب وكريمي ولكن اتخذت الادارة الهلالية موقف التطنيش وهاهي تدفع الثمن بانهاء عقد كماتشو والتعاقد مع برازيلي جديد وكأن اوليفييرا احسن حالا من كاماتشو.

الجعايدي انتقل لبولتون الانجليزي ويقدم مستويات رائعه قدام نجوم لهم سمعتهم بالكرة العالمية والمسئولين بالهلال مايعرفون من هو الجعايدي حتى !!

التايب كان لاعب حر بعد انتهاء عقده مع الصفاقسي وانتقل للدوري التركي ليه ما تعاقد الهلال بسرعة مع التايب ووفر على النادي المخاطرة باحضار لاعب مغمور ووفر تكلفة استعارة لاعب او تكلفة انتقال لاعب (التكلفة اللي يقدمها نادي لنادي مقابل انتقال لاعب).

اما بالنسبة للاعب الرائع كريمي فأنا اشوف ان التعاقد مع كريمي اهم بكثير من التعاقد مع مدرب عالمي لأن 70% من الفوز يكون بسبب نوعية اللاعبين اللي يمتلكهم الفريق.

والجمهور الهلالي واع وعلى اطلاع كبير باكرة العربية والعالمية ولو اخذت الادارة الهلالية بالاعتبار الاقتراحات اللي يقدمها الجمهور عبر المنتدى كان وفرت على النادي المبالغ اللي تقدمها للسماسرة اللي ماتهمهم الاجيوبهم اما مصلحة الفريق الفلاني او اللاعب الفلاني ماتعني لهم شي.

واسف على الاطالة