#1  
قديم 25/04/2001, 05:30 AM
زعيــم متواصــل
تاريخ التسجيل: 13/02/2001
مشاركات: 64
Angry

انا من جد معصب وشرهان عليكم ماصارت قلولي بعد طس مانتب كفو تكتب معنا صر نصراوي وانتو بكرامه يعني موافقه على الاشتراك قعدتوا فيهااكثر من شهرين حشا لو اني طالب سياره كان وصلت :|

لا واللي بط تسبدي عاد بقوه اني اول ماكتبت اول موضوع تشققت بقوة وعاتبكم فيه بس بعدين في نفس الموضوع خقيت وقلت عادي علشان عيونكم ماكنه صار شي
ولكن للاسف اجي واتفجا انه مر يومين ولا احد عبرني ولاحطيتو شي
علىالعموم انا بستنى يوم واحد زياده ان ما شفت موضوعيني انكتبوا نذر علي ماعاد اجي على المنتدى مره ثانيه واحلف على كل الي يعزون علي مايطبونه
وانا عارف انه هالموضوع زي اليي قبله بينحذف في قلعة وادرين بس وش اسوي كود الله يسخر لي اللي ينصفني.....

ياللله ياللي تحبون الهلال اللي انا ماجيت الا عشانكم
اشوفكم على خير في الملعب ان شاء الله مو هنا في مكان مااحد يقدر فيه انتمائك للازرق ......

ولو حدثت المعجزه وشفتوا موضوعي ردوا علي تكفون علموني اذا فيه احد عانا مثلي والا لا

  #2  
قديم 25/04/2001, 05:40 AM
زعيــم مميــز
تاريخ التسجيل: 04/09/2000
المكان: الـريـاض - الـبـديـعـة
مشاركات: 1,721
Talking حياك الله

ياهلا وجلا وحلا وغلا بك ..يامراحب تراحيب المطر..انشاء الله تكون فاتحة خير على المنتدى ويفوز الزعيم يوم الخميس باذن الله ،

تـحـيـاتـي & اشـواقـي
  #3  
قديم 25/04/2001, 05:46 AM
زعيــم نشيــط
تاريخ التسجيل: 17/11/2000
مشاركات: 653
ما بقى الا هي

اقول ما بقى الا انك تمسك عجره وتقول وروني بيوتكم وتجي نتضااارب معك الله يسلمك






















امزح معك وش فيك معصب يالغالي ريح نفسك


والله اننا نحاااتي المباراه

لا تلومنا اللي فينا كافينااااا


المهم حياك الله ولاتضيق خااطرك ومايصير خااطرك الا طيب انشاءالله

وهاذا الى الحين ردين وانشاءالله ما تجي الا وصلوا المئة رد


وسلامتك يالغالي
  #4  
قديم 25/04/2001, 05:59 AM
عضو سابق في اللجنه الإعلاميه
تاريخ التسجيل: 08/12/2000
المكان: الرياض
مشاركات: 1,245
ولا تزعل هذا رد

وعلى فكره انا معك في قولك ماقبلوك الابعد شهرين
انا اعرف ناس كثير ودهم يقبلون من شهور وهم يرسلون ايميلات ولا حس ولا خبر


اتمنى من ادارت الموقع ان تضع شخص متخصص بقبول اللاعضاء او القبول الفوري
  #5  
قديم 25/04/2001, 06:45 AM
الصورة الرمزية الخاصة بـ enad
زعيــم متألــق
تاريخ التسجيل: 17/01/2001
مشاركات: 1,145
اتحداك تخليهم ما يطبون المنتدى اذا كانوا هلاليين
تصدق اني مايجيني نوم لين امر على المنتدى وانت بتسير مثلي بس بعد كم يوم اصبر
وبعدين انحذف موضوعك وش يعني عادي لازم كل مواضيعك تنشر لو كل المواضيع تم نشرها في المنتدى بينفجر المنتدى انت تدري ان عدد الاعضاء اكثر من 4000 عضو تخيل هذا العدد كلهم يكتبون مواضيع كيف بيكون شكل المنتدى وكيف بالله بنقرها

على العموم الله يحييك وتكون وجه السعد على الهلاليين ويفوزون بكره ان شاء الله ( ياوجه السعد ياعشقي الازرق )
  #6  
قديم 25/04/2001, 07:13 AM
الصورة الرمزية الخاصة بـ الإعصار
عضو ادارة الموقع الرسمي لنادي الهلال
تاريخ التسجيل: 13/08/2000
المكان: الرياض
مشاركات: 6,157
هذا موضوعك لم يحذف :
http://alzaeem.com/vb/showthread.php3?threadid=17286

بالنسبة للتسجيل سبق وأن أعلنا خلال الاسبوع الماضي استقبال طلبات الأخوة الذين لم يفعل اشتراكهم وتم استقبال أكثر من 430 رسالة تم تفعيل اشتراكاتها جميعاً .
بالنسبة لهذا المنتدى فهو مخصص لمناقشة المواضيع الهلالية .. المواضيع والحوارات الشخصية والترحيب يتم نقلها الى المجلس العام .
تحياتي لك ولقلعة وادرين
  #7  
قديم 25/04/2001, 11:42 AM
زعيــم فعــال
تاريخ التسجيل: 20/02/2001
المكان: في أعماق البحر الأزرق الهلالي
مشاركات: 224
Red face

هلا وغلا ....

تدري والله ان الوقت حساس وحرج ... لذلك ماني راد على موضوعك ....

لكن ابنصحك نصيحه ... تبي الشباب كلهم يردوا على مواضيعك ......

رد على كل موضوع ينشر سواء له داعي ولا ماله داعي .. وقل البحر ماقال.

وانتبه تعارض مشرف في رايه @_@ ترى العين بتصير عليك .. والحذف ....

بيصير على قفى من يشيل .

لا تقول لحد اني قلتلك هالكلام ... هذا اذا انشر طبعا ....................................................
  #8  
قديم 25/04/2001, 11:46 AM
زعيــم مميــز
تاريخ التسجيل: 15/03/2001
مشاركات: 4,719
Wink

وسع صدرك يالغالي 0وياهلابك ويامرحبا الف0
  #9  
قديم 25/04/2001, 11:51 AM
مشرف سابق في منتدى الجمهور الهلالي
تاريخ التسجيل: 26/12/2000
المكان: السعوديه,الظهران
مشاركات: 3,807
تحياتي ...

أما عاد مانتب طاب المنتدى وألا بتغير انتمائك
كثر منها ذي ياحبيبي اللي يدخل هنيا ماعاد يطلع
واللي يعشق الهلال ماعاد يعشق غيره ياخبلك خبلاه

حبيبي المواضيع وااااجد والواحد مايمديه يقراء موضوع
ويطلع إلا وهو في الصفحه الثانيه ,, تدري ان كل دقيقه
موضوع او رد يعني لاتستغرب والحذف واجد بعد ولانلوم
المشرفين هم يبون الامور تصير على احسن حال مثل الهلال..


شكلي اثرت عليك وغيرت فكرتك .. هاه صح ؟؟


تحياتي ...
العوّاااام ...
  #10  
قديم 25/04/2001, 12:28 PM
زعيــم مميــز
تاريخ التسجيل: 11/02/2001
المكان: الرياض
مشاركات: 3,814
عزيزي عشقي الأزرق لاتلومهم من كثر الزحمة باالمنتدلى ماهو مثل الجيران الأعضاء باالعشرات نحن بالألاف وسع صدرك واهلآ ومرحبآ بك
  #11  
قديم 25/04/2001, 02:23 PM
زعيــم فعــال
تاريخ التسجيل: 15/09/2000
مشاركات: 373
اخي الغالي(عشقي الأزرق)###

تحية طيبة لك والف شكر لك على مشاركتك والصبر لاجلنا ولاجل الهلال@

عزيزي قد نلقى العناء في بداية الطريق لكن حب الهلال وحب جماهيرة تجعلك تنسى كل العناء,,,

كم من المواضيع اللذي كتبناها ولم تلقى الردود المناسبة وهاذا ناتج اما عن استعجال
في الكتابة او عدم الاختيار الوقت المناسب!!!!

عموما هاذا ليس بعذر ابدا ان تحرمنا من مشاركتك وارائك واتمنى لك التوفيق باذن الله,,,

""""""""""""""""""""""""""""""""""""""
  #12  
قديم 25/04/2001, 02:38 PM
زعيــم مميــز
تاريخ التسجيل: 11/03/2001
مشاركات: 1,605


وش دعوى اخوي عشقي الازرق .

ومرحبا فيك في منتدى كل الهلاليين .

وانا صار لي مثل ما صار للشباب من تعب تفعيل الاشتراك , انا جلست شهر وستة ايام الى ما تفعل اشتراكي , وهذا دليل على ان منتدى الزعيم عليه اقبال واجد ويدل بعد على كثر الهلاليين.

  #13  
قديم 25/04/2001, 02:46 PM
زعيــم نشيــط
تاريخ التسجيل: 08/01/2001
المكان: مدري ... كل يوم ودي اروح مكان
مشاركات: 551
Cool لالالا تعال بس

وشدعوى يااحوي تعال بس ترا المنتدى لكل الهلاليه تعال بس لاتزعل امسحه بخشتي هالمره .
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:43 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube