السلام عليكم والرحمة

ياهلا والله وغلا بالجميع

حياكم الله معانا في الجزء الخامس من برنامجكم "حزر فزر" !! هذا البرنامج الذي ياتيكم حصريا على قناة الزعيم..
اعزائي المشاهدين والمستمعين كونوا معنا في بث حي ومباشر من استديوهات قناة الزعيم في الكويت.
كالعادة .. عندنا ضيف عزيز وهو عضو معانا >>بالله والمطلوب منكم معرفة من يكون هذا العضو من خلال اجاباته. وانا في الحقيقة اعتذر من هذا الضيف على التأخير في طرح الموضوع .. واتمنى ان يقبل اعتذاري
تابعوا معنا هذا التقرير عن حياة ضيفنا




@ ضيــــــــفــــنـــــــــــــــــــــــــــا @

عضو نشيط لكنه في نظرنا مميز في مشاركاته .. مشاركاته ما تعدت الالف .. اعتقد ان هالمعلومات كافية لان اسلوب الضيف معروف





~ الاجابات ~

إقتباس • لو خيروك بين 3 اماكن (جزر المالديف- سويسرا – مصر) اي مكان بتختار و ليش؟

أبــــ ختار ( ثلاثتهم )
جزر المالديف .. على شان أعرف وشلون يكرمون الضيف
سويسرا .. أشوف البنوك كيف تسوّي بالسرى
مصر .. مهـــم قالوا ( أم الدنيا ) مصــــــر

إقتباس • لو كنت رئيس الدولة لمدة 24 ساعة .. شو قرارات اللي بتتخذها في هذي المدة القصيرة ؟

مين قال انها مدة قصيرة طبعاً من أهم القرارات التي بتخذها هي ( تمديد ) فترة رئاستي حتى إشعار آخر .. وبعدها أحل مشكلة ( البطالة ) وأمنع إذاعة أغنية ( البرتقالة )

إقتباس • لو كنت لاعب كرة قدم في اي مركز بتلعب و ليش؟

ظهير أيسر .. على شان أحل مشكلة ( الهلال ) مع هذه الخانه وتكون الجيب مليانه :p

إقتباس • لا سمح الله احترق بيتك شو الاشياء اللي تحرص أنك تاخذها معاك و انت طالع من البيت ؟

فال الله ولا فالكم اذا احترق البيت .. ما ينفع وش أخذت .. وش بقّيت

إقتباس • قالولك استغنى عن واحد من هالاشياء.. شو اللي بتستغني عنه و ليش ( السيارة – الجوال - الكمبيوتر )

ممكن أستغني عن ( الجوال ) ... علشان أوقف نزيف ( الأموال )

إقتباس • فزت في مسابقة رياضية .. و كانت الجايزة تذكرتين سفر لاي دولة تختارها مع اقامة لمدة 7 ايام .. بس اشترطو عليك تاخذ معاك واحد من الاعضاء .. بتختار من و ليش؟

قمة الإحراج بس لو ( أصريتوا ) أبختار فتى المدينه .. لأسباب مجهوله

إقتباس • لو قالوا لك ان القارب اللي انت فيه بيغرق .. ولازم تنزل اثنين من الاعضاء عشان ما تموت .. منو تختار؟؟

واحد زاحف وديك الجن لأنهم أصلاُ ما يركبون ( قوارب )

إقتباس • متى اخر مرة انطقيت فيها .. وليش؟؟

منذو مبطي والسبب خلافات مع عيال الحارة المجاورة الذين لم يرحموا عزيز قوم ( انطق )




يله تتوقعون من يكون؟؟
اعتقد ان اسلوبه معروف .. وانا بصراحه قبل لا اعطيه الاسئلة طلبت منه يغير اسلوبه بس ماطاعني.

بانتظار الاجابات وحياكم الله