هذا ماقاله لي عضو الإتحـاد السعودي عن قضيــة ديمبـا - رفض الإفصـاح عن نفسه - - نادي الهلال السعودي - شبكة الزعيم

هلالي يعني هلالي · #1 29/09/2004, 12:13 AM

بســـــم الله الرحمـن الرحيم

قــابلت عضــو الإتحــاد السعودي لكرة القـدة في لجنــة ( ............. ) واسمــه ( ....................)
في تمــام الساعة التـاسعة والنص صبـاحاً في ( ...................... )

وســالته عن قضيــة ديمبـــا ووش بيســون معه

طبعـــا بنقل لكم نص الحوار اللي صــار بيني وبينه ... واحكـــــموا

أنـــا : الله يعطيك العــافية ودي أسالك عن سؤال خــاص بالرياضة تسمح لي ؟؟
هو : تفضل !!

أنــا : بسألك عن قضية ديمبـا ومشــاكل البلوي

هو : قصدك آخر تطوراتهــا ؟؟
أنـــا : إيه - الله لا يهينك -
هو : الأمير سلطـان بن فهد طلب التقارير الخــاصة بقضيته وراح توصله في اليومين القـادمة بس ماأظنه راح يسوي فيهــا شيء ؟؟
أنــا :

هــو : لأن الأوراق اللي جت من مستشفى حكومي تقول أن الاعب عنده عظمة زايدة في الجهة اليمنى ولو ماشالوهـا راح تسبب له شلل، والدكتور كــاتب في تقريره أنه ماراح يقدر يرجع يلعب كورة مرة ثـانية لأنه خطر على حيــاته " طبــعا شال له الدكتور العظمة "

أنــا : طيب هو يلعب ألحيـــن

يعني من المتسبب في الخطـأ هل هو اللي يسمونه الظــاهر كان منيب واهم " جمجوم "
هو : إيه نعم

ولجنة الاحتراف أخذت الأوراق وملف الاعب الطبي بالأشعة وأرسلتها لمستشفى الطب الرياضي ومستشفى الطب الرياضي صادق عليــها ؟؟؟؟؟؟؟؟؟؟؟؟؟
أنـا : بس كني قاري أنهم قالوا أنهم بيسوون له عملية وبعد أسبوعين إلى أربع أسابيع يصير قادر على اللعب مرة ثــانية ؟؟
هو : لا مووب صحيح
أنــا : طيب قريت التقرير اللي مسويه وااحد من الشبــاب في شبكة الزعيم عن القضية ؟؟؟؟؟
هو : لا ما شفته

أنــا : تسمح لي أنقل الكلام اللي صــار بيننا ؟؟؟؟؟

هــو : " تخربط شوي " وبعدين قــال : ممكن تشير للموضوع بس ماتقول إنه من فلان الفلاني
أنــا : أبشــــــر يعطيك العـافية ياأبو ( ................. ) :p :p

أنــــا بترك التعليق لكم وماراح أقــول أي شيء

علــــــى فكرة بغثه ألين أعـــرف آخر التطورات .. يعني أسبوع أسبوعين وأجيب لكم آخر الأخبار - بإذن الله -

اللموشي · #2 29/09/2004, 12:19 AM

كالعادة ..

لن يفعلوا شيء لنادي الاتحاد ..

أتمنى من الامير سلطان الاستقاله فوراً من منصبه ليسفح المجال لأحد العادلين ...

سلام

king hak · #3 29/09/2004, 12:20 AM

1000 شكر..................................
عليك به الين تجيب الاخبار ..................
الين نعرف وش بيسوي سلطان الرياضة.0

هلالي يعني هلالي · #4 29/09/2004, 12:28 AM

اللموشـــــي .. ننتظر ونشــــوف ياخبر اليوم بفلوس أسبوعين وبلاش

king hat أبشر بهــــا ولو

تحيـــاتي لكم ..

عـبـود15 · #5 29/09/2004, 12:31 AM

إقرأ توقيعي ,,

هلالي يعني هلالي · #6 29/09/2004, 12:46 AM

عبـــــود 15 شكراً على مرووورك وننتظر اللي بيصيــر " مع أني أوافقك الرأي "

غاوي بطولات · #7 29/09/2004, 12:47 AM

والله اعرفوا كيف يموتون الكضيه وبيطلعون منها زي الشعره من الحليب

سلطان الطرب دابة سليمه مثل الكرسي اللي جالس عليه

romawee · #8 29/09/2004, 02:10 AM

احلى شئ في الدنيا ان يكون عندك مايباخ و شقه غاليه في بيروت.

شكرا لك

صوت من المدرجات® · #9 29/09/2004, 07:57 AM

باختصار

حنا نسبح في بحر المجاملات والعلاقات الخاصه والمصالح المشتركة

ياسيدهم وينك · #10 29/09/2004, 08:38 AM

يعطيك العافيه على المقابله

هلالي حتى الثماله · #11 29/09/2004, 09:29 AM

اعتقد أن رد عبود 15 يكفي ولا أزيد

هلالي يعني هلالي · #12 29/09/2004, 01:16 PM

غـــــاوي بطولات .. ( والله إنــك صـادق )

romawee والله أنــي بغيت أطري الموضوع بس خفت شويتين

صوت من المدرجــات .. شكــراً على مرورك

ياسيدهم وينك .. يعافيـــــك ربي

هلالي حتى الثمالة .. شكراً على مرورك