#1  
قديم 24/04/2001, 11:33 AM
زعيــم متألــق
تاريخ التسجيل: 28/08/2000
المكان: هلالي وأعشق سامي
مشاركات: 1,169
هذه رسالة وصلتني على البريد ... من شخص يبعثها للاعبي الهلال ولكل من بالمنتدى ... سأنقلها لكم نصياً ...

----------------------

أخوي سفر..مساء الخير..انا أبو نوف..ادرس بجامعة
الامام..قسم اللغة الانجليزية..
أخوي سفر..أنا انسان ربي بلاني بحب الهلال حب عظيم..حتى
اني أعتقد والله اني اكثر واحد يحب الهلال بهالدنيا..حتى
اني جلست ابكي بعد هزيمة الهلال الماضية امام النصر الى
صفى راسي..و لازلت اذكر اني طحت بحضن امي ابكي من الفرح
بعد ان سجل سامي التعادل في الشباب في نهائي الدوري
1418.. ولاعاد صرت اروح للملعب ابد لاني حضرت مباراة
الهلال والأفريقي في الأفرواسيوية و غشيت عندما سجل حسن
النمشان الهدف الثاني و عندما استيقظت وجدت الافريقي
احرز التعادل..و ربي بلاني بعد بحب واحد اسمه سامي
الجابر.. والله اني احبه موت موت..باختصار انا احب ربي
ثم امي وابوي ثم الهلال..
اخوي سفر..اللي جعلني ارسل لك هالاميل هو اني ابي اوجه
رسالة الى لاعبي الهلال, وتحديدا سامي ويوسف لانهم روح
الفريق والبقية فيهم الخير والبركة ,عن طريق هالمنتدى
العظيم لكني ماشتركت فيه والاشتراك بياخذ وقت على ما يتم
القبول وانا ابغى الرسالة تصل لهم قبل ما يدخلون المعسكر
يوم الاربعاء خصوصا اني اعرف ان بعض اللا عبين يدخل
المنتدى ويعرف اللي فيه و كذا سمو الامير بندر بن ثامر..
اخوي سفر..قل للاعبين ينسون المباراة الماضية بالمرة و
كأن شئ ما حصل و يدخلون المباراة بروح الهلال المعروفة
اللي اذا حضرت ووفق الله , عز الله ما يوقف احد بوجه
الهلال.. وقل لهم بعد يشيلون الحكم من راسهم بالمرة
ويلعبوا وكأن ما فيه حكم ..وقل لأهل المنتدى بلاش كلام
عن الحكم او المدرب و خلونا نجعل اللا عبين فقط هم اللي
في الصورة..وذكرهم يا سفر بمباراة الهلال والنصر في كاس
ولي العهد 1417 عندما كان الحكم العقيلي وطرد السلومي
وما حسب بلنتي سامي مع محسن وكان مدربنا فيريرا الفاشل
ومع ذلك فاز الهلال بهدفين لسامي ويوسف..وبعدين اذا
دخلوا اللاعبين وهم حاطين براسهم الحكم او المدرب فما
راح يلعبون صح..وذكر اللاعبين وقل لهم يا رجال الزعيم هل
يرضيكم يرقد ابو نوف وجماهيركم في العالم كله ماهو في
السعودية بس يبكون؟!!!
وتكفى اخوي سفر قل لسامي سامي نبي سامي مباراة الهلال و
العربي الكويتي 3-1 في البطولة العربية بعد وفاة عبدالله
بن سعد رحمه الله عندما انطرد بهجا في اول 10 دقائق ومع
ذلك سجلت 3 اهداف كل واحد احسن من الثاني وبكيت و خلعت
الفانيلة بعد الهدف الاول…
اخوي سفر معليش طولت عليك لكن لا تلومني فانا عاشق
للهلال حد الثمالة..
-تكفى قل للامير بندر بن ثامر يخبر اللاعبين بهالرسالة
يمكن تؤثر فيهم
-رد علي اول ما يوصلك الايميل علشان اطمئن
مع جزيل الشكر يا غالي… اخوك ابو
نوف…الرياض

-----------------------------

هذه الرسالة الكاملة من الغالي أبو نوف ...

ولكم تحياتي ...

أخوكم / سفر المرزوقي .
  #2  
قديم 24/04/2001, 12:26 PM
مشرف سابق في منتدى المجلس العام
تاريخ التسجيل: 14/08/2000
المكان: london
مشاركات: 5,679

صادق اخوي ابو نواف وياليت نشوفه معنا في المنتدى .. واعتقد الرساله سوف تصــل ..

واعتقد انا مباراة الخميس هي مباراة سامي ..
  #3  
قديم 24/04/2001, 12:44 PM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
Arrow

بعد التحية
أخوي سفر مشكور على توصيل رسالة الأخ / ابو نوف
والحقيقة مشاعره ومشاعر كل هلالي لازم توصل للاعبين
حب في هذا الزعيم وكلامه عن سامي أتمنى أن يوصل للاعب
نفسه وأضم صوتي لصوته . مع تمنياتي أن يكون وأحد من
ضمن الأعضاء وأول شي نقدمه له هـو المباركة بالـفـوز
إن شاء الله ,,
ولكم جميعا تحياتي ,,
  #4  
قديم 24/04/2001, 12:54 PM
زعيــم نشيــط
تاريخ التسجيل: 08/01/2001
المكان: مدري ... كل يوم ودي اروح مكان
مشاركات: 551
Cool انا اقول هذا راي كل هلالي غيور ....

اخوي سفر نشكرك على نقلك لهذه الرساله ... واتوقع ان هذه الرساله تعبر عن راي كل هلالي غيور على هذا الكيان العظيم .
  #5  
قديم 24/04/2001, 01:37 PM
y2k y2k غير متواجد حالياً
زعيــم نشيــط
تاريخ التسجيل: 23/09/2000
المكان: الهوى شرقي
مشاركات: 822
Smile

أخوي @@@ سفر
الله يحييك ويحيي ابو نوف ، وان شاء الله يكون الهلال وسامي عند حسن ظنه وظن الملايين من عشاق الزعيم.
&&&&&
وفيه عتب بسيط على ابو نوف ( وين محبة الرسول صلى الله عليه وسلم؟؟) مايصير!
  #6  
قديم 24/04/2001, 01:42 PM
زعيــم فعــال
تاريخ التسجيل: 07/12/2000
مشاركات: 498
والله هذا راي كل هلالي يحب الزعيم.

وإن شا الله النجوم ما يخيبون ظن الجماهير فيهم وإن شا الله بتفهمون كلامي يوم الخميس إذا سجل سامي هاتريك ولا هدفين
وأسمــــــــــع يالداوود
  #7  
قديم 24/04/2001, 01:54 PM
زعيــم فعــال
تاريخ التسجيل: 28/01/2001
مشاركات: 337
هذي الرساله لابو نوف
كلامك حلو حلو حلو...الخ بس كنك منت ناااوي تروح الملعب لا ياشيخ هذي اسمحلي ....انت لازم اول واااحد يجي الملعب واذا اغشي عليك علمني اكب عليك مووويه لاننا صراحه ودنا نفرح مع بعض
وسلامتكم
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:06 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube