المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إغلاق الموضوع
   
 
LinkBack أدوات الموضوع طريقة عرض الموضوع
  #1  
قديم 23/09/2004, 04:05 PM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
Unhappy وشلون انسرق جوالي اقرو علشان ما تطيحون في نفس الغلطه وذا سبق وانسرق جوالك قلنا وشلون

السلام عليكم ورحمه الله وبركاته



في البدايه فكرت في هذا الموضوع علشان اخلي الناس تفهم اغلاط غيرها والي راح ضحيتها جوال
وانا صراحه جتني الفكر بعد ما شفت واحد من الاعضاء كاتب ان في واحد سرق جواله الزعيم وقام يدعي عليه
المهم
انا ابكتب قصتي وشلون انسرق جوال وابي اي واحد انسرق جواله يكتب وشلون انسرق
علشان ناخذ العبر ونتفادنا اغلاطنا

قصه سرقه جوالي المملكه
في البدايه كنت ابي جوال وكانو اهلي معارضين وحاولت فيهم الين ما وافقو
وعاد كان اول جوال شريته كان جوال المملكه وكان وقتها احسن جوال مب مثل الحين
تذكرون عاد انتم الي معه وقتها المملكه ما كان ينزله من يده وشريته 1700 ريال
ولد (عز تلاحظون ) المهم وقعد معي يمكن شهرين وبعدها كان فيه مباراة في ملعب واحد من الشباب ضد ناس ما نعرفهم المهم وبدينا المباراة بعد صلاة العشاء وحنا نلعب دخل اربعه تكارنه دخلوالملعب طبعا الملعب كان مسور بس الباب كان مفتوح والمهم يوم دخلو شافو المباراة شوي و قعدو لهم عشر دقايق وهم يناظرونها وبعدين طلعو وكانو واقفين
وانا كنت حاط جوالي مع جوالات الشباب الي هم اخوياي على زوليه (فرشه) نقعد فيها حنا يعني دكه احتياط فريقنا بس وقتها ما كان فيه احتياط وكانت الزوليه بعيده عن الفريق الثاني وعلى بعد مترين او ثلاثه من التكارنه
وبعدين يوم خلصت المباراة وقمت ابشوف جوالي ولا لقيته واقول يا شباب الجوال وادوره يمين يسار وما لقيته وقمت ادور في الملعب وانا تعبان من بعد المبارة بس مثل نا تعرفون جوال هذا مطلعه بدم قلبي والمهم ما لقيته ودق عليه مسكر وبعد نص ساعه ادق مسوي امل انه بيرن
والغريبه ان جولات الشباب (الي هم اخوياي في مكانها ما انلمست) والمهم رجعت البيت وانا ضايق صدري ويوم اذن الفجر جت الوالده تقومني للصلاه الله يجزاها خير قولو امين وقلتلها وقامت تسئل وشلون وكيف
والوالد درى الصبح المهم قامو ينكتون علي
بس الحمدد لله على كل حال
بس يا شباب نصيحه اتنبهو لجولاتكم ولا تطنزون وتضحكون عليه على احد لاني انا قمت اطنز على واحد انسرقت منه اربع جوالت
وبعدها انسرق جوالي وبعدها باسبوعين شريتلي جوال مستعمل من فلوسي واهلي عيو يعطوني اريال (بس تصرف حكيم منهم)

****************************************************

بس يا شباب اتمنى من اي واحد انسرق جواله يقولنا وشلون انسرق
وانا انشاء الله راح اجيبلكم قصص عن جولات انسرقت من الشباب بس اذا شفت في تفاعل مع الوضوع و ردود
  #2  
قديم 23/09/2004, 04:24 PM
زعيــم فعــال
تاريخ التسجيل: 20/12/2003
المكان: الشرقيه
مشاركات: 250
انا جوالي ماانسرقت بس نسيته في بنده, على الارففه لما كنت اشيك البضاعه ورجعت بعد نص ساعه وماحصلته
طبعا الجوال مااخذ معي اسبوع وشاريه 3500 ريال (i-mate)
ولما انسرق رجعت للعصفور
  #3  
قديم 23/09/2004, 04:25 PM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913





إقتباس
انا ابكتب قصتي وشلون انسرق جوال وابي اي واحد انسرق جواله يكتب وشلون انسرق
علشان ناخذ العبر ونتفادنا اغلاطنا

قصه سرقه جوالي المملكه
في البدايه كنت ابي جوال وكانو اهلي معارضين وحاولت فيهم الين ما وافقو
وعاد كان اول جوال شريته كان جوال المملكه وكان وقتها احسن جوال مب مثل الحين
تذكرون عاد انتم الي معه وقتها المملكه ما كان ينزله من يده وشريته 1700 ريال
ولد (عز تلاحظون ) المهم وقعد معي يمكن شهرين وبعدها كان فيه مباراة في ملعب واحد من الشباب ضد ناس ما نعرفهم المهم وبدينا المباراة بعد صلاة العشاء

8
8
ما شاء الله كل ذي قصة
إقتباس
وحنا نلعب دخل اربعه تكارنه

بس مملوحين (يبي يرقعه)

إقتباس
دخلوالملعب طبعا الملعب كان مسور بس الباب كان مفتوح والمهم يوم دخلو شافو المباراة شوي و قعدو لهم عشر دقايق وهم يناظرونها وبعدين طلعو وكانو واقفين
وانا كنت حاط جوالي مع جوالات الشباب الي هم اخوياي على زوليه (فرشه) نقعد فيها حنا يعني دكه احتياط فريقنا بس وقتها ما كان فيه احتياط وكانت الزوليه بعيده عن الفريق الثاني وعلى بعد مترين او ثلاثه من التكارنه
وبعدين يوم خلصت المباراة وقمت ابشوف جوالي ولا لقيته واقول يا شباب الجوال وادوره يمين يسار وما لقيته وقمت ادور في الملعب وانا تعبان من بعد المبارة بس مثل نا تعرفون جوال هذا مطلعه بدم قلبي والمهم ما لقيته ودق عليه مسكر وبعد نص ساعه ادق مسوي امل انه بيرن
والغريبه ان جولات الشباب (الي هم اخوياي في مكانها ما انلمست) والمهم رجعت البيت وانا ضايق صدري ويوم اذن الفجر جت الوالده تقومني للصلاه الله يجزاها خير قولو امين وقلتلها وقامت تسئل وشلون وكيف
والوالد درى الصبح المهم قامو ينكتون علي

الله يجزاها خير
( قلعتك)


إقتباس
بس يا شباب اتمنى من اي واحد انسرق جواله يقولنا وشلون انسرق
وانا انشاء الله راح اجيبلكم قصص عن جولات انسرقت من الشباب بس اذا شفت في تفاعل مع الموضوع و ردود

الحمدالله ماقد انسرق ولا مره
  #4  
قديم 23/09/2004, 04:42 PM
ميسو
تاريخ التسجيل: 22/06/2002
المكان: حيث أنا ..
مشاركات: 7,243
تعيش وتاكل غيرها
بالنسبة لي سبق وانسرق مني جوالين ,
الجوال الأول ما كان جوالي لكن كان حق الوالده الله يحفظها لنا ,, كنت في ثاني ثانوي وتوني ما طلعت جوال وكنت رايحه للسوق مع بنات خالاتي وماخذته معي ,
المهم كان وقت الصلاة ودخلنا المصلى نبي نصلي ورحت لأخر صف وحطيت شنطتي من كثر حرصي وراي مستنده على الجدار على بالي ما راح احد يمر لأن مافيه طريق
وكبرت وصليت , إلا احس إن فيه احد مر من واري وانا ساجده , يوم سلمت وادور الشنطه ما لقيتها
انسرقت كلها بالجوال وبطاقة صراف الوالده وكل حاجه فيها
بعدها خلاص كل ما جيت ابي اصلي في سوق أدخل الشنطة داخل عبايتي ولا اخلي احد اعرفه يمسكها,,

المرة الثانية : جوالي العام الماضي وكان توه جديد لكن مدري هو ضاع ولا انسرق ولا طاح مني
رجعت من الجامعه دورته في شنطتي ما لقيته ؟‍‍
طبعا رجعت وقتها على جوالي الحبيب القديم لأن مالي وجه اقول لأهلي يجيبون لي جديد


‌ # ووحده نعرفها ساكنه في جده كانت في السيارة مع زوجها وواقفين عند الإشارة وكانت تكلم بجوالها والشباك مفتوح .. مادرت إلا الجوال مخطوف من يدها <<< عيني عينك



# وفيه سالفة ثانية صارت لوحده نعرفها في هاذي العطلة يوم سافروا لأبها ,,
عاد هاذي الإنسانه يا كثر ما تضيع جوالاتها وتنسرق ,, المهم كانوا يتمشون في المنتزه وجوالها في يدها وما حست إلا بواحد قاعد يسحب جوالها من يدها وتشد هي وهو يشد ,,
تقول إن الولد شكله توه صغير عمره 15 سنة أو 16 أو 17 والحرمة هاذي اكبر عيالها بنت عمرها 15 سنه,,
المهم إن كل واحد يشد وكل ما جت تهون خلاص وبتخلي الجوال تذكرت جوالاتها إلي انسرقت وأصرت إنها تمسك جوالها
بعدها الولد مل وراح ,,

لكن بصراحه لهالدرجة وصلت الجرأة إنهم يسرقون الجوالات من يد الشخص ؟‍‍!!
  #5  
قديم 24/09/2004, 04:04 AM
زعيــم فعــال
تاريخ التسجيل: 27/04/2001
المكان: الدمــــــــــــام
مشاركات: 290
انا وقفت اصلي وخليته في السياره وكسروا قزاز السياره الحراميه ((المشكله مو سيارتي سيارة خويي )) وسرقوه لا حول ولا قوة الا بالله بس هذا الكلام قبل سنتين المره الوحيده اللي انسرق فيها جوالي ....
  #6  
قديم 24/09/2004, 09:24 AM
زعيــم متألــق
تاريخ التسجيل: 21/04/2002
مشاركات: 1,049
كانت لنا طلعه مع الزملاء يعني عزومه ( دوريه ) رجعت متأخر للبيت وانا راجع دقت المدام وقالت نبي علاج البنت فيها حراره المهم وانا طاير ومن صيدللية لصيدليه كلهن مقفلات ومن حي لحي ثم شفت صيدليه بس مافيها لوحه مكتوب صيدلية وانا اوقف بسرعه وانزل من السيارة والباب مفتوح والسيارة شغالة وادخل لهالصيدليلة الي مادري هي صديليه والا بقاله المهم انها صارت صيدليه ويوم انها صارت صيدليه اكيد نسيت السياره بالي فيها
ويوم رجعت للسياره وبدون شعور مديت ايدي اباخذ الجوال من مكانه واتاريه مافيه شي واتلمس مخباتي اليمين اليسار برضه مافيه شي قلت يمكن ناسيه عند الصيدليه وقال ماشفت شي المهم حسيت انه انسرق لكن وبعد مارجعت للبيت دقيت عليه واتاريه مقفل وتاكدت انه انسرق لكن استاهل انه ينسرق جوالي والحمدلله انها جت بالجوال مو بالسياره والحمدلله على كل حال
  #7  
قديم 24/09/2004, 11:01 AM
مشرف سابق في منتدى الرياضة السعودية
تاريخ التسجيل: 06/04/2003
المكان: Riyadh State
مشاركات: 1,667
انا ماانسرق جوالي للحين
  #8  
قديم 24/09/2004, 02:17 PM
زعيــم متألــق
تاريخ التسجيل: 11/03/2003
المكان: الـــــــــــرس محبوبتي
مشاركات: 1,381
السلام عليكم ,,
انا انسرق جوالي قبل اربع سنوات اول مانزل الرهيب 2000 للسوق كان بوقته من يحصله بـ1300 ريال مشتريه

باقي على الأجازة الصيفية شهر جت الأجازة كالعادة رحت اتمشى مع الأهل بسوريا وانا افكر اشيل جوالي وهو جديد او اخليه بالبيت اذا اخذته يمكن ينسرق من هالشوام المهم جزمت وخليته بالبيت من زود الحرص!!!!!
وسافرنا ولمدة شهر وجانا بلاغ ان بيتنا انسرق

ورجعنا للسعودية وفتشنا البيت والحمد لله ماحصلنا شي انسرق كل شي موجود !!!

ارتحنا ؟؟؟
لكن انا ماأرتحت رحت اببدل جوالي بالجوال الرهيب الجديد ادور يوم يومين خلاص مافيه فايده الجواااااااااال راح عليك يابو مها ولا تهنيت فيه الا شهر

وبالأخير العام الماضي وجدت جوالي الرهيب مع احد الشباب ماأدري هو سارقه او مشتريه من أحد سارقه لأني لي بصمة خاصة على جوالي اعرفه زين!!!!!
  #9  
قديم 24/09/2004, 02:31 PM
زعيــم مميــز
تاريخ التسجيل: 02/12/2001
المكان: نادى الهلال
مشاركات: 2,420

[ALIGN=LEFT][/ALIGN]
مال الحلال ما يضيع
الحمد لله ما عمره انسرق جوالي
<<< يربطه بحزام الأمان

بس اذكر السنه الماضيه انسرق جوال اخوي في مباراة الهلال ضد الجيش السوري في الملعب
بعد هدف الصويلح الشهير وتأهل الهلال للتصفيات نقز اخوي من الفرحه وكانت هي النقزه
وعلى طول ابو الشباب اللي سرق الجوال طفى الجوال
بس اللي هون علينا ان الهلال فاز



  #10  
قديم 25/09/2004, 03:48 AM
الصورة الرمزية الخاصة بـ Lover Sami
مشرف سابق في منتدى الرياضة العالمية
تاريخ التسجيل: 27/06/2004
المكان: الهــياثـــم - الخــرج
مشاركات: 19,447
السلام عليكم

الله يعطيكم العافية جميعاً ،،،

طبعا هذه ثاني مره أشارك معكم هنا في المجلس العام...لانكم تعرفون [ إحنا ] الاوروبيين نتسدح في منتدى الرياضة العالمية ،،

المهم أعجبني الموضوع صراحة وقلت أخلع ثوب العالمية ( أستح على وجهك الدعوى وصلت للخلع ) وأشارك معكم هنـــــــــــــــا :

أنا ما أنسرق جوالي ( طيب ليش تشارك أجل ) ،، بس أذكر انه في مباراة الهلال والرياض تحت 23 سنة في أول موسم طبقوا هذا النظام وكنا في استاذ الملك فهد والجمهووور كان قليل وكان جوالي رهيب 2000 وأنوار زينون ووجه فضي وحركات عجيبة...المهم انا أذكر انه كان في في جيبي وكان في الكرسي اللي فوقنا 3 أشخاص مدري هم سعوديين أو أجانب بس الوكاد انه لابسين ثياب ... وكنا فرحانين بان الهلال متقدم إلى آخر الدقائق يوم سجل الحيائي هدف التعادل للرياض ...
وبعد كذا ويوم انتهت المباراة وأدوووور الجوال مالقيته!!! والتفت على اللي وراي على نياتي بسألهم ولالقيت أحد ابداً أختفووووا بشكل سريع,,, بعدها عرفت ان الجوال أنسرق .... وادووور والملعب مثل ماقلت فاضي والجمهور الحاضر قليل وأدق من جوال ولد خالتي إلا يرد واحد علي!!! ثم قفل الجوال،،
والغريب انه وحنا ندوّر لقينا جوال رهيب 2000 وفيه الشريحة وراعيه طلع من الملعب وتركه!!! بس يختلف عن جوالي طبعاً ،،،

طبعاً غلى يومكم هذا وانا مدري هل هو انسرق..؟؟ او طاح مني وأخذه اللي وراي..؟؟ المهم في كلا الحالتين فقدت الجوال....

وآسف على الاطالة والف شكر للجميع،،

أخوكم......همــــــــاش
  #11  
قديم 25/09/2004, 06:07 AM
زعيــم مميــز
تاريخ التسجيل: 29/07/2004
المكان: شبكة الزعيم
مشاركات: 7,277
مساء الخير لاحلى اعضاء

قصتي مع الجوال

كنت طالع الساعه 3قبل العصر للسوبر ماركت نزلت من السياره والجوال باليد اليسرى بالضبط اشتريت بعض

الاغراض ولما انتهيت وجاء وقت الحساب طلعت المحفظه بااليد اليمنى والجوال كان باليد اليسرى من زود الثقه

التامه وضعت الجوال على الطاوله وحاسبت العامل وطلعت وانا كنت مستعجل .

طبعا السوبر كانت قريبه من البيت ولما وصلت وكنت بالسياره ادور على الجوال ماحصلته قلت اكيد بالسوبر رجعت

خلال دقيقتين ممكن اقل ولما سئلت العامل طبعا يمني قال (( انا ماشفت اي حاقه قلت انا متأكد قال لاوالله ممكن زبون جاء واخذ الجوال ))

طلعت للبيت ولما دقيت لقيته مقفل آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

الجوال الفيصليه وماراح عليه الا اسبوع وانا شاريه

لكن الشكوى لله......................
  #12  
قديم 25/09/2004, 09:43 AM
زعيــم نشيــط
تاريخ التسجيل: 27/06/2003
مشاركات: 790
انا مالها داعي اقول كيف انسرق جوالي
انسرق مني مرتين


الاولي نسيته بالسياره ..
ولقيت القزاز مكسور والجوال موب فيه

المره الثانيه
كنت عزوبي بالبيت واهلي مسافرين .. يعني البيت مافيه الا انا لحالي

وحزتها كنت نايم بالمجلس >> ماوده يروح غرفته

صحيت من النوم لقيت جوالي موب فيه

يعني انسرق وانا نايم

والغريب .. ان مانسرق شي غير الجوال
محفظتي فيها تقريبا 1000 ريال ولا سرقها

هذا شكله حرامي متربي


وسلامتكم >> لاتعبت
  #13  
قديم 25/09/2004, 05:03 PM
زعيــم فعــال
تاريخ التسجيل: 12/10/2000
مشاركات: 370
السلام عليكم ::::
هذا واحد يقربلي
حط جواله في جيب باب السيارة وكلن نازل من السيارة يصلي وفيه حرامية شافوه وهو يحط جوالة في الجيب
يوم رجع من المسجد ما لقى الجوال
  #14  
قديم 25/09/2004, 08:31 PM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
السلام عليكم ورحمه الله وبركاته
اشكر الجميع على التفاعل مع الموضوع
وراح ارد على كل واحد انشاء الله
وراح اجيب قصص سرقات للجوال
بس انت اصبروا علي
  #15  
قديم 25/09/2004, 08:45 PM
زعيــم نشيــط
تاريخ التسجيل: 09/01/2002
المكان: الرياض
مشاركات: 963
مرّه كنت بفندق..انا وأثنين من عيــال عمّي..!!

رحنا لــ شامي نجيب غدى..

رجعنا للفندق..ياولد!!
منّا ومنّا..مالقينا شي..

كان النورس على عـــزّه..
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:51 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube