السلام عليكم ورحمة الله وبركاته

شاهدنا أمس الاهلي السعودي في أسوء حاله له منذ موسمين

شباكه منيت بـ6 أهداف ومن مين من النصر, الوحده........................

وبعد الهزايم هاذي قالوا الاهلي بيلعب مع زعيم آسيا........................................

الناس توقعت ان الاهلي بينهزم 3\0 أو 4\0 بدت المبارات حطيت كيسة فصفص وببسي على يميني وجلست اناظر المباراه وانا متوقعها هلاليه .........

بعدين وصلت الكوره لكيم ومعه كافو على غفله...... المهم راح كيم وجلس يلعب بالكوره والنزهان يناظر شوي ويصفق.........

وبعدين ما درى الى وكيم يستعد للرفع ..............

وبعدها حدث ما حدث..............

قلت ايه شوي ونقلب النتيجه أو على الأقل نعادل نقطه احسن من لا شئ..........

وخلص الشوط الأول قلت لا الشباب ناوين الاهلي بالشوط الثاني وبدا الشوط الثاني...............

وشات ريتشارد كوره جا بيمسكها العتيبي لاكن الموضوع ما أعجب المفرج قال واحد ما تكفي لازم انكب الفريق علشان ارتاح وعدل الكوره على المرمى وبالزاويه البعيده............

قلت يبن الحلال خلنا نشوف ريال مدريد واليوفي اريح لي...........

وحطيت الريال واذا رونالدو قدام المرمى وسوى حركه ما يسويها ولا ابو عذاب المهم انهزم الريال بــ3 والهلال بــ3

حبيت أسأل سؤال واحد بس هل هاذا الهلال سيصمد اما الصفاقسي والزمالك والاسماعيلي والترجي وغيرها من الفرق العربيه........

وهل هاذا الريال سيصمد اما الميلان والآرسنال واليوفي والانتر والبرسا وغيرها من الفرق الاوربيه

تحياتي للجميع(( عاشق المدفعجيه ))

صراحه بوجود الثلاثي الكوكباني : المفرج ، العتيبي ، النزهان ماظنتي راح نقوى على الترجي ولا الصفاقسي وعسانا نطلع بتعادل ، واذا طلعنا بتعادل طلع احد الإداريين وقال هالمقوووله الجديد :

اللاعبين شباب والمباراة كانت كبيره عليهم ، ولسى توهم في بداية الطريق ولاتستعجلوووووون ....!!!!!!!!

أي شباب اي بطيــــــــخ : النزهان كم عمره ،، المفرج كم عمره ، العتيبي كم عمره ، الغامدي كم عمره
مافيه الا الموري والصويلح والمبارك هذولي هم لاعبين شباب صاعدين هم اللي يعطون فرصه

الهلال بحاجبة إلى خدمات لاعبي الخبرة مثل الشريدة ، الجابر ، التمياط
الشريدة بجانب الهليل
الصويلح بجانب الجابر ...
كذا اللاعب الشاب راح يكتسب الخبرة ، ويكتسب الثقــة ، ويحس انه لو أخطأ راح يلقى احد يصحح خطأة ويوجهه ..

إن شاء الله الأيام الجاية يتحسن المستوى

أما نصمد قدام الزمالك

الحقني

نــــــــــــــعم سيصمد هذا الزعيم البراق المتألق رغم انف المتشائمين

لابد كل فريق يمر بظروف ويمر بفوز وهزيمه وتعادل.......واكررر



سيصــــــــــــــــــــــــــ سامي ورفاقه ــــــــــــــــــــمدون امام الجميع

اخوي عاشق المدفعجيه ماظنيت ولا 10% اننا بنصمد امام فرق كا الاسماعيلي والترجي وغييره

مع وجود لاعبين كهؤلاء

أخوي هلالي حبيب كلامك عين الصواب وشكراً على المرور.....

أخوي هلالي اختصار للوقت ابا اللحقك من اللحين.......................

أخوي مجنون سامي بالنسبه لسامي ما ادري ليش ما لعب مباراة الأمس وبعدين اذا كان أداء الهلال مثل أمس ماراح يصمد ولا قدام الكوكب السوداني........

أخوي أسير خلها على ربك......

نصمد اذا طلعوا الحثاله واللاعبين ما ادري وش اقول عنهم حسبي الله عليهم.