السلام عليكم ...
كيف حال الزعماء مع الانتكاسة الأولى للفريق خلال هذا العام ... ونتمنى أن تكون الأولى والأخيرة في ظل الطاقم الجديد بالكامل من إداري وفني وأيضاً في ظل الصحوة القصوى للفريق المنافس النصر ..,,
ماأطول عليكم بس الصراحة أنا تابعت شوي من مباراة الأمس بين الهلال والأهلي ( ماقدرت أكمل الباقي لأن النزهــان رفع ضغطي مليووووون بس أبشركم أنا اللحين بأحسن حال والحمد لله عقب ماشفت أسمه على قائمة المنتوفين من الفريق ولو أني اتحفظ على رحيل الاعب أحمد خليل !!!! )
لكن خلال المباراة أنا شفت مارادونا يلعب في هجوم الهلال بس ماأدري حقيقة والا خيال
فيه كورة رفعها أحمد الصويلح ( ياعمري ياأحمد ) واستقبلها مارادونا باليد وأخذ عليها كرت أصفر ( ياأن مارادونا يستهبل وإلا انه هذا حده مايعرف الا هالعبه !!! مارادونا اللي انا شفته هو ديسلفا والله لو إني رئيس للهلال كان اوديه دورة لسجن أبوغريب علشان يعرف ان الله حق ولاعاد يعودها واخليه يلعب زي الناس ليش يستقبل الكورة بيده ؟؟؟ وليش ياخذ كرت بدون مبرر ؟؟؟ المفروض الادارة تخصم عليه وتلعن والديه أما يلعب زي الناس والا ينقلع غير مأسوف عليه ( غيبه من حسين العلي ).
النقطه الثانية هي إن الدولة لو درت ان النزهان يلعب في الهلال كان ماصلحوا الجسر المعلق النزهـان يكفي ليش نصرف مليارات والنزهان في خدمتكم دائماً ( ياخي نلعب من دون ظهير ولا يلعب النزهان ) وياإدارة الهلال إمساكن بمعروف أو تسريح بإحسان ( يعني إذا كان الاعب يلعب كويس أهلا وسهلا ,, وإذا كان طقها والحقها مثل حكاية خوينا فطلقوه بالثــــلاث من دون إن ترفعون ضغط أي واحد من الجماهير المسكينه )
النقطه الأخيرة هي إن المدرب باكيتا أشرك بالأمس الاعب روبرتو كارلوس ( مضواح ) أنا لاانتقد مضواح ولكن انتقد المدرب الذي اشركة هذه اول مباراة رسمية لمضواح ان لم اكن مخطي والأحسن ان تشرك الاعب والفريق فائز لكي لايكون عليه ضغوط ولكي يستعرض مهاراته ويأخذ الثقة في نفسة أما ان تشركة والفريق مهزوم والله لو انك روبرتو كارلوس ماراح تسوي شي ( اصلا روبرتو بإعتبارة احسن ظهير في العالم لو تشركة في مباراة زي هذي والفريق مهزوم بثلاثة جاه انفصام في الشخصية يصير في النهار اسمه انطونيو !!!!)
اتمنى من الادارة اتخاذ الازم بحق كل من لايعطي شعار الزعيم حقه وأخص بذلك الاعب عمر الغامدي على باله انه كبير ومايلعب مع صغار افلح مع الصغار نحطك مع الكبار ياباشـــــه !!!!
وبذلك يمكن القول بأن النـزهــان لعب في مباراة الاهلي مساء البارحة مع الاعب المعتزل مارادونـا والاعب البرازيلي المدريدي روبرتو كارلوس !!!
وجهـة نظر .. لا أكثـر .. وبالتوفيق للزعيـــم .. أنـــا الهـــايم ,,,
مشــكور 
الوضع العادي
