السلام عليكم ورحمة الله وبركاته
والله ياجماعة الخير هذا الضحك والله من ضيقة الصدر..
معقول اللي نشوف هذا الهلال اللي كان وكان اللي كل ماجاء لاعب أو مدرب للسعودية يقول ما أعرف عن الكرة السعودية الا الهلال
معقول كل هذا يصير من متى والهلال مايقدر يوصل لباب الخصم الا مرتين أو ثلاث في المباراة؟؟؟
معقول اللي يصير من متى والأهلي يقدر يستعرض عضلاته قدام الهلال
معقول ومعقول ومعقول و معقول
كم مره نقولها من متى يلعب واحد زي النزهان في الهلال من متى الكلام هذا المفرج ماهي مشكلة اللاعب جيد بس محله ماهو في الهلال يا ناس نقول صناعة النجوم والمفرج يلعب والهليل احتياط معقول
والله بينفجر مخي

صار لي موقف اليوم والله غريب قعدت بعده اضحك كثير الموقف هو

اليوم قاعد أشوف المباراة في البيت وفي الغرفة اللي أنا فيها أبوي وكان منسدح وما عطا التلفزيون وجه المهم وأثناء المبارة التفت وشاف التلفزيون وقال من اللي يلعبون قلت له الهلال تدرون وش قال لي قال لي بالحرف ( هذولا ماهم الأولين اللي يلعبون زين) ياناس شايب كبير في السن وش عرفه أن الهلال أول يلعبون زين وليه قالها وليه قال الأولين ....

أنا أقدر أقول أن المدري ماله أي دخل في الهزيمه والا الأجانب تدرون من السبب

هي الأدارة اللي دايم تدلع اللاعبين وتوفر لهم كل شيء مانبغى من الأدارة الجديدة لاعبين أجانب ومدربين لأن الهلال هو من صنع أنصاف اللاعبين والمدربين

على اللأدارة الجديدة
1ــ الحزم
2ــالشدة
3ــ طرد أنصاف اللاعبين
4ــالأستعانة بالنعيمة بجانب الأحمد

الله يعطيك الف عافية .... ولكن لا حياة لمن تنادي ....

الشكوى لله

يا حماعة الخير الا وش رايكم ان النعيمة يجي مع الأحمد

شوف (( يالمبدع)) إنت نسيت عمر الجامدي وأهمد مكرشي هذولا وش كانو يسو طوال المباراة
فقط جري ثم جري ثم جري ثم جري ثم جري ولا إحتكاك بالخصم ولا هم يحزنون وينك
ياعبدالــــــلـــــــــــــــــــــطيف الغنـــــــــــــــــــــــــــنام وينـــــــــــــــــــــك
صلابة وقوة إحتكاك بالخصم مهو عمر الجامدي وأهمد المكرشي وفهد المفرج ومحمد النزهان و
محمد العنزي(( قليلــــــــين الحياء )) تقارن هؤلاء بهــــــــــــــولاء
يوسف الثنيان +فيصل أبو إثنين+خالد التيماوي +فهد الغشيان +خميس العويران + ليتانا+سامي الجابر+الدوخي+عبد الله الشريدة فرك إذنك وشوف بعيونك خليلياك يالمبدع