|
رحلتي لامريكا ........ بسم الله الرحمن الرحيم هذي قصه واقعيه صارت وانا اريح للهديره المهم متحمس خويكم بيروح لامريكا وخرو عنه بيكيراوي طالعن لامريكا حله عاد المهم ودعت الاهل وطلعت لمطار الرياض والشباب قالو نبي نطلع معك للمطار قلت الله يحيكم وراحوا كلهم معي للمطار شله كننا طالعين للاستراحه واحد من العيال . رحت للمطار بدري مطفوق :kicking: خويكم الساعه 8 وانا بالمطار والرحله 11 ونجلس بالصاله فوق وسواليف وفصفص ابد راحين لملعب الملز انواع السواليف وبعده بساعه راحوا الشباب ودخلت وناظر الجواز وختمه ولما دخلت بربع ساعه كالعاده الرحله متأخره s26s انطقيت ثلاث ساعات وبعده ركبت الطياره مافيه الا حول اربع طعش واحد مير استانس قلت انواع الفله ومير تاقف الطياره بجده وتحمل الحجاج وملت ام الطياره انواه الزحمه واشوف اثنين سعودين معي بالطياره تحف{بسم الله عليك يالمطور} جالسين وراي . ابحوال انام مانمت لي يومين مانمت ماغير اتقلب بالمقعد الصغير {مايمدين على الدرجه الاولى} وصلت الرحله بعد عناء طويل لمدينه نيويورك والدعوه برى ثلوج ومير انبسط ومغير متنح بالدريشه اتفرج على الثلوج نزلنا من الطياره وتفتشنا وطلعت برى المطار على شان اركب تاكسي يودين مطار ثاني ولا هذولا السعودين طلعو بعدي واقولهم وين راحين قالو وش دراك اننا عرب قلت من خششكم كنكم من السعوديه واثرهم بيروحون نفس المطار الثاني الي ابروحله انواع الصدف والمشكله انهم مايعرفون لغه مسوي انا المترجم حقهم قلت ازهلوها وتعالو معي المهم ركبنا الطياره الثانيه لمدينة دالاس في تكساس وانا اسولف معهم واثرهم نفس المعهد والله انواع الصدف . نزلنا في مدينة دالاس بالمطار والشباب نسو تذاكرهم بالطياره على اساس انه هذي المدينه الا نبيه ورحت قلت يالله خلونا نروح للطياره الثانيه قالو وشو مامعنا تذاكر ويركض واحد منهم للطياره ويشر للمظيفه بايديه يشرعلى المقعد حقه ويالله فهمت عليه وبعدها جاب التذاكر ؟ ورحنا للطياره الثانيه وهبطنا بسلام ورحنا للسكن هنا تجيكم السالفه اثرنا ميتين من الجوع واحد منهم قال تكفى نبي بيتزا حقتهم يمدحونه قلت ابشرو واطلب واقوله ابي بيتزا ببروني على ساس انا اللي عندنا بالسعوديه لحم بقر s81s واثره لحم خنزير الله يكرمكم واقوله عاد وانا حريص نو بورك واثره يقول وش هالخبل اللي يطلب هالطلب بدون لحم خنزير وهي كله لحم خنزير . جابوا الطلب وبعد ماشبعنا رحنا ننام وانا مادري انه خنزير مفهي . وبعد بشهر رحت مع واحد من العيال لنفس المطعم واقوله والله الببروني زينه مجربه :sleep: قالي كيف الحال قلت وش السالفه قال كله بورك يعني لحم خنزير وحامت كبدي . والشباب اللي معشيهم مادروا الى :naughty: هالحين خاف انطق منهم طق . وهذي قصتي اتمنى انها تعجبكم بس لاتعلمون احد اخوكم مطزاز |
تصدق .. هذي مشكلة السعوديين لا راحوا برا :D انا صارت لي سالفة ، مرة سافرت لـ أستراليـا :) تراها تجنن .. من جد روووعة :) المهم .. ركبنا سفينة كبيرة ولا تايتانك .. السفينة بتدور على المدينة ، وبنفس الوقت في مطعم كبير بالمدينة وقالوا ان العشا بالسفينة .. :) انا على طول نزلت تحت عند المطعم .. الا المطعم فل على الأخير رحت فوق ناديت ابوي .. قلت بسرعة نحجز الطاولة قبل ما ناكل السمك :D وننزل بسرعة حجزنا آخر طاولة :) المهم اخوكم في الله .. قعد ياكل شوربة :) الشوربة ذي عجبتني مرة .. وقاعد اكل منها ، لمّـا خلاص ما بقى الا اخر ملعقة واخلصها تجي المضيفة اللي بالمطعم تقول للوالد ترى هذا لحم خنزيـر .. قالي ابوي ووووقف بس !! :D .. تراه خنزير انا قلت ايه معليش .. الدعوة آخر ملعقة . قالي اقول شل الملعقة لاقوم اكسر الكاس براسك .. عاد انا قلت سمعاً وطاعة :D تحيتي |
ههههههههههههههههههههههههه مطزاز ههههههههههههههههههههههههههههههههه انا لي حول سنتين هنا هالحين ومره وحده اكلت بورك بس الله يتوب علينا طبعا مادريت بس دالاس حر شوي صح مع ان شكلك جاي بوقت شتا مدام فيه ثلوج يالبكيراوي بس ماقلت لنا كم قعدت هنا ومتى رجعت ووش رايك بالبلد عساه اعجبتك واذا تبي نفتح موضوع للمواقف اللي مرت علينا والا نكملها هنا يكون احسسن... ياااااااااااا خالي......... مشكور على الموضوع مطزاز خل الاعضاء يحسون بمعاناتنا هنا بالغربه,,,,,,, والسلام عليكم,,,,,,, |
The Danger حنا موب وجه سفر للخارج القصيم وتخب علي بعد وانت ماتعرف تقولهم فيها بورك ولا لا تستاهل ماجاك من ابوك ههههههههه وشكرا على مرورك ابو يعقوب الله يحيك والله الديره مره حر كنك بالرياض وشكلك عندك مواضيع عطنا اياه انواع المقالب والف شكر على مرورك ياولد اختي:bigrazz: |
مره مسافرين من ولايه لولايه انا وواحد من العيال المهم ضيعنا طريق ماندري وينه فيه..... وقفنا نعبي وقود بالمحطه وكان بجنبا واحد من اهل البلد يعبي مثلنا فنزل خويي وهو اللي يسوق متحمس مرررره يبغى يسال عن الطريق تدري وش قاله هههههههههههههههه قاله: ( لوسمحت ) الرجال التفت عليه مايدري وش السالفه قام التفت علي وهو ميت من الضحك وانا فاطس عليه من الضحك.............. طبعا تراه قالها لو سمحت بالعربي للحين اتصل عليه واذكره فيها عقب مارجع للسعوديه عادي تراها تصير عاد مهب خويي دلخ.......... |
اخس يالبكيراوية طابين علي امريكا مره وحدة والله انكم ماتلعبون والله حدكم استراحات النعيجة وطريق ساق |
النعيجه عقبي اما طريق ساق اعرفه ههههههههههههههههههههههه هالحين ما نهرج الا بالهاي وي وطقته وش طريق ساق ياااااااماكس ياويلك من مطزاز,,,,,,,,,,,, |
إقتباس:
قصدك ياويلي من خالك لا معليك شكل خالك حبيب |
ماتعرف النعيجه ياالمتطور اخس يعلمك وشي النعيجه ماكس ياماكس البكيراويه تطورا انا حبيب الا اذا زعلت ابويعقوب تراني في نيو اورلند انواع الاعصار طلعونا من الديره والله يستر اليوم وش بيصير والف شكر لكم |
مااااااااااااااااااااكس تراه قافله من الهاي ويات لانه انواع البوليس وانواع القسايم هنا بعدين هنا بوليسهم يروع ياخي مهب مثل ربعنا حبيبين........ خااااااااااااااااااااااااااالي الله يستر عليكم يارب ما تشوفون شر انتبه اسمع الاخبرا اول باول واذا صرت بطريق عليك بتحت الجسوووووووووووووووور........ بعدين من جد اسمك يشهين المطازيز,,,,,,,,,,,,,,,,,,,,,, |
[QUOTE=abo-15-yaqob]مااااااااااااااااااااكس تراه قافله من الهاي ويات لانه انواع البوليس وانواع القسايم هنا بعدين هنا بوليسهم يروع ياخي مهب مثل ربعنا حبيبين........ QUOTE] وراااااااه معجبينك بجد وربعة حقين الديرة ولا الربع ألي بالرياض |
انا سالفتي غير مع البيكن الي هو لحم خنزير مجفف كل ما اروح الجامعه اشوف الامريكان ياكلونة و اروح قلت واحد بيكن طالع فيني المظيف قال مسلم قلت يس قال موب لك خنزير و هو فاك الكشرة قهرني قلت اوكية تو بيكن بليز والله لا يوركم رحتها و شكلها مقزز الله يعزكم اشوى ان دينا مكرمنا |
خخخخخخخخخخخ الله يرجك يازين السعوديه بس :D:D:D.>>> يحب يقهر :dead: |
أبادلك نفس الشعور ياواحد زاحف <<----------- ماله دخل بالموضوع |
هههههههههههههههههههههههههههههههه ماااااااااااكس انا من ربع الرياض بس والله لو شفتهم هنا والا مسكوك ان تقول يا زين ( ......... ) حقيننا وش حليلهم اول ما يمسكك يقول يقربلك فلان اذا قلت ايه قال يالله حيه وراك مسرع يا ابو الشباب....... ههههههههههههههههههههههههههه زعيم دي سي حبيبي والله اني استحي اقول مواقفي مع الهام والا البورك لانها ثلاث مرات بس الحمد لله تنبهت عقب ويوم دريت عقب ثلاث ايام حامت تسبدي ههههههههههههههههههه الله يتوب علينا بس. واحد زاحف اي والله يازين السعوديه بس صح انه حر بس يا زينه عشان الاهل والله الاهل هم اللي لهم شوق والا الباقي قدرهم بالقلب,,,,,,,,,,,,, هههههههههههههههههههههه. :ssuss كلنا نحب السعوديه ونبادلك نفس الشعور والله,,,,,,,,,,,,,,,,,,,,,,, |
| الوقت المعتمد في المنتدى بتوقيت جرينتش +3.
الوقت الان » 12:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd