#1  
قديم 14/09/2004, 02:59 AM
الصورة الرمزية الخاصة بـ مطزاز
زعيــم متألــق
تاريخ التسجيل: 01/05/2002
المكان: الرياض
مشاركات: 1,236
Talking رحلتي لامريكا ........

بسم الله الرحمن الرحيم

هذي قصه واقعيه صارت وانا اريح للهديره

المهم متحمس خويكم بيروح لامريكا وخرو عنه بيكيراوي طالعن لامريكا حله عاد المهم ودعت الاهل وطلعت لمطار الرياض والشباب قالو نبي نطلع معك للمطار قلت الله يحيكم وراحوا كلهم معي للمطار
شله كننا طالعين للاستراحه واحد من العيال . رحت للمطار بدري مطفوق خويكم الساعه
8 وانا بالمطار والرحله 11 ونجلس بالصاله فوق وسواليف وفصفص ابد راحين لملعب الملز انواع
السواليف وبعده بساعه راحوا الشباب ودخلت وناظر الجواز وختمه ولما دخلت بربع ساعه كالعاده
الرحله متأخره انطقيت ثلاث ساعات وبعده ركبت الطياره مافيه الا حول اربع طعش واحد
مير استانس قلت انواع الفله ومير تاقف الطياره بجده وتحمل الحجاج وملت ام الطياره انواه الزحمه
واشوف اثنين سعودين معي بالطياره تحف{بسم الله عليك يالمطور} جالسين وراي .
ابحوال انام مانمت لي يومين مانمت ماغير اتقلب بالمقعد الصغير {مايمدين على الدرجه الاولى}
وصلت الرحله بعد عناء طويل لمدينه نيويورك والدعوه برى ثلوج ومير انبسط ومغير متنح بالدريشه اتفرج على الثلوج نزلنا من الطياره وتفتشنا وطلعت برى المطار على شان اركب تاكسي يودين مطار ثاني ولا هذولا السعودين طلعو بعدي واقولهم وين راحين قالو وش دراك اننا عرب قلت من خششكم
كنكم من السعوديه واثرهم بيروحون نفس المطار الثاني الي ابروحله انواع الصدف والمشكله انهم
مايعرفون لغه مسوي انا المترجم حقهم قلت ازهلوها وتعالو معي المهم ركبنا الطياره الثانيه لمدينة
دالاس في تكساس وانا اسولف معهم واثرهم نفس المعهد والله انواع الصدف .
نزلنا في مدينة دالاس بالمطار والشباب نسو تذاكرهم بالطياره على اساس انه هذي المدينه الا نبيه
ورحت قلت يالله خلونا نروح للطياره الثانيه قالو وشو مامعنا تذاكر ويركض واحد منهم للطياره ويشر
للمظيفه بايديه يشرعلى المقعد حقه ويالله فهمت عليه وبعدها جاب التذاكر ؟
ورحنا للطياره الثانيه وهبطنا بسلام ورحنا للسكن هنا تجيكم السالفه اثرنا ميتين من الجوع واحد منهم
قال تكفى نبي بيتزا حقتهم يمدحونه قلت ابشرو واطلب واقوله ابي بيتزا ببروني على ساس انا اللي عندنا بالسعوديه لحم بقر واثره لحم خنزير الله يكرمكم واقوله عاد وانا حريص نو بورك
واثره يقول وش هالخبل اللي يطلب هالطلب بدون لحم خنزير وهي كله لحم خنزير .
جابوا الطلب وبعد ماشبعنا رحنا ننام وانا مادري انه خنزير مفهي .
وبعد بشهر رحت مع واحد من العيال لنفس المطعم واقوله والله الببروني زينه مجربه
قالي كيف الحال قلت وش السالفه قال كله بورك يعني لحم خنزير وحامت كبدي .
والشباب اللي معشيهم مادروا الى هالحين خاف انطق منهم طق .
وهذي قصتي اتمنى انها تعجبكم
بس لاتعلمون احد
اخوكم مطزاز
اضافة رد مع اقتباس
  #2  
قديم 14/09/2004, 03:44 AM
الصورة الرمزية الخاصة بـ The Danger
مشرف سابق بمنتدى الرياضة العربيه والعالمية
تاريخ التسجيل: 23/10/2001
المكان: Riyadh
مشاركات: 2,423

تصدق .. هذي مشكلة السعوديين لا راحوا برا

انا صارت لي سالفة ، مرة سافرت لـ أستراليـا
تراها تجنن .. من جد روووعة
المهم ..
ركبنا سفينة كبيرة ولا تايتانك .. السفينة بتدور على المدينة ، وبنفس الوقت في مطعم كبير بالمدينة
وقالوا ان العشا بالسفينة ..
انا على طول نزلت تحت عند المطعم .. الا المطعم فل على الأخير
رحت فوق ناديت ابوي .. قلت بسرعة نحجز الطاولة قبل ما ناكل السمك
وننزل بسرعة حجزنا آخر طاولة
المهم اخوكم في الله .. قعد ياكل شوربة
الشوربة ذي عجبتني مرة .. وقاعد اكل منها ، لمّـا خلاص ما بقى الا اخر ملعقة واخلصها
تجي المضيفة اللي بالمطعم تقول للوالد ترى هذا لحم خنزيـر ..
قالي ابوي ووووقف بس !! .. تراه خنزير
انا قلت ايه معليش .. الدعوة آخر ملعقة .
قالي اقول شل الملعقة لاقوم اكسر الكاس براسك .. عاد انا قلت سمعاً وطاعة

تحيتي
اضافة رد مع اقتباس
  #3  
قديم 14/09/2004, 04:27 AM
زعيــم مميــز
تاريخ التسجيل: 09/03/2004
المكان: رجعنا لرياضنا الحبيبه
مشاركات: 1,525
ههههههههههههههههههههههههه

مطزاز ههههههههههههههههههههههههههههههههه

انا لي حول سنتين هنا هالحين ومره وحده اكلت بورك بس الله يتوب علينا طبعا مادريت بس دالاس حر شوي

صح مع ان شكلك جاي بوقت شتا مدام فيه ثلوج يالبكيراوي بس ماقلت لنا كم قعدت هنا ومتى رجعت ووش

رايك بالبلد عساه اعجبتك واذا تبي نفتح موضوع للمواقف اللي مرت علينا والا نكملها هنا يكون احسسن...

ياااااااااااا خالي.........

مشكور على الموضوع مطزاز خل الاعضاء يحسون بمعاناتنا هنا بالغربه,,,,,,,

والسلام عليكم,,,,,,,
اضافة رد مع اقتباس
  #4  
قديم 14/09/2004, 06:59 AM
الصورة الرمزية الخاصة بـ مطزاز
زعيــم متألــق
تاريخ التسجيل: 01/05/2002
المكان: الرياض
مشاركات: 1,236
The Danger حنا موب وجه سفر للخارج القصيم وتخب علي بعد
وانت ماتعرف تقولهم فيها بورك ولا لا تستاهل ماجاك من ابوك ههههههههه
وشكرا على مرورك



ابو يعقوب الله يحيك والله الديره مره حر كنك بالرياض
وشكلك عندك مواضيع عطنا اياه انواع المقالب

والف شكر على مرورك ياولد اختي
اضافة رد مع اقتباس
  #5  
قديم 14/09/2004, 09:42 AM
زعيــم مميــز
تاريخ التسجيل: 09/03/2004
المكان: رجعنا لرياضنا الحبيبه
مشاركات: 1,525
مره مسافرين من ولايه لولايه انا وواحد من العيال المهم ضيعنا طريق ماندري وينه فيه.....
وقفنا نعبي وقود بالمحطه وكان بجنبا واحد من اهل البلد يعبي مثلنا فنزل خويي وهو اللي يسوق متحمس مرررره
يبغى يسال عن الطريق تدري وش قاله هههههههههههههههه قاله:
( لوسمحت ) الرجال التفت عليه مايدري وش السالفه قام التفت علي وهو ميت من الضحك وانا فاطس عليه
من الضحك.............. طبعا تراه قالها لو سمحت بالعربي للحين اتصل عليه واذكره فيها عقب مارجع للسعوديه
عادي تراها تصير عاد مهب خويي دلخ..........
اضافة رد مع اقتباس
  #6  
قديم 14/09/2004, 02:15 PM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913
اخس يالبكيراوية طابين علي امريكا مره وحدة
والله انكم ماتلعبون

والله حدكم استراحات النعيجة وطريق ساق
اضافة رد مع اقتباس
  #7  
قديم 14/09/2004, 09:26 PM
زعيــم مميــز
تاريخ التسجيل: 09/03/2004
المكان: رجعنا لرياضنا الحبيبه
مشاركات: 1,525
النعيجه عقبي اما طريق ساق اعرفه


ههههههههههههههههههههههه هالحين ما نهرج الا بالهاي وي وطقته وش طريق ساق ياااااااماكس


ياويلك من مطزاز,,,,,,,,,,,,
اضافة رد مع اقتباس
  #8  
قديم 15/09/2004, 12:54 PM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913
إقتباس
الرسالة الأصلية كتبت بواسطة abo-15-yaqob
النعيجه عقبي اما طريق ساق اعرفه


ههههههههههههههههههههههه هالحين ما نهرج الا بالهاي وي وطقته وش طريق ساق ياااااااماكس


ياويلك من مطزاز,,,,,,,,,,,,

عاد انتم يالهاي وي ترفقوبنا

قصدك ياويلي من خالك لا معليك شكل خالك حبيب
اضافة رد مع اقتباس
  #9  
قديم 15/09/2004, 09:21 PM
الصورة الرمزية الخاصة بـ مطزاز
زعيــم متألــق
تاريخ التسجيل: 01/05/2002
المكان: الرياض
مشاركات: 1,236
ماتعرف النعيجه ياالمتطور اخس يعلمك وشي النعيجه ماكس

ياماكس البكيراويه تطورا انا حبيب الا اذا زعلت

ابويعقوب تراني في نيو اورلند انواع الاعصار طلعونا من الديره والله يستر اليوم وش بيصير

والف شكر لكم
اضافة رد مع اقتباس
  #10  
قديم 16/09/2004, 01:05 AM
زعيــم مميــز
تاريخ التسجيل: 09/03/2004
المكان: رجعنا لرياضنا الحبيبه
مشاركات: 1,525
مااااااااااااااااااااكس

تراه قافله من الهاي ويات لانه انواع البوليس وانواع القسايم هنا بعدين هنا بوليسهم يروع ياخي مهب مثل ربعنا حبيبين........


خااااااااااااااااااااااااااالي

الله يستر عليكم يارب ما تشوفون شر انتبه اسمع الاخبرا اول باول واذا صرت بطريق عليك بتحت الجسوووووووووووووووور........

بعدين من جد اسمك يشهين المطازيز,,,,,,,,,,,,,,,,,,,,,,
اضافة رد مع اقتباس
  #11  
قديم 16/09/2004, 10:34 AM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913
[QUOTE=abo-15-yaqob]مااااااااااااااااااااكس

تراه قافله من الهاي ويات لانه انواع البوليس وانواع القسايم هنا بعدين هنا بوليسهم يروع ياخي مهب مثل ربعنا حبيبين........


QUOTE]
وراااااااه معجبينك بجد وربعة حقين الديرة
ولا الربع ألي بالرياض
اضافة رد مع اقتباس
  #12  
قديم 16/09/2004, 10:45 AM
الصورة الرمزية الخاصة بـ Z3eeM_Dc
مشرف سابق بمنتدى الجمهور الهلالي
تاريخ التسجيل: 26/01/2004
المكان: شبكة الزعيم
مشاركات: 6,042
انا سالفتي غير مع البيكن الي هو لحم خنزير مجفف كل ما اروح الجامعه اشوف الامريكان ياكلونة و اروح قلت واحد بيكن طالع فيني المظيف قال مسلم قلت يس قال موب لك خنزير و هو فاك الكشرة قهرني قلت اوكية تو بيكن بليز والله لا يوركم رحتها و شكلها مقزز الله يعزكم اشوى ان دينا مكرمنا
اضافة رد مع اقتباس
  #13  
قديم 16/09/2004, 10:57 AM
الصورة الرمزية الخاصة بـ واحد زاحف
زعيــم مميــز
تاريخ التسجيل: 30/01/2004
المكان: الرياض >><< ريدنق
مشاركات: 3,566
خخخخخخخخخخخ
الله يرجك
يازين السعوديه بس .>>> يحب يقهر
اضافة رد مع اقتباس
  #14  
قديم 16/09/2004, 12:10 PM
زعيــم مميــز
تاريخ التسجيل: 07/10/2003
المكان: تــبــوك
مشاركات: 1,592
أبادلك نفس الشعور ياواحد زاحف

<<----------- ماله دخل بالموضوع
اضافة رد مع اقتباس
  #15  
قديم 16/09/2004, 12:20 PM
زعيــم مميــز
تاريخ التسجيل: 09/03/2004
المكان: رجعنا لرياضنا الحبيبه
مشاركات: 1,525
هههههههههههههههههههههههههههههههه ماااااااااااكس

انا من ربع الرياض بس والله لو شفتهم هنا والا مسكوك ان تقول يا زين ( ......... ) حقيننا وش حليلهم اول ما يمسكك يقول يقربلك فلان اذا قلت ايه قال يالله حيه وراك مسرع يا ابو الشباب.......
ههههههههههههههههههههههههههه

زعيم دي سي حبيبي والله اني استحي اقول مواقفي مع الهام والا البورك لانها ثلاث مرات بس الحمد لله تنبهت عقب ويوم دريت عقب ثلاث ايام حامت تسبدي ههههههههههههههههههه
الله يتوب علينا بس.

واحد زاحف اي والله يازين السعوديه بس صح انه حر بس يا زينه عشان الاهل والله الاهل هم اللي
لهم شوق والا الباقي قدرهم بالقلب,,,,,,,,,,,,, هههههههههههههههههههههه.

:ssuss
كلنا نحب السعوديه ونبادلك نفس الشعور والله,,,,,,,,,,,,,,,,,,,,,,,
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:13 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube