#1  
قديم 22/04/2001, 03:57 AM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
Arrow

إلى جـمـيـع رواد هـذا المنتدى الراقي وإلى جمهور النادي المميز النادي اللذي لا يغـيـب عن شمس البطولات نادي الهلال الكيان المتكامل بكل من فيه من رؤساء وأعضاء شرف وإدارين وفنيين ولاعبين(وجمهور واعي)

بـعـد التحـيـة
الله يجازي من كان السبب في خسارة الزعيم في المباراة اللي راحت ولكن هذا ماضي لازم علينا نسيانه والتكلم في المباراة القادمة ما راح أطول عليكم لكن عندي تشكيلة ودي أقدمها لكم وأخذ رأي الجميع فيها إذا لديهم أي تعليق أو رأي أخر . ودي نلعب المباراة القادمة بهذي التشكيلة .

( الدعـيـع ) حارس
( الشريدة ــ الدوخي ــ خليل ــ النزهان ) دفاع
( الثنيان ــ الشلهوب ــ الغامدي ــ توليو ) وسط
( سامي ــ روني ) هجوم

طبعاً الثنيان والشلهوب وسامي يشغلونهم من ناحية اليسار بالتمريرات الطولية وبكذا روني يكون لاعـب حر تنفك عنه الرقابة .
ومن اليمين الدوخي والغامدي وروني يشغلونهم بالتمريرات والمراوغة وبكذا سامي يكون لاعـب حـر تنفك عنه الرقابة . وتوليو يكون مساند للجميع وناقل كور بسرعة
هذا مجرد اقتراح وألا أدري يمكن يكون لكم رأي ثاني بس أتوقع أن هذي التشكيلة مناسبة جداً لأنه في حال تسجيل هدف التعادل في النصف الساعة الأولى من المباراة بيضيع النصر وبتتلخبط أموره كلها وأعتقد بهذي التشكيلة بعد توفيق الله قادرين نجيب الهدف الأول في النصف ساعة الأولى من المباراة . ثم نلعب على كيفنا بعد ما نمسك الوسط ونرسم هجمة وراء هجمة وصدقوني وأذكروا كلامي زين وأذكركم بعدين إذا الهلال سجل الهدف الأول والثاني وطلع الشوط الأول فايز إن شاء الله بينسحب النصر مع بداية الشوط الثاني من أي خط بيحطه عذر وبينسحب عن المباراة وبتشفون كلامي وأذكركم هذا إن الله قاله وعـقـبال ما نبارك لبعض إن شاء الله .
وبالتوفيق من الله للزعيم ولازم حضوركم لازم وجود الجمهور لاتنسون لازم واللي يبيني أمره ما عندي مانع أمره يرسل بس الكروكي ويبشر .
لازم الحضور للجميع لاتنسون
  #2  
قديم 22/04/2001, 04:28 AM
زعيــم فعــال
تاريخ التسجيل: 05/04/2001
مشاركات: 457
ان شالله ربك يوفق وبنفوز لازم التوفيق من الله والا لين وفقنا الله لو ما يلعب احد ابد من الهلال فزنا يعني ظنك يوم يفوزون علينا كانو افضل من الهلال الله ما اراد المباراة الاولى تكون هلاليه ....,,,,




  #3  
قديم 22/04/2001, 07:18 AM
زعيــم نشيــط
تاريخ التسجيل: 18/03/2001
مشاركات: 776
Exclamation


اخوي سلطان العبد العزيز تحيه طيبه لك ولجميع اعضاء الزعيم
انت مقتنع بالغامدي هل هو افضل من ابو اثنين او التيماوي
انا على مااعتقد ان سبب نزول مستوى الدوخي هو الغامدي لعدم التافهم فيما بينهما
لان الغامدي في الاصل دفاعي بحت ولايفقه في الهجوم شي من ناحيه الاهداف
الي احرزها الغامدي ليست مبررآ انه لاعب مهاجم منصور المو ينع كان يجيب اهداف
هل هو لاعب مهاجم
مفاتيح الفوز في اي فريق الوسط والغامدي ماهو دوره في الملعب صدقني ركض
بلا فائدة تمرير الكور غلط رفع غلط حتى في ركضه غلط تقول بيجر هزاز مع احترامي للغامدي كثير الفولات على خطى المسعري لكن نقول الغامدي له على ماعتقد
2 او3 سنوات ممكن يتغير حاله
ارجع واقول الوسط هو مفاتيح الفوز سافيت ما قصر لعب المسعري والغامدي وتوليو والثنيان لاحظ المسعري والغامدي وش صار الشوط الثاني وخاصه في بدايته الهلال شوارع !!!!!!!!!
الثنيان كان يلعب وسط لحاله لا مسعري ولاغامدي وضيعو توليو معاهم
انا ابي افهم الي يطالبون ان الغامدي يلعب ابيه يقنعني وش دورة في الملعب هل هوافضل من ابوثنين يجيني واحد يقولي فيصل رتم لعبه بطيى
انا ارد عليه يزين هرتم فيصل ابو ثنين هوافضل لاعب في تقطيع الكور وافساد الهجمات المرتده وسررررررررررررررريع البديهه الكوره ليست برجل اوركض
فقط شاهد هدف سامي في الاهلي في كاس الموسئس مباره الافتتاحيه الهلال tv شبكه الزعيم ولاانسى هدف سامي التعادل مع الاهلي كاس الدوري 1416ه
هل هو افضل من التيماوي لاعب يلعب في جميع المراكز الهجوميه والدفاعيه
لاعب وسط بعنى الكلمه في الهجوم في حاله ا لهجوم والدفاع في حاله الدفاع
مثال انه يلعب في جميع المراكز مباره الهلال والصفاقسي االتيماوي لعب مكان من
ارجع للمباره وشفها والي يبي يتكد اكثر شاهد مباره الهلال والشباب النهائيه
3\2 الهلال شف كم لعب في كم مركز
ما اقول والله يالتيماوي انك مضلووووووووووووووووووووووووووووووم
ناس تقول يلعب بالوسطه وهوكان قبل اصابته في المنتخب وبتحيد مباره جنوب افريقيا كان اساسي الي استاد الملك فهد الافرو الاسيويه وكان معه سامي ليش
استادعهم ماتشالا وعقب ما كانو بيخترعون منتخب جديد في بطوله القارات
لاسامي لا الثيان لاالتيماوي لا خميس والنتيجه 5\0 مع مصر مطرو د كم من مصر
البرزيل مهزله في تاريخ المنتحب السعودي قال منتخب جديد ليش اختارو سامي
والتيماوي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ومعروف وش البين التيماوي وبلاتشي والي يبي ارجع وشاهد كيف كانت التغيرات
الهلال والانصار اخر مباره في كا س الاتحاد 3 \2 للانصار ا

ارجع واقول مفاتيح الفوز ياخوي سلطان الوسط
توليو ابو ثنين الثنيان الشلهوب او التيماوي
ابو ثنين دوره تنضيم الفريق بتمرريته وراساليته غير دور في قطع الكور من ارجل الخصم توليو يقوم بتغطيه الاضهره في حاله تقدمهم وتغطيه ثغرات السناتره
مثل ما يفعله خميس العويران
الثنيان وما ادراك ما الثيان ما شاء الله صدقوني وبدون مبالغه مافي مثله في العالم
انت خلوه هو يعرف وش يسو في الملعب
اتمنا ان يلعب التيماوي والشلهوب يكون ورقه رابحه وان لعب مفي مشكله
انت فكونا من الغامدي والمسعري ونصير بخير

انا ما الوم اي لاعب ما يبدع اذا كان في الفريق المسعري والغامدي









  #4  
قديم 22/04/2001, 08:56 AM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
أخوي / تركي بعد التحية
أنا معك ولا أختلف معك بشي عـلى فيصل أبو اثنين والتيماوي
لكن وجـودهم أحـتـيـط أفـضـل في بداية المباراة وأشــراك
الشلهوب والغامـدي يكون نوع مـا أفضـل برأئي لأنه الغامدي
سريع ومشاغـب في قـطـع الكور في منطقة الوسط في حال تقدم
الدوخي مع أي هـجـمة وفي حـال تسجيل الهلال هـدف التعادل
خـلال الشـوط الأول يتغير اللعب بمسك زمام الأمـور عـن طريق
أشراك فيصل أبو اثنين والتيماوي .
والا تقول العويران العويران شي ثاني في المحور إلى الحين
ما طـلع في أنديتنا السـعـودية محـور مـثـل إمكانـيـاتـه
أستاذ في منطقة المحور . المهم الله الله بالحضور للجميع
تحياتي لك أخوي تركي 000 وبالتوفيق إن شاء الله

[عدلت بواسطة سلطان العبدالعزيز التاريخ:22-04-2001 الساعة: 09:27 AM]
  #5  
قديم 22/04/2001, 09:43 AM
زعيــم نشيــط
تاريخ التسجيل: 17/11/2000
مشاركات: 653
اخوي الغالي تركي الكبير

الغالي تركي الف شكر مشاءالله عليك فكر كروي كبير تتميز فيه ياتركي



احب اناقشك في النقطه اللي ذكرتهاا


شف يالغالي فيصل بوثنين لاعب ممتاز لايختلف عليه اثنان والتيماوي ايضا رجع مستواه اللي اول وهو في تقدم


لاحظ معي النقاط اللي بذكرها كويس


انت مو مقتنع بالغامدي

الغامدي له اخطاء كثيره نوعا ما وهذا ما يلتزم عليه كلاعب محور يغطي انطلاقات الدوخي لان مستحيل تشوف الدوخي مايجنح باليمين يعني لازم على لاعب المحور ان يغطي الجهه بسرعه او محاوله اعاقه اللاعب الخصم على اقل تقدير انا اتحدى اي مدرب يجي الهلال يلعب فيصل وتوليوا في مباراة وحده وان لعبوا صدقني ما راح تكون هناك فايده لان كل منهم ادائهم واحد محور متاخر يعني لو افترضنا الغامدي ما يلعب لانك مو مقتنع فيه ما راح يكون بداله الا خالد التيماوي فيصل لاعب ممتاز وصدقني شف التشكيله انا وش حطيت انا حاط ياتوليوا يافيصل لان ادئهم متقارب ويمكن فيصل احسن لانه يجيد رفع الكرات الثابته بشكل ممتاز


فيه نقطه حلوه بالغامدي انه متفاهم مع الدوخي لاتقول نزل مستوى الدوخي الدخوي هو من نفسه نازل مستواه يالغالي ارجع للمباريات اللي كان فيها احمد مبدع شف من كان يلعب معه وسط يمين يغطي مكانه اذا تقدم مافي غير الغامدي



في نقطه انت نسيتها وهي اشراك المسعري صدقني لو كان لاعب ثاني بذا المكان صدقني راح ننهزم اكثر من 1/0

لاتنسى ان المسعري مو مكانه وسط يسار متاخر ويوسف هو نفسه اللي خلى لاعبين الوسط مايقوموا بدورهم لان يوسف اي كوره بالنص لازم هو اللي يبداها وهذا اكبر غلط سواه يوسف منها قتل لاعبين الوسط ومنها تعرضه للاصابه

ولاتنسى ان جهتك اليسار في مباره النصر مافي لاعب كان موجود الصويلح اول مره ولذلك حب انه ينزل المسعري بدل من الشلهوب لان الشلهوب لايساند الجهه الدفاعيه مثل مايساند الهجوم لكي يساعده ولاحظ بعد سامي اي كوره لازم يسحب معه الداوود على اليسار كل هذا من اجل جهتنا اليسار اللي تاثرت بغياب النزهان ونواف اللي دائم يميل للوسط الايسر


في النهايه احب اقولك الخلاف لا يفسد في الود قضيه

وسلامتك يالغالي
  #6  
قديم 22/04/2001, 09:45 AM
زعيــم متألــق
تاريخ التسجيل: 14/01/2001
المكان: الرياض
مشاركات: 1,317
اخوي تركي الكبير فعلا انت كبير في كلامك وانا كل موضوع ادخله واشوف كلامك هذا عن اللاعبين الغامدي والمسعري أوافقك في كل شي وطبعا انا الان
أوافقـــــــــــــــــــــــــــــــــــــــــــــــــــــــك في كل كلامك
  #7  
قديم 22/04/2001, 10:00 AM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
أخوي / هاجس بعد التحية
كلامك صح ابو اثنين والتيماوي لا غبار عليهم
ولكن تقدم الدوخي يحتاج للاعب يغطي الخانة والغامدي
قادر يغطي ويشاغب في النص إلى حين رجوع الدوخي ولو لحظة
الدوخي أحياناً وهو راجع يرجع ويقطع الكورة من الخصم لأنه
الغامدي مشاكس مع لاعب الخصم فالغامدي لابد من أشراكه .
((المهم الحضور أمركم أرسلو لي كروكي بالوصف وأبشرو))
وللجميع تحياتي , سلطان العبدالعزيز
  #8  
قديم 22/04/2001, 10:39 AM
موقوف
تاريخ التسجيل: 02/09/2000
مشاركات: 294
أخوي سلطان العبدالعزيز , أنا أوافقك بكل كلامك حتى بالتشكيلة ,, وبصراحة أخوي تركي الكبير مالة إلا الغامدي والمسعري .. الأهم الآن كما تعلمون رأي المدرب والواجب رفع هامة وروح جميع اللاعبين بلا أستثناء , لأن أى كلمة أو نقد غير بناء يؤثر على اللاعبين جميعاً وأصحاب الخبرة فما بالكم بلاعب شاب كعمر الغامدي ؟ ارجوع من الجميع الأنتباة لهذي النقطة ولنجعل كل اللاعبين عينان براس واحد .
  #9  
قديم 22/04/2001, 11:36 AM
زعيــم نشيــط
تاريخ التسجيل: 18/03/2001
مشاركات: 776
Cool


اخوي هاجس انت قلت ان النقاش او الخلاف لا يفسد في الود قضيه
انا ببدا معاك من اول الغامدي على ما اعتقد اني الي لعبه لوري وكان الغامدي
مبدع ثم جاء ريدنسكو وبدع معه وخا صه في كاس الخليج
ما عنده فلسفه اول باول ابدع في كاس الموسئس ومع الشباب العام الماضي
في كاس ولي العهد اختيار للمنتخب وبعدين وش صارله الله اعلم
180 درجه على ما اعتقد انه حس في نفسه انه اللاعب الوثق من نفسه
وشاهدة قي تحركاته وباصاته في الغالب خاطئه في المنتخب بعد ماكان اساسي
من صار بداله --------وعقبها الولد اختلف الى يومك هذا بس نقول توة وقدامه
انه يثبت نفسه ماله سنتين في الهلال
انت تقولي توليو وبو اثنين ما يصلحون يلعبون مع بعض انا اخلافك في الشى
هذا ابو اثنين كان يلعب مع خميس العويران وش المشكله اذا لعبت توليو وابو اثنين
انا قلت من قبل ابوثنين محور وانت عارف ماهو دور المحور وتوليو تغطيه الاظهره والسناتره مثل ماكان يسويه خميس العويران

انت تقولي ان الغامدي يغطي الدوخي ومتفاهم معه يمكن هذا اول الان لا اعتقد بل
اجزم شف من ناحيه التغطيه توليو بعمل الوجب ومعه ابو ثنين وخلفهم الشريده وخليل والسناتره وش دورهم اجل باقي ان تجعل لعبين وسط يساندون الهجوم
الثنيان والشلهوب او التيماوي وانا اتمنى ان يلعب التيماوي بحيث الثنيان في الجهه
اليسرى والتيماوي في الجهه اليمنى ولتنسى ان الثنيان والتيماوي
في الهجوم هجوم افي الدفاع دفاع وشاهدنا كيف الثنيان في مبارهاه النصر
كيف يرجع ويقطع الكوره وخاصه من ماطر وغيره ويبني هجمه

انت تقولي ان يوسف قتل لاعيبه الوسط اي لاعيبه المسعري تتوقع انه بيبني هجمه
لان يوسف عارف والله انه ماعندك احد يشوف يمين ويسار الغامدي والمسعري
علمني كيف ابدع المسعري والغامدي في الشوط الثاني انت تقول ان الثنيان
عطل ادوارهم الثنيان طلع كله الشوط الثاني اشوف المسعري والغامدي حرثو الملعب
حرث والله ان يو طلع الثنيان ان مافيه الا سامي وبس هم الموجودين
انت تكلمت عن المسعري وتقول مكانه واحد ثاني دخل فينا اكثر 2\0
انا تكلمت عنه في هذا النك


http://alzaeem.com/vb/showthread.php...5&pagenumber=1
المسعري لاعب تكتيكي بحت !!!!!!!! ان ما قرءته اقرءه مع الردود

واكرر الخلاف لايفسد في الود قضيه

  #10  
قديم 22/04/2001, 12:41 PM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
أخوي / الذئب الازرق
و تركي الكبير
بعد التحية لكم وللجميع
شكرا عـلى تأييدك يالذئب الازرق عـلى هـذه التـشكيلة وعلى كلامك
المهم من ناحية نفسية اللاعبين ورفع المعنويات هذ شي مهم فعلا .
وودي أقـول شـي لاخـوي تركـي الكبير أنا قـريت كـل اللي كتبـت
لكن لي ملاحظة على رايك في عـمـر الغـامـدي بالتحـديد صـدقـنـي
أنت مأخذ اللاعب من زاوية واحدة ولا تقول هو من نزل مستوى الدوخي
لا بالعكس أنا أقول عـن الغامدي أنه لاعـب مشاكس للخصـم ومتابع وهو
من يأخر الهجمات المرتدة إللي تكون من جهة الدوخي وأكبر دليل تشوف الدوخي يتقدم أحياناً وهـو مرتاح لأن الغـامدي يغطي مكـانـة بسـرعـة .
عموماً أرجع لكلام الذئب الازرق بخصوص رفع المعنويات أخوي تركي .
تحياتي وشكرا للجميع .
  #11  
قديم 22/04/2001, 12:58 PM
زعيــم جديــد
تاريخ التسجيل: 15/02/2001
مشاركات: 34
أخي العزيز تركي الكبير لاحياة لمن تنادي والله صحنا وزاعقنا كثير وطالبنا بالكابتن الرائع فيصل أبو أثنين بس المشكلة ان فيصل ماهو لاعب منتخب عشان كذا تشوف الشباب مركزين على الغامدي وناسين هذا اللاعب الرائع. ياشباب ترى الهلال بحد ذاته منتخب ومو معنى أن اللاعب يلعب في المنتخب معناه أنه كامل أو أفضل من اللي ماهو في المنتخب ترى اللاعب أحيانا يكون مبدع ولكنه لايوفق في المنتخب ولنا في ذلك أمثلة كثيرة مثل الكابتن خالد قهوجي فالجميع يعرف هذا اللاعب ومايملكه من فنيات حيث يعتبر ثاني أفضل لاعب مهارات في السعودية بعد أبو يعقوب ولكن للأسف أن هذا اللاعب غير موفق أبدا مع المنتخب. قد يستغرب الجميع من كلامي هذا ولكن هذه الحقيقة التي يجهلها الكثير من الناس فنحن دائما نطالب بلاعبين المنتخب وننسى أن هناك أفضل منهم وأيضا دائما نجري وراء الصحافة ومديحها للاعب معين ونطالب به وننسى لاعبين اخرين يبذلون كل مالديهم لخدمة هذا الكيان الكبير أمثال الكابتن فيصل والنزهان وغيرهم. لماذا نرى نقدا حادا للنزهان عندما يرتكب نصف غلطة ونتغاضى عن الشلهوب مثلا وهو يرتكب الخطأ تلو الاخر وكما رأينا أن الشلهوب لم يقدم شيئافي الهلال بعد اسيالبنان بل كان على النقيض حيث قدم مستويات هزيلة ولكن لم نر(الراء المفتوحة) أي نقد هادف بل كان دفاعا مستميتا عن هذا النجم الواعد الذي قد نهدمه نحن بأيدينا. جميعنا نعشق الشلهوب ولكن عشق الهلال أكبر. دعوا المبالغة في المديح وقولوا لمن أصاب أصبت ولمن أخطأ أخطأت وانسوا أن هذا لاعب منتخب والاخر لا وليكن الملعب هو الفاصل بين اللاعبين وسوف ترون حقا التنافس الشريف بين اللاعبين أنفسهم كل منهم يريد أن يثبت نفسه وبذلك تعود الروح الهلالية التي لازلنا ننتظر عودتها.
والسلام
أخوكم هلالي راشد
[عدلت بواسطة هلالي راشد التاريخ:22-04-2001 الساعة: 01:20 PM]
  #12  
قديم 22/04/2001, 01:08 PM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
الأخ / هلالي راشد
بعد التحية
ياخي ما نقول في فيصل أبو اثنين شي بالعكس
أنا أول المطالبين فيه لكن أرجع للكلام اللي ذكرته
عن مشاركة الغامدي وتعرف ليه أنا قلت الغامدي .
والا فيصل صدق لاعب والكل يطالب فيه بس ما هوب من البداية
ولك وللجميع تحياتي .
  #13  
قديم 22/04/2001, 01:45 PM
زعيــم جديــد
تاريخ التسجيل: 15/02/2001
مشاركات: 34
شكرا أخي العزيز سلطان عبدالعزيز
بس أبغاك تفهم الصورة اللي في رأسي وغيرتي الشديدة على زعيمنا
الرجاء منك قراءة ردي بعد التعديل

ولك تحياتي
أخوك هلالي راشد
  #14  
قديم 22/04/2001, 04:33 PM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
أخوي / هلالي راشد
بعد التحية
قريت ردك وصدقني عارف أن أي واحد يشارك
برايه قصده المصـلحة العامة للزعيم وجمهوره
وفيه كلمة حلوه منك مو أي واحـد يشارك
المنتخب معناه يلعب وأفضل من الجميع لا
طبعاً في هذي صادق أنت . ويعطيك العافية.
وعموماً لازم الجمهور يعرف دوره ويحضـر
لتأهل الزعيم يوم الخميس بأذن الله أن الله كتبه .
تحياتي ,,,
  #15  
قديم 22/04/2001, 09:08 PM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
Arrow

نسيت أقولك شي مهم
مهما أختلافنا في الراي المهم نوصل لنتيجة
لصالح الهلال زعيمنا لإن انظار عليه دخلياً وخارجيا
ومن حق الفرق متابعة الفرق المشاركة معها في بطولة
العالم وتأكد أن الزعيم يتابعه أكثر من فريق حالياً
فالازم الوصول إلى نتيجة تليق بهذا النادي وتاريخه
وشكرا
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:49 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube