سلام يا جماهير الهلال .. اولا الموضوع هذا كان في بالي من زمان بس قررت اكتبه الان عشان نطلع من الاجواء المغيمة على المنتدى اليومين هذي ... بس ودي انبه ان الفكره لن تنجح الا بتفاعل الجميع معها وبالأخص المشرفين الكرام .. وانشاءالله انها تعجبكم.. وتستمر هذه الفكره على مر الوقت

ماشاءالله المنتدى فيه فوق 4000 عضو .. منهم اعضاء جدد ومنهم طبعا قديمين .. هذا معناه انه فيه آلاف المواضيع كتبت من اول يوم للمنتدى الى الوقت الحالي .. وعشان نساعد بعض ونساعد اخواننا اللى توهم مسجلين معنا .. وللتسهيل لهم ولنا ..

اتمنى من كل عضو يدخل الموضوع هذا انه ياخذ من وقته شوي و يدور في قائمة مواضيعه الشخصيه على (( موضوع واحد فقط )) يرى انه كان مفيد او كان مهم او ان الاعضاء كانوا متفاعلين معاه في السابق او حتي لو ما احد تفاعل معاه بس يشوف انه كان مهم ... ويتكرم علينا ويضع لنا اللنك (العنوان) حق الموضوع هنا مع كتابة ملخص بسيط عن ماهية الموضوع المطروح قبل مايضع اللنك
وبكذا نقدر نراجع ونتذكر هالمواضيع الشيقه والمفيدة .. وفي نفس الوقت الاعضاء الجدد يقرونها بدون تعب بالبحث في الارشيف .. لانه كل واحد فينا عارف مواضيعه وهو اللي يقدر يعطينا موضوع من احسن مواضيعه ... صح ولا لأ؟


ملاحظه/ اكرر ارجو التفاعل وشكرا لكم جميعا


أخوكم (هلالي من يومي)

هذا الموضوع القديم كان برضه اقتراح مني والحمدلله انه وجد التفاعل من الادارة ومن الاعضاء الكرام واخص بالذكر الاستاذ (طلال) .. الا وهو موضوع (أخبار الزعيم) .. وهذا اللنك: http://alzaeem.com/vb/showthread.php3?threadid=4558




ملاحظه/ تعمدت باختيار هذا الموضوع عشان ابين لكم ان الاقتراحات لن تنجح الا بالتفاعل (تحسون اني كثرت من كلمة تفاعل كننا في معمل كيميا)
[عدلت بواسطة هلالي من يومي التاريخ:20-04-2001 الساعة: 09:23 PM]

كنت اتمنى .. اشارك معكم لكن للاسف .. مالي الافتره بسيطه معكم .. طبعا أقصد في المنتدى .. ولا العشق الازرق منذ المهد في دمنا ..
وحتى المواضيع القليله اللي شاركة فيها بصراحه مالقيت .. شئ يستاهل اني اعيد لكم او اذكر عنوانه ..
وعلى فكره عزيزي هلالي من يومي .. في فائده ثانيه من موضوعك غير اعادة الذكريات .. اقتراحك يجبر كل عضو على مراجعة مواضيعه ويراجع نفسه اذا كانت مواضيعه مفيده فعلا وهامه .. ولا لا .. وبتخلي اي واحد يحس بقصور مراجعة حساباته ..وتعديل مساره .. مما يعود على المنتدى واعضائه بالفائده ..
ما قصرت والله يعطيك العافيه ..

بصراحه فكره راااااائعه

واعتقد ان موضوع الاخ الذئب العالمي موضوع رائع
عن اللي عنده ماسنجر يحطه علشان التواصل بين الاعضاء
والموضوع موجود في في الوصله التاليه :
http://alzaeem.com/vb/showthread.php3?threadid=8092


وشكراااااااا

** اخوي هاوي الهلال/ اشكرك على ردك ومشاركتك .. ومو شرط ان الموضوع يكون باسمك .. يعني زي ما سوى اخونا (النورس11) حط لنا اللنك حق موضوع الماسنجر للذئب العالمي .. وزي ما قلت انت انه هذا راح يفيدنا في مراجعة مواضيعنا ونشوف هل احنا في تقدم ولا تراجع .. الف شكر لك

** اخوي النورس 11/ الفكره رائعه لكن وين المشاركه ؟؟ على العموم مشكور عزيزي على المشاركه ويعطيك العافيه على اللنك اللي حطيته لنا ..


** اخواني واخواتي الاعضاء .. اين انتم؟؟ لقد تعمدت بان (ارفع) الموضوع للصفحه الاولى بعد ما اختفى ووصل الى (الارشيف) لكي اعرف هل هي الفكره التي لم تعجبكم؟؟ ام هل هو توقيت طرح الموضوع بعد مباراة الذهاب بين الهلال والنصر (ياقدم الموضوع) ؟؟ ام انكم لم تجدوا الوقت لديكم للبحث في مواضيعكم عن ما هو مميز ومفيد لنا ولاخوتنا المنظمين الينا حديثا؟؟؟
ارجو من الجميع المشاركه وان لا يبخلوا علينا ببعض الوقت منهم والذي سوف يوفر الكثير من الوقت للاعضاء الجدد.


ملاحظه/ اذا تفاعل الجميع بالمشاركه في هذا الموضوع .. يكون باستطاعة ادارة الموقع ومشرفيها بالاستفاده بحيث يقومون بوضع موضوع بعنوان ((مقتطفات من الارشيف)) في شريط المواضيع النشطه في الاعلى تماما كاخبار الزعيم .. او انهم يضعونه كفرع في منتدى المواضيع المتميزه .. وبهذا يكون هناك ارشيف للمواضيع المميزه والمفيده ويكون مرجعا للجميع للقراءه والاستفاده بطريقه سهله و(((سريعه))).


مع تمنياتي لكم بالتوفيق

اخوكم (هلالي من يومي)