خبر كالصاعقه يهزا الوسط السعودي بخصوص الاجهزه الذكيه - نادي الهلال السعودي - شبكة الزعيم

TOTTI_MAD · #1 23/08/2004, 08:53 AM

فعلا انا مستاء حدي من هالخبر
الخبر هو كلاتي
لكل من يجمل جوال من فئةالاجهزه الذكيه اللي كلنا عارفينها
1- يتصادر الجوال بدون ادنى جدال
2- في حاله وجود مقاطع فيديو خارجه عن الاخلاق او اباحيه,,
يقف صاحب الجهاز وينظر في امره وقد يترتب على ذالك سجن وجلد على حسب فضاعة المقاطع ووو
.....................
وهنا احب اقول ياشباب والله العضيم اني سمعت هالخبر من واحد ثقه وما عنده مصلحه انو يكذب علي
... وانا استغرب لي متى واحنا تحت رحمة هذي الانضمه اللي كل يوم تتغير
اوكي ممكن معاهم حق في حالة وجود اشياء اباحيه وو خلافه
لكن قضية انو الجوال يتصادر من دون سبب فقط لأنه مزود بكاميرا
والله قمة الظلم ..

انا ابي ياشباب احد يتأكد من مصدر موثوق ونا اقصد من المصدر نفسه يعني يكون شخص في الامن ومعني في الموضوع عشان نحط حد لكل اللي قاعد يصير
ولو اتكلم عن معاناتي مع مراكز التفتيش اللي على الطرق
رح اتعب ونا ماخلصت انواع اللعب في الاعصاب اللي يقول رح اصادره واللي يقولي تدري انه ممنوع ليش تاخذه واللي واللي سالفه
...........................................
شباب اكرر اللي عنده الخبر الاكيد يتفضل ويرد
واذا كان الخبر صحيح 100%
اليوم على الحراج هذا اذا احد رضي يشتري :crooked:

ssuss · #2 23/08/2004, 10:55 AM

بصراحه فرحتني بهالخبر فعلا خبر يسعدك والله يخلينا هالأنظمه

إبراهيم 11 · #3 23/08/2004, 10:56 AM

اخوي TOTTI_MAD
الضرورات تبيح المحضورات
ok أنا معك انا وانت انشالله مانستخدم الجوال المزود بكاميرا استخدام خاطئ بس الباقين اكيد فيه احد بيستخدمه استخدام محظور وبعدين على المصايب اللي نشوفها من تحت كاميرة الجوال
انا اقول الله يسمع منك ويكون هالخبر صحيح

سموووره · #4 23/08/2004, 11:26 AM

الله يجزى الله يصدر هالقرار كل خير ويوفقه ويعينه لان عندنا اجسام شباب لكن هم اطفال لايحملون اخلاق المسلمين وغير متربين هذا اصلا من الاساس المفروض يسحب منه الجوال من الاساس وحده بيجر ومن فوقه

HENRY 12 · #5 23/08/2004, 01:48 PM

إقتباس


	<center><normalfont><u> </u></center> [RIGHTلكن قضية انو الجوال يتصادر من دون سبب فقط لأنه مزود بكاميرا والله قمة الظلم .. :[/RIGHT] </normalfont>

من جد واحد حاله حال نفسه ومعاه ابو كاميرا خلاص يصادر منه بدون سبب

المفروض انه اذا شافوا الشخص يعمل حركات سيئه هذي اللحظه يسحب منه الجهاز

اما بدون سبب كلام فاضي وبعدين ايش ذنب الرجال مشتريه بـ2000 ولا مدري كم ويروح بلوشي

ليش طيب اذا سحب بس اذا حق الهيئه ماسحبه واخذه له

وانا سمعت بأنه اذا شافك حق الهيئه بس هو الي يصادره مو الحكومه مدري هل الكلام صحيح؟

DHOOOM · #6 23/08/2004, 01:50 PM

مااستغرب الخبر خصوصا اني سمعت ان الجوال يتصادر في المطار

بس وش تبونا ناخذ جوالات
NOKIAوش نزلت بعد الفيصلية والمملكة وبرج العرب جوالات تسوى إلا كميرا

وش فيه غير الكاميرا عنيد 7 عنيد 8 انجيج السقيم

HENRY 12 · #7 23/08/2004, 01:55 PM

إقتباس


	<center><normalfont><u>إقتباس من مشاركة DHOOOM </u></center> مااستغرب الخبر خصوصا اني سمعت ان الجوال يتصادر في المطار بس وش تبونا ناخذ جوالات NOKIAوش نزلت بعد الفيصلية والمملكة وبرج العرب جوالات تسوى إلا كميرا وش فيه غير الكاميرا عنيد 7 عنيد 8 انجيج السقيم</normalfont>

ماعندك احد بلا مطار بلا هم انا قبل 3 ايام بالتحديد داخل ومعي جوالي

اصلا مافي تفتيش الا وانت رايح يعني مسافر خارج السعوديه انا ناس قالولي وانت

راجع راح تشوف المشاكل رجعت حتى كلام محد قلي ايش في جيبك يالله الحمد لله

المزيوووووون · #8 24/08/2004, 06:18 AM

انا مع الحكووووووووووومه ،،،،،،، الله يعزززز الحكوووووومه

وبالنسبه للي معه جوال فيه كاميرا ياليت يكسره ازين له لانه راح تصير حمله تفتيش قريبه بأذن الله في كل مكان بس انتم اصبروا وراح يتصادر كل من معه جوال كميرا ويكسرون الجوال قدام وجهه والله يعين الي شاري جواله بذيك القيمه

يابشر في ناس يخربون على ناس

وبعدين وش فايدتكم بهالجوالات

قبل سنتين كنا على المملكة والفيصليه وكنا عايشين وش تغير في الدنيا

ووين الي يقولون ان البادنا وغيره مهم ولا نقدر نستغني عنه ومدري وشو (مهم على ايش هو مش جوال حاله حال غيره يتصل ويصك وغضينا)

كل هالكلام ولابعد قلت الي بداخلي

ياناس توبوا وارجعوا الي ربكم

كل هالاشياء جاتنا من الكفره الفجره عيال الخنازير علشان يلهون المسلمين ويدخلون الاغاني وماحرم الله الي بيوت الله وغيرها وغيرها فليش هذا الحكي ليه

؟؟؟؟؟؟؟

ssuss · #9 24/08/2004, 07:00 AM

لا اخوي مااراح يكسر الجوال قدام عينك ولا يخربه لكن اتوقع لأن فيه مره واحد في الدوريات سمعته يقول جاناتعميم اللي تلقون معاه جوال كامرا اكسرو العدسه بس ماني متأكد كلامه صح ولا جايبها من راسه لكن لو فعلا فيه شيء من هالقبيل اكيد راح يسمحون للشركات بانزال اجهزه مطوره بعد ازالة الكامرا منها

asheqalreem · #10 25/08/2004, 12:46 AM

إقتباس


	<center><normalfont><u>إقتباس من مشاركة سموووره </u></center> الله يجزى الله يصدر هالقرار كل خير ويوفقه ويعينه لان عندنا اجسام شباب لكن هم اطفال لايحملون اخلاق المسلمين وغير متربين هذا اصلا من الاساس المفروض يسحب منه الجوال من الاساس وحده بيجر ومن فوقه</normalfont>

المزيوووووون · #11 26/08/2004, 10:51 AM

بالنسبه بأنهم يكسرون العدسة بس فهذا الموضوع غير صحيح

الصحيح هو انهم يبون يصدرون جوالك عندهم الين ما تدفع المبلغ المطلوب

اقول ياليت البشر تتعض من المصايب الي تصير لنا في هالوقت

الدنيا خربت ماعادت مثل ايام اول الحين الفساد صار كثير (بس يقولون مازلت الدنيا بخير) وحنا نمشي ورا هالمقوله

الفيلــ15ـــسوف · #12 26/08/2004, 04:57 PM

والله مااعتقد ان الكلاام صحيح...
امس انا بالمطاااار ودخلت ومعي جوال الباندا واكلمبه بوسط المطار ولا قالو لي شي ....
وشفت حوالي خمس اشخاص معاهم كاميرا بوسط المطار ولا قالو ولا كلمه....

الزعيـــ11ـــم · #13 27/08/2004, 12:19 AM

اجل انا رحت فيها. الله يعين

سامي موجود · #14 27/08/2004, 05:22 AM

إقتباس


	<center><normalfont><u>إقتباس من مشاركة سموووره </u></center> الله يجزى الله يصدر هالقرار كل خير ويوفقه ويعينه لان عندنا اجسام شباب لكن هم اطفال لايحملون اخلاق المسلمين وغير متربين هذا اصلا من الاساس المفروض يسحب منه الجوال من الاساس وحده بيجر ومن فوقه</normalfont>

زمان الود · #15 30/08/2004, 11:57 PM

ياشباب والله أني ماسمعت إلى الآن أي خبر عن ذلك مع إني عندي معارف كثيرة جدا في كل مجال ....

ياأخوان الناس وصلوا للقمر وحنا تونا منشغلين بالأشياء هذه ...

وأزيدكم من الشعر بيت روحوا لم مجمع الروضة للاتصالات بالرياض والله معروضة عرض عيني عينك ...

وسلامتكم ...