السلام عليكم ورحمة الله وبركاته

يا اعضاء المنتدى ابغى اعرف انتو ليه حاطين حيلكم في حسن العتيبي ومحمد النزهان ياخي مافي واحد بالعالم وبأي لعبه رياضية الا ويغلط وفوق كل هذا قبل كم يوم تمدحون فيهم والحين تقولون هم ليه باقيين في الهلال انا من وجهة نظري حسن العتيبي 100% والاهداف اكثرها او اغلبها كرات ثابته ولكن يتعلم من اغلاطه مافي احد انولد وهو عالم لازم يتعلم وعطوه فرصة والله انا على اتصال فيه ويقول غلطه في التمركز واتمنى الجمهور يسامحني ويقول انشالله يعوضكم ولكن ما اتمنى انكم تقسووون على اللاعب وخاصه انا اعرف لاعبيين يفاوضهم الهلال شباب يقولون مانبغى الهلال عشان جمهوره مايرحم من اي غلطه يحط فيه الف عيب

ابغاكم انكم ما تقسون على النزهان والعتيبي اعطوهم فرص طيب الحين سامي والدعيع غلطاتهم كثيره ليه ما تتكلمون عليهم ولا لانهم لعيبه لهم صيتهم في الكره السعوديه هذا ماهو كلام ياجماعة الخير واتمنى انكم تعطونهم فرصه ولا تقولون انهم ضيعو علينا بطولات العتيبي في كم مباراة في الموسم اللي انتهى كان مبدع والحين لما جت ثلاثة اهداف تقولون ليه ما ينسقونه انا اقول انتظروا انتظروا انتظروا

وهذي وجهة نظري واتمنى محد يزعل واللي موافقني الراي يقول انه موافقني


مع الف شكر لكم